Ինչի՞ց եք սկսել ձեր ճանապարհն Oriflame-ում: Որո՞նք էին Ձեր առաջին քայլերը:
Սերգեյ - Գալյան 17 տարեկան էր, ես՝ 19: Երկուսս էլ ուսանող էինք և ուզում էինք գումար վաստակել: Մի անգամ ինձ մի աղջիկ մոտեցավ և ասաց՝ «Բարև, գործերդ ինչպե՞ս են, քեզ աշխատանք պետք չէ՞»... Այդպես էլ ամեն ինչ սկսվեց:
Գալինա – Հիշում եմ իմ առաջին կատալոգը: Առաջին հերթին այն մորս ցույց տվեցի, նա էլ խորհուրդ տվեց իր հետ միասին իր աշխատավայր գնալ՝ հիվանդանոց, և ապրանքներն իր գործընկերներին խորհուրդ տալ:
Ինձ համար դժվար էր, քանի որ ես ամաչկոտ էի, լռակյաց և չխոսկան, բայց մեր կատալոգներն այնքան լավն էին, որ իրենք արդեն հրաշալի կերպով վաճառում էին: Իհարկե, առաջին օրերից սկսած մենք սկսեցինք Oriflame հրավիրել մեր ծանոթներին ու բարեկամներին, հրավիրում էինք նրանց հովանավորների շնորհանդեսներին:
Սկզբնական շրջանում ինչպե՞ս պահպանեցինք վստահությունը, որ Oriflame-ում աշխատանք սկսելով՝ ճիշտ որոշում եք կայացրել:
Սերգեյ - Ուսուցումն ու հովանավորներն էին շատ օգնում: Ես հասկանում էի, որ առաջին 500 ռուբլին, որ ստանում էի սկզբում, իմ բիզնեսի մաքուր շահույթն են: Բացի այդ տեսնում էի մարդկանց, որոնք վաստակում են արդեն ոչ թե 1000 ռուբլի, այլ 1000 դոլար: Երբ ինձ պատմեցին, որ Oriflame-ում առաջնորդներ կան, որոնք ամսական վաստակում են տասնյակ հազարավոր դոլարներ, և նրանք, ինչպես և ես, զրոյից են սկսել, ես հասկացա, որ ես էլ կարող եմ:
Ի՞նչ գործիքներ եք կիրառում ձեր աշխատանքում:
Գալինա - Ունենք «չաթ երեք անձի համար»: Մենք դրանք կազմակերպում ենք մեսինջերներում: Երբ թիմում որևէ մեկը նոր մարդ է հրավիրում, նրան ասում է՝ «Լսիր, ես հիմա սկսում եմ համացանցում իմ առաջխաղացումը, ուզում եմ զարգացնել իմ բիզնեսը»: Եթե տվյալ անձը հետաքրքրվում է, ապա խորհրդատուն նրան առաջարկում է շփվել մեր հետ, և ավելացնում է նրան մեջ «երեք անձի համար» չաթում: Այդկերպ մենք պատմում ենք բիզնեսի մասին: Եթե մարդը գրանցվում է, նրան արդեն WhatsApp-ի ընդհանուր չաթում ենք գրանցում: Այնտեղ էլ մեկ օր անց տեղադրում ենք կամ տեսահոլովակ կամ որևէ բան արտադրանքի մասին:
Սերգեյ - Մենք ունենք նաև «Նորեկի դպրոց», որտեղ ձայնային հաղորդագրություններ ենք թողնում և կարճ տեսանյութեր մեր աշխատանքի կառուցվածքի մասին: Հաջորդ փուլում, մենք նորեկին հրավիրում ենք «Հաջողակ մեկնարկ» խումբ: Այստեղ էլ տեղադրում ենք նամակագրությունների սքրիններ, մանրամասն բացատրում ենք, թե ինչպես ճիշտ ներգրավել մարդկանց, ինչպես պատմել բիզնեսի մասին: Մենք ունենք նաև կայք, որտեղ տեղադրում ենք կարճ տեսահոլովակներ: Սա յուրօրինակ գրադարան է: Եթե խորհրդատուն զգում է, որ ինքը ապրանքի մասին որոշ գիտելիքների պակաս ունի, կամ աշխատանքի կառուցվածքի մասին, ապա կարող է մուտք գործել կայք և ծանոթանալ ամենին:
Ի՞նչպես է առավել արդյունավետ աշխատելը՝ առցա՞նց, թե՞ անցանց:
Մենք կարծում ենք, որ համացանցի միջոցով պետք է ուղեկցել, ուսուցանել ու շարժառիթներ ստեղծել: Սակայն հնարավորության դեպքում պետք է նաև դեմ առ դեմ հանդիպում ունենալ՝ հարաբերություններն ամրապնդելու և վստահություն կառուցելու համար: Անցանց և առցանց աշխատելու միջև տարբերությունը նույնն է, ինչպես կենդանի համերգի և Youtube-ում ձայնագրության միջև: Էներգետիկան բոլորովին այլ է:
Փորձո՞ւմ եք ինչ-որ կերպ հետ պահել նրանց, որոնք որոշում են Oriflame-ում բիզնես չկառուցել կամ դադարում են պատվերներ անել:
Սերգեյ - Կան մարդիկ, որոնք, ինչպես ասում են՝ «առավոտյան սկսեց, իսկ երեկոյան արդեն ավարտել է»: Նրանց ակտիվացնելու համար մենք զանգահարում ենք, ավտոզանգեր պատվիրում կամ նամակներ առաքում: Մարդկանց չկորցնելը, ապրանքի հանդեպ նրանց հետաքրքրությունն արթնացնելը կարևոր է: Շատերն այդպես անցնում են խորհրդատուի կարգավիճակին, հետո էլ դառնում առաջնորդներ:
Գալինա - Պատահում է, որ կիսվում ենք մեր պատմություններով, կամ հրավեր ենք անում վեբինարի ժամանակ, և մարդը փոխում է իր կարծիքը, վերադառնում է:
Դուք արդեն բարձր մակարդակի եք հասել և լավ եկամուտ եք ստանում: Ի՞նչն է խթանում Ձեզ, որ շարունակեք զարգանալ?
Սերգեյ - Մենք ամեն ամիս ինչ-որ տեղ ուղևորվում ենք՝ ռուսական կամ արտասահմանյան հանգստավայրեր, սակայն ցանկանում ենք ավելի շատ ճանապարհորդել: Կամ էլ անցյալ տարի տուն գնեցինք՝ 245 ք/մ երջանկություն,- իհարկե, մեծ ծախս է: Սակայն արդեն մտածում ենք այս տարի Սոչիում բնակարան գնելու մասին: Տեսնենք, թե որքան պետք է վաստակենք առաջիկա ամիսներին, որպեսզի կարողանանք իրականացնել այս երազանքը:
Գալինա – Երազանքները լավ շարժառիթ են դառնում: Նաև իրավիճակն է փոխվում՝ ունեինք երկու երեխա և թվում էր՝ ամեն ինչ հրաշալի է: Սակայն հայտնվեց երրորդ երեխան և անմիջապես պարզ դարձավ՝ ավելի մեծ տարածք ու ավելի շատ գումար է անհրաժեշտ:
Իսկ դուք կցանկանա՞ք Ձեր երեխաներին էլ ներգրավել բիզնեսում, երբ նրանք մեծանան:
Գալինա – Ես նրանց չեմ ստիպի, ավելի լավ է՝ իրենք կայացնեն իրենց որոշումը: Այդուհանդերջ, ես նրանց փորձում եմ ցույց տալ, որ Oriflame-ի հետ կյանքն ավելի հետաքրքիր և բազմազան է:
Սերգեյ – Իդեպ, երբ արտագնա սեմինարներ ենք կազմակերպում, այնպես ենք անում, որ մեր գործընկերները կարողանան երեխաների հետ գալ: Ինչո՞ւ: Պատմեմ մեր ուսուցիչների պատմությունը: Հասնելով բարձր մակարդակի՝ նրանց երեխաների հետ շքեղ հյուրանոց են գնում: Երեխաները բաց պատշգամբ են դուրս գալիս և ասում՝ «Պատկերացնում ես, եթե մեր ծնողները Oriflame չմտնեին, մենք երբեք այպիսի բան չէինք տեսնի»: Կարծում եմ՝ կարևոր է, որ ծնողները ցույց տան, որ այս ընկերության օգնությամբ կարելի է աճել զրոյից:
Ումի՞ց եք դուք սովորում և օրինակ վերցնում:
Գալինա – Առաջին մարդը, ումից ես օրինակ եմ վերցնում և ումից սովորում եմ՝ Սերգեյն է: Նրանից շատ բան կարելի է սովորել: Նա մշտապես ինչ-որ նոր մեթոդներ է յուրացնում և անմիջապես էլ կիրառում է դրանք, բացի այդ, նա կարողանում է միաժամանակ շատ գործեր անել: Ես զարմանում եմ, թե ինչպես է դա նրան հաջողվում: Նա կարող է վեբինարը լսել՝ միաժամանակ իմ կամ երեխաների հետ զրուցելով: Նա նաև շատ լավ հիշողություն ունի: Միշտ հիշում է այն մարդու անունը, ում հետ պատահաբար հանդիպել է, հիշում է այդ մարդու անձնական պատմությունը: Իսկ նման բաները մարդկանց համար շատ կարևոր են:
Սերգեյ – Դա միայն լավ հիշողություն չէ, ես հատուկ փորձում եմ հիշել մարդկանց պատմությունները: Մարդկանց համակրանքը շահելու այդ մեթոդի մասին կարդացել եմ Քարնեգիի՝ «Ինչպե՞ս ձեռք բերել բարեկամներ և ազդել մարդկանց վրա» գրքում: Վերջերս էլ Տատյանա Չերնիգովսկայայի դասախոսությունն էի դիտում: Նա բավականին հայտնի գիտնական է, տարիներ շարունակ ուղեղի հետազոտություններով է զբաղվում: Եվ ահա նա ասում է, որ ուղեղի զարգացման համար գրքեր կարդալը չափազանց կարևոր է: Դրա համար մենք կարդում ենք: Քիչ, բայց, միևնույն է, կարդում ենք: Սկսնակներին խորհուրդ կտամ «10 դաս անձեռոցիկի վրա» գիրքը՝ այն բացահայտում է բիզնեսի իմաստը: Արժե կարդալ նաև Թոմ Շրեյթերի, Սթիվեն Քովիի, Ջիմ Ռոնի, Ջոն Կեխոյի գրքերը: Տպավորվել է նաև ուսուցիչներիցս նվեր ստացած բիզնեսի մասին գիրքը՝ Նապոլեոն Հիլի՝ «Մտածիր և հարստացիր» գիրքը: Իսկ սովորում եմ Oriflame-ի այն առաջնորդներից, որոնք այս պահին ավելի բարձր մակարդակների վրա են գտնվում, և ընկերությունից՝ կայքից, վեբինարներից, չաթերից:
