Գեղեցկության գաղտնիքը. ձիթապտղի յուղ

Միջերկրական ծովի մշակույթն անհնար է պատկերացնել առանց ձիթապտղի յուղի։ Դա ոչ միայն խոհանոցի հիմքն է, այլ նաև անթերի մաշկի և մազերի գաղտնիքը։ Ուսումնասիրենք այս կախարդական բաղադրիչն ավելի մանրամասն։

ՁԻԹԱՊՏՂԻ ՅՈՒՂՆ ՈՒ ՄԱՇԿԻ ԽՆԱՄՔԸ

Ձիթապտղի յուղը դեռ դարեր առաջ օգտագործվում էր մաշկի խնամքի համար։ Լինելով բնական խոնավացնող միջոց, այն ներթափանցում է մաշկի խորը շերտեր և ապահովում երկարաժամկետ պաշտպանություն։ Մենք խորհուրդ չենք տալիս այն տարածել ամբողջ մարմնով՝ ոտքերից մինչև գլուխ։ Դրա փոխարեն կարող ես օգտագործել ձիթապտղի յուղ պարունակող միջոցներ։ Դրանք հարմար են չոր մաշկի խնամքի, ինչպես նար արևային լոգանքից հետո մաշկը վերականգնելու համար։

Ձիթապտղի մզվածքն առկա է բազմաթիվ հակատարիքային միջոցների բաղադրության մեջ, քանի որ պարունակում է մեծ քանակությամբ հակաօքսիդիչներ, ինչպես նաև А և Е վիտամիններ, որոնք մաշկը պաշտպանում են ազատ ռադիկալների վնասակար ազդեցությունից։

ՁԻԹԱՊՏՂԻ ՅՈՒՂՆ ՈՒ ՄԱԶԵՐԻ ԽՆԱՄՔԸ

Պատմությունը մեզ սովորեցնում է, որ դեռ հին Եգիպտոսում ձիթպտղի յուղն օգտագործել են որպես մազերի կոնդիցիոներ (հատուկ շնորհակալություն Կլեոպատրային)։ Շնորհիվ մեծ քանակությամբ հակաօքսիդիչների՝ ձիթապտղի մզվածքի հիմքով մազերի խնամքի միջոցները արդյունավետ են թեփի բուժման և գլխամաշկի առողջությունը պահպանելու համար։ Քանի որ ձիթապտղի յուղը պարունակում է էմոլենտներ՝ նյութեր, որոնք ապահովում են համալիր պաշտպանիչ ազդեցություն, դրա ազդեցության ներքո քո մազերը կդառնան ավելի փափուկ և կունենան շողացող տեսք։ Այսօր արդեն հասանելի են ձիթապտղի մզվածքով մազերի խնամքի բազմաթիվ միջոցներ, սակայն ցանկության դեպքում կարող ես փորձել ձիթապտղի յուղի անմիջական ազդեցությունը։ Այն փոքր-ինչ տաքացրու և տարածիր մազերին, որից հետո մազերը փաթաթիր սրբիչով և թող կես ժամ։ Մազերն անհրաժեշտ է լվանալ մի քանի անգամ՝ անզուգական փայլ ստանալու համար։

Տեքստ Ֆոտո Oriflame