1. ԿԱՏԱԿԸ ՄԻ ԿՈՂՄ
Սևաներկ քսեցի թարթիչներիս ու փռշտացի, գնեցի նոր հայլայթեր և չկարողացա կանգ առնել, պոչիկներ նկարեցի կոպերիս՝ փորձելով դրանք միանման դարձնել. համացանցը լիքն է զվարճալի նկարներով, որոնցում շատ աղջիկներ գտնում են իրենց: Կիսի՛ր դրանք քո էջում, ինչպես @hudabeauty -ն. բյութի բլոգեր Հուդա Քաթթանն արդեն 25 միլիոն հետևորդ ունի:
Մի քանի շատ լուրջ փաստ հումորի մասին. հենց դրան են նվիրված 5-ից 4 ամենամեծ խմբերը ՎԿոնտակտեում և 10-ց 4 թոփ Youtube-ալիքները: Պատճառը ծանրակշիռ է. ծիծաղել ինքդ քեզ վրա:
2. ԻՆՔԴ ՔՈ ՌԵԺԻՍԻՈՐԸ
Լավ է մեկ անգամ տեսնել, քան հարյուր անգամ լսել, կարդալ, տեսնել դասը նկարով, փորձել, լվանալ, կրկին փորձել, դեն նետել վրձինները, որովհետև ոչինչ չի ստացվում... Ինստագրամն օգնության է գալիս: Արդեն վաղուց մեծ ապրանքանիշները ցույց են տալիս իրենց արտադրանքները օգտագործման մեջ՝ տեսադասընթացների կամ գիֆերի միջոցով:
Ի՞նչ կարող ես անել դու: Փորձի՛ր բումերանգ անել նոր շթներկի տարածումով կամ տեսահոլովակ նկարել քո ամենօրյա դիմահարդարմամբ՝ արագացնելով այն և ավելացնելով երաժշտություն: Հենց այսպես էլ ծնվում են մեծ բյութի-բլոգները:
3. ՇՐՋԱՆԱԿԻՑ ԴՈՒՐՍ ԳԱԼ
Երիտասարդությունը՝ որպես անձնագրում թիվ, 90х60х90-ը և մյուս չափանիշները անցյալ են դառնում. կոսմետիկ ապրանքանիշները կարծրատիպերին մարտահրավեր են նետում և սովորեցնում սիրել ինքներս մեզ՝ անկախ տարիքից, կառուցվածքից, մաշկի գույնից և բնավորությունից: Օրիֆլեյմում մենք կարծում ենք, որ կինը գեղեցիկ է ցանկացած տարիքում. հենց այդ մասին են պատմում Տատյանա Նեկլյուդովայի և Դարյա Միլկայի մասնակցությամբ ոգեշնչող հոլավակները մեր ինստագրամյան էջում՝ @oriflame_am_official:
Մի՛ փորձիր շպարվել և հագնվել նորաձևության վերջին միտումներով, ինչպես հարյուրավոր միանման աղջիկները ցանցում. փորձի՛ր նորը, քեզ, քո ոճին և կյանքի հանդեպ քո հայացքներին հավատարիմ մնա: Մի՛ վախեցիր ցույց տալ այդ ամենը:
4. ՆՈՒՐԲ ՏԱՐԻՔ
Նկարել պատերի վրա, հիմնահատակ քանդել բնակարանը. բացարձակապես ամեն ինչ շատ գեղեցիկ է թվում, եթե դա անում են երեխաները: Այդպիսին է պաշտպանական մեխանիզմը. գիտնականների խոսքով՝ այդպիսի արձագանքը մեր մեջ ներդրված է իմաստուն բնության կողմից՝ մեր ցեղը վայրի միջավայրում պաշտպանելու համար:
Բնազդներիդ դեմ չես գնա, և ապրանքանիշներն ակտիվորեն օգտվում են դրանից. ցանցում շատ հաճախ կարելի է տեսնել երիտասարդ «դիմահարդարների»՝ դիմահարդարման միանգամայն անբնական մոտեցմամբ: Եվ դո՛ւ հրավիրիր փոքրիկ հյուրերի քո ինստագրամ կամ կիսվիր կադրերով համացանցից:
5. ԵՍ ԱՅԴՊԵՍ ԵՄ ՏԵՍՆՈՒՄ
Ինչ-որ պահի բլոգերները որոշեցին, որ շուրթերը կամ թարթիչները պարզապես ներկելը չափազանց ձանձրալի է: Ֆեյս-արթը իմպրեսիոնիստների ոճով է. կենդանիների մռութներին նմանվող շուրթեր, փայլեր, գունային համարձակ լուծումներ:
Դարձի՛ր իսկական նկարիչ՝ օգտագործելով սովորական միջոցները նորովի, կամ առաջարկի՛ր հետևորդներիդ քննարկել հայտնի դիմահարդարների աշխատանքները. տասնյակ մեկնաբանություններն ապահովված են:
