1. ԳՏԻ՛Ր ՆՊԱՏԱԿ ԵՎ ԳՈՐԾԻ՛Ր
Հենց հասկանաս՝ որն է քո վերջնական նպատակը, գործի՛ր մտածված: Շատ ավելի հեշտ է շարժվել դեպի նպատակը, եթե հասկանում ես՝ ինչի համար է այն անհրաժեշտ:
2. ԸՆՏՐԻ՛Ր ՇՐՋԱՊԱՏ
Շրջապատի՛ր քեզ մարդկանցով, որոնք ավելի լավն են ու ավելի զիլ, քան դու, բայց որոնք նման են քեզ նպատակով և կյանքի հանդեպ իրենց վերաբերմունքով: Սկզբում ծանր կլինի, սակայն դու շատ արագ կսկսես աճել:
3. ՄԻ՛ ՀԱՄԵՄԱՏԻՐ
Նույնիսկ եթե սոցցանցերը լի են հաջողակ, գեղեցիկ ու երջանիկ մարդկանց նկարներով, իմաստ չունի նրանց նախանձել: Նախ, դու ծանոթ չես մեդալի հակառակ կողմին: Երկրորդ, յուրաքանչյուրն ունի իր արագությունը: Եվ այն, ինչ դու անում ես ավտոմատ կերպով, մյուսների համար երազանքների գագաթնակետն է: Կենտրոնացիր քո վրա:
4. ԸՆՏՐԻՐ ՀԱՄԱՐՁԱԿՈՒԹՅՈՒՆԸ, ԲԱՅՑ ՊԱՀՊԱՆԻՐ «ՁԵՆԸ»
«Նավն իրեն լավ է զգում նավահանգստում, սակայն այն դրա համար չի կառուցվել»,- այս բառերը քեզ համար պետք է կարգախոս դառնան: Ինչպե՞ս հասկանալ՝ ինչի ես ընդունակ: Փորձելու և սխալվելու ճանապարհով: Հավատա՛, դու կարող ես ավելին:
Մենք չգիտենք՝ ինչի ենք մենք ընդունակ իրականում: Սակայն մենք միշտ կարող ենք փորձել: Նպատակիդ հասնելը խաղի վերածիր, պահպանի՛ր հանգստություն և տես՝ ինչ կլինի հետո: Հաջողության ամենազիլ պատմություններն այնքան էլ հարթ ուղի չեն անցել (պատմելու բան շատ կլինի):
5. ՀՐԱԺԱՐՎԻ՛Ր ԱՐԺԵԶՐԿՈՒՄԻՑ
Թվում է, թե արժեզրկելով նախորդ փորձը, հեշտ է փոխել կյանքը դեպի լավը: Մի՛ արա այդպես: Նախորդ փորձդ դրական կերպով ընդունիր, սակայն քո հիմքը և ուժը պետք է գործի ի նպաստ ապագա փոփոխությունների: Հավատա ինքդ քեզ և երախտագիտությամբ մոտեցիր մարդկանց ու իրադարձություններին, որ հանդիպել են քո ճանապարհին:
