1. ԴՐԱՆՔ ԱՄԵՆՈՒՐ ԵՆ
Ոչ միայն բջջային հեռախոսը, պլանշետը, հեռուստացույցը կամ համակարգիչն է կապույտ լույս արձակում: Հիմնական աղբույրը (չես գուշակի) արևի լույսն է: Բանն այն է, որ արևի ճառագայթը ներառում է ողջ ծիածանային սպեկտրը՝ ուլտրամանուշակագույնից (UV) մինչև ինֆրակարմիր, և կապույտը զբաղեցնում է սպեկտրի մեծ մասը: Փաստացի, կապույտը կազմում է մարդու աչքին տեսանելի լույսի մեկ երրորդ մասը: Հենց այդ պատճառով, ի դեպ, երկինքն ունի կապույտ գույն:
2. ԿԱՊՈՒՅՏԻ ԱԶԴԵՑՈՒԹՅՈՒՆԸ
Ի տարբերություն կանաչ կամ կարմիր գույնի՝ կապույտն ունի կարճալիքային երկարություն և տատանման բարձր հաճախականություն: Սա նշանակում է, որ կապույտ ալիքները մասնակիորեն են հասնում աչքի հատակին, մնացածը ցրվում է ճանապարհին, պատկերը ստացվում է ոչ այնքան հստակ: Հաշվի առնելով՝ որքան ժամանակ ենք մենք անցկացնում էկրանի դիմաց ամեն օր, մեր աչքերը մշտապես լարվում են, իսկ մենք ավելի շուտ ենք հոգնածություն, ճնշում և գլխացավ զգում:
3. ԵՎՍ ՄԵԿ ՀՈԴՎԱԾ ԵՎ ՔՆԵԼՈՒ
Ծանո՞թ իրավիճակ է. վաղուց արդեն կեսգիշեր է, իսկ դու դեռ չես կարողանում մի կողմ դնել սմարթֆոնդ, իսկ երբ հետո փորձում ես քնել, ոչինչ չի ստացվում: Զարմանալի չէ, չէ՞ որ կապույտ լույսը քունը խանգարող հայտնի գործոն է: Մեր օրգանիզմը բարձր զգայունություն ունի կապույտ լույսի հանդեպ, վերջինս կարող է խառնվել կենսառիթմին (ներքին «ժամացույցը», որը պատասխանատու է քնի ցիկլի, առույգության և օրգանիզմի այլ կրկնվող գործառույթների համար): Մենք տարբեր ենք. մեզնից ոմանք ավելի շատ են արձագանքում կապույտ լույսին, քան մյուսները: Բայց փաստ է՝ քնից առաջ սոցցանցերից կախվածությունը, յութուբ կամ հեռուստացույց դիտելը կարող են առաջացնել կենսառիթմի խախտում: Իսկ քնած մնա՞լը: Մտածի՛ր, թե ինչպե՞ս ես վաղն արթնանալու: Եվ փորձի՛ր գաջեթները մի կողմ դնել մինչ առավոտ:
4. ԱՄԵՆ ԻՆՉ ԱՅԴՔԱՆ ԷԼ ՎԱՏ ՉԷ
Չնայած այս ամենին՝ կապույտ լույսն ունի նաև դրական հատկություններ: Ապացուցված է, որ այն բարձրացնում է կոգնիտիվ գործառույթները և բարձրացնում է տրամադրությունը: Ավելին, կապույտ լույսի ազդեցությունն օգնում է օրգանիզմին պահպանել առողջ կենսառիթմերը: Եթե կա արևոտ եղանակին դրսում զբոսնելու հնարավորություն, բաց մի՛ թող այն:
5. ԻՆՉՊԵ՞Ս ՆՎԱԶԵՑՆԵԼ ԲԱՑԱՍԱԿԱՆ ԱԶԴԵՑՈՒԹՅՈՒՆԸ
Պատասխանն ակնհայտ է. ավելի քիչ օգտվել գաջեթներից: Որքան էլ տարօրինակ թվա, ավելի շատ թարթել. որքան երկար ենք նայում էկրանին առանց թարթելու, այնքան ավելի շատ է հավանականությունը, որ աչքերում կառաջանա չորության տհաճ զգացողություն: Այդ պատճառով հաճախ թարթիր: Հաջորդ լուծումը. գնել հատուկ լուսային զտիչ սմարթֆոնի, պլանշետի և համակարգչի էկրանի համար, որպեսզի նվազագույնի հասցնել ճառագայթման ազդեցությունը: Այդպիսի զտիչն օգնում է պաշտպանել մաշկը ուլտրամանուշակագույն ճառագայթների բացասական ազդեցությունից և կանխել մաշկի վաղաժամ ծերացումը: Եվ մեկ լուծում. NovAge SPF 50 բազմաֆունկցիոնալ պաշտպանիչ քսուք դեմքի համար: Այս քսուքն ապահովում է UVA և UVB ճառագայթներից մաշկի առավելագույն պաշտպանությունը և պարունակում է UVA/PA++++ զտիչ:
