Ինչպե՞ս չվախենալ առարկություններից և աշխատել դրանց հետ

Պատմում ենք՝ ինչպես նայել վախի աչքերին, սովորել աշխատել առարկությունների հետ և, ամենահետաքրքիրը, դրանից օգուտ քաղել:

ՈՐՏԵՂԻ՞Ց Է ԱՌԱՋԱՆՈՒՄ ՎԱԽԸ
Ցանկացած տիպի վախի հետ աշխատելիս՝ փորձի՛ր պարզել, թե որտեղ է դրա արմատը: Հուշում. բոլորս էլ երեխա ենք եղել: Հիշի՛ր՝ երբ է առարկության առաջին իրավիճակը եղել քեզ հետ, ինչ զգացումներ էր դա առաջացնում: Մենք գիտենք՝ դա այնքան էլ հաճելի չէ: Մանկական այսպիսի անհանգստությունները շատ հաճախ ազդում են մեծ տարիքում կայացված որոշումների վրա: Գուցե ժամանակն է դրանք անցյալո՞ւմ թողնել: Խղճա քո ներսում ապրող երեխային, նրան անհրաժեշտ սեր ու աջակցություն տուր. չէ՞ որ հիմա «մեծը» մենք ենք:

ՊԱՏԱՍԽԱՆՆ ԱՅՆՔԱՆ ԷԼ ՍԱՐՍԱՓԵԼԻ ՉԷ
Մերժման վախը հաճախ ավելի ուժեղ է, քան կարելի է ենթադրել: Հաճախ մենք չենք կարողանում սկսել նախագիծ, դիմել առաջխաղացման համար կամ պարզապես հարցնել, թեև ունենք հաջողության հասնելու բոլոր հնարավորությունները: Կամ, լսելով վախեցնող «ոչ»-ը, պարզապես շրջվում և հեռանում ենք՝ չփորձելով անգամ պարզել պատճառը: Ցանկացած ձեռնարկատեր, որն առնչվում է վաճառքներին, կասի քեզ՝ «ոչ» բառից է սկսվում ցանկացած հաղորդակցություն: Ամենահետաքրքիրը սկսվում է հետո:

ՀԱՐՑԵՐ ՏՈՒՐ ԵՎ ՓՈԽԻՐ «ՈՉ»-Ը «ԱՅՈ»-Ի
«Ոչ»-ը դեռ վերջը չէ: Հաճախ քո առաջարկը չի ընդունվում անվստահության, տեղեկատվության կամ ռեսուրսների պակասի հետևանքով: Կամ էլ վատ տրամադրության: Դրա համար մոտակա ժամանակները քո գլխավոր նպատակը պետք է լինի «Ինչո՞ւ» հարցի կախարդանքին տիրապետելը: Պարզելով առարկության պատճառը՝ կարող ես աշխատել դրա հետ: Կտեսնես՝ որքան խնդիրներ կարելի է լուծել պարզապես խոսելով:

ՄԱՐԶՎԻՐ
Ստեղծիր իրավիճակներ, երբ քեզ կարող են մերժել: Սրճարանում խնդրի՛ր պատրաստել ուտեստ, որը չկա մենյուում, առաջարկի՛ր անծանոթին զբոսնել նրա շնիկի հետ, գործնական խորհրդակցության ընթացքում ինչ-որ խենթ գաղափար առաջարկիր: Սակայն առաջին «ոչ»-ից հետո փոխի՛ր մարտավարությունդ: Պարզի՛ր՝ ինչն է խանգարում մարդկանց ընդունել առաջարկդ և ինչ կարելի է անել՝ իրավիճակը լավացնելու համար: Եթե այդ ամենից հետո միևնույն է մերժում ես ստանում, հավանական է, որ պետք է թողնել: Սակայն մյուս դեպքերում վարիր երկխոսություն, քանի չես հասել փոխզիջման: Այս ամենին վերաբերվիր որպես խաղ: Շարունակի՛ր, քանի դեռ առարկությունը չի դարձել քեզ համար սովորական, հասկանալի և ոչ վախենալու: Զուգահեռ հետևի՛ր՝ ինչպես է կարիերադ աճում և բարձրանում ինքնագնահատականդ: 

Տեքստ Ֆոտո Oriflame