Ինչպես է մաշկի վրա անդրադառնում շրջակա միջավայրը

Մաշկի համար շրջակա միջավայրի աղտոտվածությունը արևային ճառագայթներից հետո երկրորդ թշնամին է: Այն հանգեցնում է վաղաժամ ծերության, կնճիռների, գունակավորման և կարմրությունների:

2010 թ. The Journal of Investigative Dermatology (Հետազոտություններ մաշկաբանության ոլորտում) ամսագիրը հրապարակել է հետազոտություն, որտեղ համեմատվել է ավտոմայրուղիների հարևանությամբ և գյուղերում ապրող հասուն տարիքի կանանց մաշկի վիճակը: Քաղաքում ապրող կանանց մոտ հիպերգունակավորումը և կնճիռները հանդիպել են 22% ավելի շատ: Ի՞նչն է պատճառը: Պատասխանը պարզ է. շրջակա միջավայրի աղտոտվածությունը:

Քաղաքում ապրելու դեպքում ավտոմեքենաների արտանետումներից, օդորակիչներից և արդյունաբերական արտանետումներից խուսափելն անհնար է: Մյուս կողմից՝ կան պրոֆիլակտիկ միջոցներ, որոնք կօգնեն պաշտպանել մաշկը

Ամենակարևորը՝ մաքրումն է: Այն հեռացնում է աղտոտվածությունը և թույլ է տալիս մաշկին շնչել: Իսկ մաշկը մաքրող սարքավորման օգնությամբ կարող ես հեռացնել անտեսանելի աղտոտվածությունը և ապահովել մաշկի առավել խորը մաքրումը:
Քաղաքային աղտոտված օդը պարունակում է մեծ քանակությամբ ազատ ռադիկալներ: Վնասակար ՈՒՄ ճառագայթման հետ միասին, դրանք հանգեցնում են մաշկում կոլագենի արտադրության կրճատմանը, որի արդյունքում առաջանում են կնճիռներ և մաշկն ունենում է առավել կոպիտ տեսք: Իրավիճակը կօգնեն շտկել հակաօքսիդիչները:

«Աղտոտված օդից չես կարող պաշտպանվել գլխարկի, անձրևանոցի օգնությամբ, այդ պատճառով քեզ անհրաժեշտ է լավ պաշտպանություն»

Հակաօքսիդիչները ազատ ռադիկալների դեմ պայքարող հզոր միջոց են, որոնք ռադիկալների բացասական ազդեցությունը հասցնում են նվազագույնի: Սկսի՛ր սննդից. սննդակարգը պետք է ներառի ցիտրուսայիններ, հատապտուղներ և գազար, քանի որ դրանք հարուստ են А  С վիտամիններով: Հավելյալ ընդունի՛ր աստաքսանտինով հարուստ սննդային հավելումներ, քաղցրահամ ջրերի ջրիմուռներից ուժեղ հակաօքսիդիչներ: Եվ վերջապես, հակաօքսիդիչներով հարուստ շիճուկներ, որոնք ստեղծում են պաշտպանիչ պատնեշ, ինչն օգնում է մաշկին պահպանել խոնավությունը , վերականգնում է բջիջները և շրջակա միջավայրի ագրեսիվ գործոնների համար ծառայում որպես պատնեշ: 

Մի՛ մոռացիր նաև խոնավության մասին: Որքան լավ է խոնավացված մաշկը, այնքան հեշտ այն կարող է պայքարել վնասակար թունավոր նյութերի ազդեցության դեմ, որոնք կարող են ներթափանցել բնական պաշտպանիչ թաղանթից ներս: Աղտոտված օդից չես կարող պաշտպանվել գլխարկի, անձրևանոցի օգնությամբ, այդ պատճառով քեզ անհրաժեշտ է լավ պաշտպանություն: Մետաքսածառի մզվածքով սնուցող քսուքն ապահովում է մաշկի պաշտպանությունն ու հավելյալ խոնավացումը: Իսկ գիշերային քսուքը արագացնում է մաշկի նորացման բնական գործընթացը՝ մինչ դու քնած ես:

Տեքստ