«Մեր առավոտը սկսվում է 7:30, ամբողջ ընտանիքով հավաքվում ենք խոհանոցում և նախաճաշ պատրաստում: Իրեկը պատասխանատու է ուտելիքի համար, իսկ երեխաներն այդ ընթացքում կոկտեյլներ են պատրաստում Վելնեսով ու մրգերով, որպեսզի ուժով լցվեն ամբողջ օրվա համար: Դրանից հետո բուլկի և քաղցրեղեն չես ուզում: Առավոտը մեր ընտանիքում օրվա ամենահանգիստ և խաղաղ հատվածն է, երբ մենք էներգիա և դրական լիցքեր ենք հավաքում: Գլխավոր կանոնը՝ աշխատանքը պետք է սկսվի ժամը 11-ից ոչ շուտ, նախքան առաջին գործնական հեռախոսազանգերն ու էլ. նամակները հասցնում ենք հանգիստ ցնցուղ ընդունել, մեծ սեղանի շուրջ ընտանեկան նախաճաշ պատրաստել և երեխաների հետ զբոսնել մաքուր օդին:
Մենք միշտ փորձում ենք առավոտյան ու երեկոյան պահ որսալ մեր խնամքի համար: Որքան էլ տարօրինակ հնչի, բայց հենց Իրեկն է ամենաշատ ժամանակն անցկացնում լոգարանում, խնամքին համակարգային է մոտենում. միացնում է երաժշտությունը, դեմքին դիմակներ դնում կանոնավոր, օգտագործում մաշկի խնամքի բազմափուլ համակարգը: Սա համարում եմ իմ վաստակը (Ալբինա), ես վաղուց եմ սկսել ամուսնուս սովորեցնել, որ բիզնեսմենը պետք է 100-անոց տեսք ունենա: Ես էլ իմ թուլություններն ունեմ, խենթանում եմ ռուսական բաղնիքի համար, ինձ համար դա իսկական թերապիա է, կարող եմ այնտեղ մի ամբողջ ժամ անցկացնել»,- պատմում է Ալբինան:
«Ժամը մեկին բոլորով գնում ենք քաղաք, որևէ հաճելի վայրում ճաշում ենք և հասնում դպրոցի երկրորդ հերթին: Մնացած ժամանակը՝ մինչ իրիկուն, լիովին նվիրված է բիզնեսի գործերին: Անգամ ժամը 21-ին տուն վերադառնալով մենք վեբինարներ ենք անցկացնում և սկայպով մնում կապի մեջ: Այո, մենք աշխատում ենք մինչ ուշ երեկո, բայց հասցնում ենք լավ քնել: Գործարարները կարող են սովորականից շատ աշխատել. չէ՞ որ մենք գրասենյակով ու ժամանակով սահմանափակված չենք: Միևնույն ժամանակ, ուրբաթ օրը մեզ գերհոգնած չենք զգում աշխատանքային շաբաթից հետո:
Մեր ընտանիքում «ես» հասկացություն չկա, ես և ամուսինս միշտ ամեն ինչ միասին ենք անում՝ բիզնես վարում, երեխաներին խնամում, ՍՊԱ այցելում: Անգամ ծնողական ժողովներին միայն մենք ենք ամբողջական կազմով գնում: Հաճախ ենք ճանապարհորդում երկուսով՝ առանց երեխաների կամ կազմակերպում «մեր ուրբաթը»՝ հյուրանոցում համար վարձում, որտեղ ամբողջ օրը կարող ենք հանգստանալ, հեռուստացույց դիտել ու ոչինչ չանել, պարզապես միասին ժամանակ անցկացնել:
Մեր տանը միշտ հյուրեր կան, մենք հաճախ ենք ճաշկերույթներ կազմակերպում կամ պարզապես ամբողջ խմբով գնում որևէ առիթ տոնելու ռեստորանում. երբեմն հարկավոր է ինքդ քեզ համար ժամանակ գտնես, ոչ թե ամբողջ երեկո ճաշ եփես: Սիրում ենք մեր ամբողջ մեծ ընտանիքը միասին հավաքել և քաղաքից դուրս գնալ կամ պարզապես նոր մուլտֆիլմ դիտել կինոթատրոնում: Բիզնեսի շնորհիվ կարող ենք մեզ թույլ տալ չկառչել շաբաթվա օրերից. հանգստյան օր ենք կազմակերպում, երբ ուզում ենք»:
