1. ԲԱԺԱՆԻ՛Ր
Նույնիսկ եթե մենք քեզ սուպերհերոսներ ենք թվում, հասցնել ամեն ինչ անհնար է: Բաժանի՛ր աշխատանքը: Դա քեզ կփրկի վերջնաժամկետներից ուշանալուց, սթրեսից և աշխատանքից կամ տնային գործերից ուժասպառ լինելուց: Սկսի՛ր տնից. պատմի՛ր երեխաներին՝ ինչպես կարելի է ուտելիք պատրաստել, հավաքել կամ արթնանալ ինքնուրույն: Իսկ աշխատավայրում առաջադրանքներիդ մի մասը հանձնարարիր աշխատակիցներին: Հավատա՝ նոր հմտությունները թե՛ մեկի, թե՛ մյուսի համար օգտակար կլինեն:
ՕՐԻՆԱԿ ՎԵՐՑՐՈՒ
Սերգեյ և Գալինա Գագլոևներ, անհատ ձեռներեցներ
«Մենք միասին ենք արդեն 18 տարի, այս ընթացքում հասցրել ենք երեք երեխա ունենալ և ընտանեկան բիզնես կառուցել: Մեր ընտանեկան սովորույթը. ժպտալ կյանքի բոլոր իրավիճակներում և Սեփական օրինակով ցույց տալ պայմանավորվելու և բացատրելու կարևորությունը: Մեկ ժամ ազատ ժամանակ ունենալու դեպքում այն կնվիրեինք ընթերցանությանը, ամբողջ ընտանիքով զբոսանքի գնալուն, հայելու առաջ սիրելի երաժշտության ներքո պարելուն կամ պարզապես լռության մեջ նստելուն»:
2. ԱՋԱԿՑԻ՛Ր ԹԻՄԻԴ
Բոլորն են սխալվում, դա նորմալ է: Անհնար է սովորել և աճել առանց սխալների, չէ՞ որ հենց դրանք են մեզ դարձնում այնպիսին, ինչպիսին մենք կանք: Թույլ տուր, որ թիմդ կայացնի սեփական որոշումները և դրանց համար պատասխանատվություն կրի, միշտ հետադարձ կապ տուր՝ ինչպես դրական, այնպես էլ բացասական, օգնիր պահպանել մոտիվացիան:
ՕՐԻՆԱԿ ՎԵՐՑՐՈՒ
Ալբինա և Իրեկ Հաֆիզովներ, անհատ ձեռներեցներ
«Մենք չորս երեխա ունենք: Ամեն ինչ հասցնել անհնար է, բայց կարելի է գտնել հաշվեկշիռ ու ճիշտ դնել առաջնայնությունները, ստեղծել լավ մթնոլորտ և ճիշտ միջավայր: Մեր վերջին հպարտության առիթը մեր երեխաների ձեռքբերումներն ու բիզնես-գործընկերների նվիրվածությունը են»:
3. ԾՐԱԳՐԻ՛Ր ԵՎ ԻՐԱԿԱՆ ՆՊԱՏԱԿՆԵՐ ԴԻՐ
Ինչի՞ համար ես բիզնես կառուցում: Ի՞նչն է քեզ առաջ մղում: Ինչիսի՞ն կլինի քո կյանքը մեկ տարի հետո: Իսկ քո թի՞մը: Եթե միանգամից չես կարողանում պատասխանել, այս ամենի մասին մտածելու ժամանակ գտիր: Եթե իրական նպատակներ ես դնում, ինչպես նաև հասկանում ես՝ ինչպիսին պետք է լինի արդյունքը, հեշտ կլինի բոլորի համար:
