Ունե՞նք մենք մեր սուպեր մթերքը, որը կփոխարինի եզակի, էկզոտիկ մթերքներին:
Իհարկե, նախ, կանաչ հնդկաձավարը: Երբ օտարերկրացիները փորձում են դա առաջին անգամ, հավերժ սիրահարվում են դրան: Ես աշխատել եմ շատ օտարերկրացի շեֆ-խոհարարների հետ, հենց ցույց էինք տալիս հնդկաձավարը, միանգամից սիրահարվում էին դրան ու մինչև հիմա էլ օգտագործում են իրենց ռեստորաններում: Այն իսկական սլավոնական արտադրանք է, մենք հպարտ ենք դրանով: Լավագույնը կանաչն է, քանի որ այն օգտակար է և կարող է դեռ աճել: Հետո գալիս են ամբողջահատիկ հացազգիները, օրինակ՝ սպիտակ ցորենը, հաճարը – հացահատիկներ, որոնք օգուտ են բերում օրգանիզմին: Լոռամրգին ու հապալասը կան նաև այլ երկրներում, սակայն այնպիսին, ինչպիսին այստեղ է, ոչ մի տեղ չկա: Իսկ ճախնամորին, չիչխանը, իմ սիրելի հատապտուղներն են, որովհետև օտարազգիները խենթանում են, երբ տալիս ես փորձելու: Ի դեպ, անգլերենով ճախնամորին «cloudberry» է՝ ամպիկ-հատապտուղ, քանի որ այն ամպիկի տեսք ունի: Ես հիշում եմ, երբ Նյու Յորքում ռեստորան էինք բացում, ճախնամորուց և չիչխանից օշարակ պատրաստեցինք: Օտարերկրացիները գալիս ու հարցնում էին. «Ի՞նչ է սա», իսկ մենք պատասխանում էինք. «Դրանք մեր հարազատ հատապտուղներն են Հյուսիսից, մենք հպարտանում ենք դրանցով»:
Ի՞նչ է Ձեզ համար ճիշտ սնունդը: Պարտադի՞ր է լինի ինչ-որ ձանձրալի բան, ինչպես խաշած կրծքամիսը բրնձով:
Աշխարհում շատ ճիշտ, լավ, միաժամանակ ոչ թանկ մթերքներ կան, որոնք արդիական են և օգտակար: Ամբողջահատիկ հացազգիները, հաճարը, կանաչ հնդկաձավարը: Կիոնան միայն սպիտակուց, վիտամիններ, հանքանյութեր է պարունակում, այնտեղ չկա գլյուտեն: Բարձրորակ սնունդը չի սահմանափակվում շոգեխաշած կրծքամսով և բրնձով: Կարևորը լինի հաշվեկշռված, ընդհանրապես և ամեն ինչում պետք չէ քեզ սահմանափակել:
Բայց չէ՞ որ ոչ միշտ են այս մթերքները հասանելի, հատկապես հյուսիսում: Որտեղից կիոնա գտնել:
Գիտե՞ք, որ հատապտուղները, մրգերը և բանջարեղենը սառեցնելու դեպքում պահպանվում են վիտամինները: Ես ինքս հյուսիսից եմ. մեզ մոտ աճում են լոռամրգի, հապալաս և այլ հյուսիսային հատապտուղներ, որոնք շատ օգտակար են. մենք դրանք հավաքել ենք, իսկ հետո կա՛մ սառեցրել, կա՛մ պահել մառանում: Ձմռանը մենք խմում էինք օշարակներ, ուտում էինք այդ հատապտուղները և դրա հաշվին չէինք հիվանդանում, քանի որ, օրինակ՝ լոռամրգին, հապալասը և ճախնամորին պարունակում են մեծ քանակությամբ վիտամին C: Մառանում, որտեղ բացասական ջերմաստիճան չէ, միշտ դրական է, պահվում էին արմատապտուղներ: Գազար, կարտոֆիլ, բողկ, բազուկ, սոխ, սխտոր. սրանք այն մթերքներն են, որոնցում մնում են վիտամինները և որոնք կարելի է պահպանել ողջ ձմեռ: Մենք աճեցնում էինք այս ամենը բանջարանոցում, և մինչև փետրվար մեզ բավականացնում էին այս մթերքները: Ճիշտ սնվել կարելի է ամենուր:
ՈՒզում ես ինչ-որ համեղ և օգտակար բա՞ն պատրաստել, սակայն չես ուզում շատ ժամանա՞կ ծախսել: Փորձի՛ր ամառային Գեղեցկության գրքում առաջարկվող բաղադրատոմսերը:
