Որքան ասես նամակ կարող ես ուղարկել, բայց ո՛չ պատասխան ստանալ, ո՛չ որոշում, ո՛չ էլ վաճառք: Իրավիճակը փոխելու համար՝ փոխի՛ր տեքստ գրելու մոտեցումդ, սա կլինի հենց այն 20%, որը կտա 80% արդյունք՝ ըստ Պարետոյի սկզբունքի:
1. ՄԻ՛ ԳՐԻՐ ՌՈԲՈՏԻ ՊԵՍ
Գրի՛ր որպես մարդ: Ողջունիր, դիմիր անունով: Մոռացի՛ր բյուրոկրատական «Դուք»-ի և մյուս ձևականությունների մասին: Ձեռքի տակ հայերենի բառարան կամ դասագիրք պահիր, կայքում ներդիր պատրաստիր՝ ուղղագության, բառապաշարի և կետադրության ստուգումով: Հստակեցրու տեքստիդ կառուցվածքն ու այն բաժանիր պարբերությունների. դժվար է ու ձանձրալի կարդալ երկար տեքստ: Գրի՛ր կարճ նախադասություններով, ցուցակներ կազմիր, առանձնացրու վերնագրերն ու ենթավերնագրերը: Վստահ չե՞ս գրագիտության հարցում: Վարձի՛ր քոփիրայթեր, խմաբագիր կամ ստուգի՛ր տեքստը հատուկ ծրագրերով (հեշտությամբ կարելի է գտնել համացանցում):
2. ԽՈՍԻ՛Ր ԸՆԹԵՐՑՈՂԻ ԼԵԶՎՈՎ
Ոսկե կանոն. պարզի՛ր ամեն ինչ մարդկանց մասին, որոնց նամակ ես գրում, որոնց համար տեքստ ես տեղադրում կայքում, պարզի՛ր՝ ինչ խնդիրներ կարող ես լուծել բիզնեսի օգնությամբ: Մոռացի՛ր այն մասին, թե ինչ ես ուզում դու և կենտրոնացի՛ր այն ամենի վրա, ինչ կարևոր է հաճախորդների համար:
3. ԳՐԻ՛Ր ԹԵՄԱՏԻԿ ՎԵՐՆԱԳՐԵՐ
Մենք օրական հարյուրավոր նամակներ ենք ստանում: Քո վերնագրից է կախված կբացե՞ն նամակդ, թե՞ ոչ (հետո կգտնե՞ն փոստում): Ի՞նչ գրել վերնագրում: Ամենակարևորը: Այն, թե ինչու ես ուղարկում նամակը: «Եզակի առաջարկ», «զեղչեր միայն հիմա» և «հա՞րց կա» տարբերակները վատն են: Նայի՛ր փոստիդ «Spam» թղթապանակի մեջ ու կտեսնես ևս մի քանի օրինակ՝ ինչպես պետք չէ գրել: Բաժանորդգրվի՛ր սիրելի ապրաքանիշներին կամ ընկերություններին, փնտրի՛ր լավագույններին և «գողացի՛ր, ինչպես նկարիչը»:
4. ՕԳՏԱԳՈՐԾԻ՛Ր ԻՐԱԿԱՆ ՄԱՐԴԿԱՆՑՈՎ ԼՈՒՍԱՆԿԱՐՆԵՐ
Մոռացի՛ր պահեստային նկարների ծառայության (գոնե առաջին էջերում նկարներ մի փնտրիր) կամ որոնման համակարգերում «Նկարներ» փնտրելու մասին: Մոռացիր նաև ժպտացող մոդելներով նկարների մասին՝ իբր գրասենյակում կամ ժողովների, ստրազների գույներով կամ հարցական նշաններով: Պատմում ես քո թիմի մասի՞ն: Նրանց նկարիր գրասենյակում, փողոցում, այգում կամ պարզապես սպիտակ պատի ֆոնին՝ ցանկացած բիզնես-կենտրոնում: Ստեղծում ես նո՞ր արտադրանք: Լավ լուսավորությամբ 5-10 լուսանկար արա՝ տարբեր անկյունների տակ (հեռու մոտիկ, վերևից, ներքևից, ձեռքում պահած կամ ինչ-որ առարկաների հետ):
5. ՊԱՏՄԻ՛Ր ՊԱՏՄՈՒԹՅՈՒՆ
Տեքստերի վաճառքի բիրժաներն արդեն անցած դարում են: Բառերը պետք է շատ չլինեն: Ածականների առատությունը վատ է: Կարևոր է միտքը: Պատկերացրու, որ տատիկիդ պատմություն ես պատմում: Նպատակ չես դնում չէ՞ տատիկիդ խճճել: Առավել ևս, որ նա լավ չի լսում, և կատուն, հեռուստացույցով ցուցադրվող նորություններն ու կենսաթոշակային բարեփոխումները հաճախ շեղում են նրա ուշադրութունը: Հստակ ու պարզ խոսիր. ինչը, որտեղ, երբ, որն է արդյունքը և ինչու է դա կարևոր: Եվ այո, օգտագործիր գեղեցիկ նկարներ, հոլովակներ, գիֆեր, պատկերազարդումներ կամ ինֆոգրաֆիկա: email-մարքեթինգը նման է կինոյի: Բոլոր մասերը կապված են. տեսողական մասը տրամադրությունն է փոխանցում, իսկ տեքստը տեղեկացնում է:
