1. ԿԱՐԵԼԻ Է ԱՆԵԼ ԻՆՉ ՈՒԶՈՒՄ ԵՍ
Հոգնե՞լ ես գրասենյակում նստելուց, ղեկավարներից և կատարված ամեն քայլի համար հաշվետու լինելուց: Մոռացի՛ր այդ մասին և աշխատի՛ր ինքդ քեզ համար: Այլևս անհրաժեշտություն չի լինի որոշակի ժամանակ պարտադիր անցկացնել գրասենյակում, դիմանալ անվերջ ժողովներին և պայքարել միացված (անջատված) օդորակիչի համար: Աշխատի՛ր, որտեղ ուզում ես. տանը, լողափին կամ լեռներում: Դարձի՛ր ինքդ քո ղեկավարը և ծրագրի՛ր կյանքդ՝ ըստ քո հայեցողության:
2. ԿԱՐԵԼԻ Է ԺԱՄԱՆԱԿ ՉԾԱԽՍԵԼ ՏՆԻՑ ԴԵՊԻ ԳՐԱՍԵՆՅԱԿ ԵՎ ՀԱԿԱՌԱԿ ՈՒՂՂՈՒԹՅԱՄԲ ՃԱՆԱՊԱՐՀԻ ՎՐԱ
Առավոտյան քաոսային կուտակումներ, խցանումներ, դանդաղ տրանսպորտ, վատ եղանակ և էլի 13 պատճառ՝ ինչու է հեռավորությունը տհաճ: Մոռացի՛ր այդ մասին: Երբ աշխատում ես քեզ համար, ողջ աշխարհը քո գրասենյակն է: Բոնուս. ավելի քիչ սթրես, ավելի շատ գումար և ժամանակ:
3. ԾԱԽՍԵԼ ԺԱՄԱՆԱԿԸ ՄԻԱՅՆ ՔԵԶ ԵՎ ՔՈ ԱՇԽԱՏԱՆՔԻ ՎՐԱ
Դու ինքդ ես որոշում՝ օրական քանի ժամ աշխատել, իսկ քանի օր ծախսել արձակուրդի վրա: Եվ սա ոչ թե տարեկան 28 օր է, այլ այնքան, որքան ուզում ես, իսկ ամենակարևորը՝ երբ ուզում ես: Այլևս անհրաժեշտ չէ ֆուտբոլ, մանկական ներկայացման կամ բժշկի գնալու համար թույլտվություն խնդրել, 2 շաբաթվա աշխատանք նախապես անել՝ մեկ շաբաթ արձակուրդ գնալու համար: Ընտանիքիդ և հոբբիիդ ժամանակ հատկացրու, քեզ ու քո ցանկություններն առաջին տեղում դիր:
4. ՍՈՎՈՐԵԼ ՆՈՐԸ
Դու բոլորից լավ գիտես՝ ինչ որակներ են քեզ անհրաժեշտ զարգացման համար: Կլինի դա հաշվապահություն, ծրագրավորում, թե ոճավորման դասընթացներ, դու ես որոշում: Աճում ես դու, աճում է նաև քո բիզնեսը:
5. 100%-ՈՎ ԱՊՐԵԼ ՍԵՓԱԿԱՆ ԿՅԱՆՔՈՎ
Հավանաբար դու տեսել ես մարդկանց, որոնք ապրում են ոչ իրենց կյանքով: Տխուր տեսարան է: Ինչպե՞ս խուսափել դրանից: Նախ, մտածիր, թե ինչ ունես: Նույնիսկ եթե պատկերն այնքան էլ գրավիչ չէ, դու կարող ես ամեն ինչ փոխել: Սարսափելի՞ է սկսելը: Երբ մենք պատասխանատվություն ենք վերցնում մեր կյանքի համար, վախն ու կասկածները ցրվում են: Երկրորդ, ընտրի՛ր ճանապարհ և որոծումներ կայացրու՝ ելնելով քո առաջնայնություններից: Երբ դու ես քո ղեկավարը, միայն դու ես որոշում՝ ուր գնալ և ինչ անել: Փակի՛ր աչքերդ և պատկերացրու ամենախենթ երազանքներից մեկը: Ապրի՛ր երազանքով: Ինչպիսի՞ն կլինի քո առավոտը, օրը և երեկոն: Ինչո՞վ կզբաղվես: Ի՞նչ կզգաս: Հիշի՛ր այդ զգացողությունը. կոլաժ պատրաստիր, շոշափի՛ր այն և պարբերաբար վերադարձի՛ր այդ հիշողությանը: Երրորդը, մտածի՛ր՝ ինչպե՞ս կարող ես իրականություն դարձնել այդ երազանքները (նույնիսկ մանրուքները): Սկսի՛ր ինչ-որ բանից, և փոփոխությունները երկար չեն սպասեցնի քեզ: Իզուր չեն ասում, որ միտքը նյութականանում է:
