9 խորհուրդ՝ շողացող ժպիտ ունենալու համար

Ասում են՝ ժպիտը վարակիչ է: Սակայն ոչ բոլորն են պատրաստ կիսվել ժպիտով: Եթե ոչ կատարյալ ատամներ ունենալու միտքը խանգարում է լայն ժպտալուն, մեր 9 խորհուրդները կօգնեն փոխել վերաբերմունքը:


1.
 Մի՛ մոռացիր լվանալ ատամներըն ամեն առավոտ և երեկո՝ ամեն անգամ ծախսելով նվազագույնը 2 րոպե:  Ընտրի՛ր սպիտակացնող մածուկներ, որոնք կօգնեն պայքարել էմալի երանգի փոփոխության դեմ և կապահովեն ճերմակափայլ ժպիտ:

2. Լինենք անկեղծ. Ատամի խոզանակի կյանքը պետք է լինի 3 ամսից ոչ ավել: Եթե նկատում ես, որ մազիկները դարձել են փափուկ և մաշվել, ապա արդեն նորը գնելու ժամանակն է:

3. Ամենայն հավանականությամբ լսել ես, որ թեյը, սուրճը, հյութը և կարմիր գինին էմալի վրա ունեն բացասական ազդեցություն: Այդ ազդեցությունը նվազեցնելու համար կա գերազանց լուծում՝ ըմպել ձողիկով: Այո, ակումբում սա կարող է տարօրինակ թվալ, փոխարենը քո ժպիտը կշլացնի բոլորին:

4. Չնայած որ ցիտրուսային մրգերերը լի են օգտակար հատկություններով (օրինակ՝ C վիտամին), նարնջի և թուրինջի մրգային թթունները կարող են քայքայել ատամի էմալը: Նմանատիպ վնասվածքներից խուսափելու համար ուտելուց հետո բերանի խոռոչը ողողի՛ր տաք ջրով:

5. Իսկ դու գիտե՞ս, որ լեզուն մաքրելը նույնքան կարևոր է, որքան ատամները: Այն ոչ միայն կանխարգելում է բերանի խոռոչի տհաճ հոտի առաջացումը, այլև հեռացնում է մանրէները, որոնք դառնում են էմալի երանգի փոփոխության պատճառ:

6. Չնայած սննդային սոդան ատամների սպիտակեցման տարածված տարբերակ է՝ կարևոր է չափը չանցնել: Բանն  այն է, որ ատամնափառն անցկացնելուց բացի՝ սոդան կարող է վնասել նաև էմալը՝ առաջացնելով լուրջ վնասվածքներ:

7. Հում մրգերն ու բանջարեղենը ոչ միայն օգտակար են քո առողջության համար, այլև շատ օգտակար են բերանի խոռոչի հիգիենայի համար: Նմանատիպ սնունդը ծամելիս՝ դու խթանում ես թքագեղձերի ակտիվ աշխատանքը, ինչն էլ ապահովում է քո ատամների մշտական մաքրությունը:

8. Հոգա քո ժպիտի և ատամների առողջության մասին և այցելի՛ր ատամնաբուժի մոտ 6 ամիսը մեկ: Մենք հասկանում ենք, որ այս այցելությունը այնքան էլ ուրախալի չէ, սակայն պրոֆեսիոնալ մաքրումը առավել երկար կպահպանի քո ատամների առողջությունը:

9. Խորհուրդ մեր դիմահարդարների թիմից. կարմիր, վառ վարդագույն կամ սալորագույն երանգների շրթներկը ատամների գույնն ակնթարթորեն դարձնում են առավել բաց: Ինչո՞ւ: Շրթներկի երկնագույն կիսաերանգները չեզոքացնում են ատամների դեղին հետքերը՝ ստեղծելով ձյունաճերմակ ատամների պատրանք:
 
Տեքստ

Գնել

Նմանատիպ հոդվածներ