1. ԲՆԱԿԱՆ ԵՎ ԿԵՆՍԱՔԱՅՔԱՅՎՈՂ
Սպունգը պատրաստված է 100% բնական մազաթելերից, Amorphophallus konjak ասիական բույսի պալարներից: Ի տարբերություն մյուս մաքրող աքսեսուարների, այն սինթետիկ հավելումներ չի պարունակում: Բացի այդ, սպունգը 100% կենսաքայքայվող է, այսինքն՝ բացարձակ անվտանգ է ջրային միջավայրի համար օգտագործումից հետո:
2. ՀԱՐՄԱՐ Է ԱՄԵՆԱԶԳԱՅՈՒՆ ՄԱՇԿԻ ՀԱՄԱՐ
Օգտագործի՛ր սպունգը սիրելի մաքրող միջոցով մաշկը խորությամբ մաքրելու և մեռած բջիջները շերտազատելու համար: Փափուկ կառուցվածքը հարմար է ամենազգայուն մաշկի համար և չի առաջացնում գրգռվածություն: Սպունգը նաև հեշտությամբ սեղմվում է ձեռքի մեջ՝ կոմպակտ չափի շնորհիվ:
3. ՓԱՅԼ Է ՀԱՂՈՐԴՈՒՄ
Բոլոր ժամանակների լավագույն կերպարը առողջ և գեղեցիկ մաշկն է: Այդպիսի արդյունքի հասնել կարելի է ճիշտ խնամքի, սնունդի և քնի միջոցով: Կարելի է նաև կոնյակու սպունգի օգնությամբ՝ մի քանի րոպեում. մեկ րոպե սպունգը թող տաք ջրի մեջ: Ապա թաց մաշկին տարածիր լվացվելու միջոց և սպունգով մերսիր մաշկդ ներքևից վերև՝ շրջանաձև շարժումներով՝ խուսափելով աչքերի շուրջ հատվածից: Լվացի՛ր դեմքդ տաք ջրով և չորացրու սրբիչով: Ահա՛, մաշկդ շողում է առողջությամբ:
4. ՄԱՔՐՈՒՄ Է ԵՎ ՇԵՐՏԱԶԱՏՈՒՄ
Կոնյակու սպունգը մշակվել է Ճապոնիայում և սկզբում օգտագործվում էր նորածինների մաշկը մաքրելու համար, քանի որ այն չափազանց նուրբ կառուցվածք ունի: Դու կարող ես օգտագործել սպունգը ոչ միայն դեմքը, այլև ամբողջ մարմինը խորությամբ մաքրելու համար: Օրինակ՝ առանձնապես խնդրահարույց հատվածներում, որտեղ առավել հաճախ է ակնե առաջանում՝ կրծքին, մեջքին: Կանոնավոր օգտագործման դեպքում սպունգն օգնում է նկատելիորեն նվազեցնել սև կետերի առաջացումը և նեղացնել լայնացած ծակոտիները:
5. ԵՎՍ ԽՆԱՄՔ Է ՊԱՀԱՆՋՈՒՄ
Չնայած սպունգներից շատերը հակամանրէային են՝ իրենք իրենց չեն կարողանում մաքրել: Հենց այդ պատճառով լվացիր սպունգը մաքրող միջոցով, չոացրու կախված վիճակում և մի մոռացիր փոխել ամիսը մեկ անգամ:
