ՊԱՅԾԱՌ ՆԵՐՍԵՍՅԱՆ, ՀԱՅԱՍՏԱՆ
ԱՅՆ, ԻՆՉ ՆԵՐՍԻՑ Է ԲԽՈՒՄ
«Ընդդեմ Քասթինգի» ինձ առաջադրեցին ընկերուհիներս, գրեցին իմ և որդուս մասին: Հայկը խելացի ու խիզախ տղա է, նա ուղեղային կաթված ունի, բայց սովորում է հասարակ դպրոցում ու վերջերս սկսել է քայլել, ճիշտ է՝ քայլակով, բայց քայլում է: Հաջորդ նպատակը ինքնուրույն քայլել սովորելն է:
Գեղեցիկ մարդը իր և շրջապատի հետ ազնիվ մարդն է: Պարկեշտ, դաստիարակված ու խելացի: Գեղեցկությունը ներսից է բխում. եթե այն կա, դեմքին կարտացոլվի: Իրական գեղեցկությունը նկատելի է անմիջապես: Կան կոկիկ, խնամված մարդիկ: Նայում ես նրանց դեմքին, ասես պատին. աչքերը ոչինչ չեն ասում, ներքուստ դատարկություն է: Հասարակ մարդիկ ավելի գեղեցիկ են:
ԷԼԶԱ ԱՎԿՈՊԱՇՎԻԼԻ, ՎՐԱՍՏԱՆ
ՀԱՎԱՏ ՔՈ ՀԱՆԴԵՊ
Ես Վրաստանից եմ: Ընտանիքիս հետ ապրում եմ Թբիլիսիում: Օրիֆլեյմում աշխատում եմ 14 տարեկանից: «Ընդդեմ քասթինգի» նախագծի նոմինացիայի մասին ես իմացա մտերիմ ընկերուհուցս: Ես սպասում էի, որ նրանք ինձ կառաջադրեն, բայց դեպի Վարշավա ուղևորությունն ինձ համար անակնկալ էր:
Ինձ համար գեղեցկությունն առաջին հերթին վստահությունն է, ազնվությունը և սեփական ուժերիդ հանդեպ հավատը: Ինձ համար շատ կարևոր է, թե ինչ են իմ մեջ տեսնում այլ մարդիկ, իմ մտերիմները: Նրանք ինձ օգնում են ավելի ինքնավստահ դառնալ, իմ մեջ բացահայատել այն, ինչ նրանք են տեսնում: Կարծում եմ, որ մարդու գեղեցկությունը միանգամից չի երևում: Ժամանակ է հարկավոր, որպեսզի այն բացահայտվի ու մարդկանց համար տեսանելի լինի: Ես 38 տարեկան եմ, և ինձ հենց այդքան էլ զգում եմ: Երբ նայում եմ հայելուն, տեսնում եմ ինքնուրույն և ինքնավստահ կնոջ: Ինքնավստահություն. հենց դա՛ է իմ գեղեցկությունը: Կարծում եմ՝ ես չեմ ծերանա: Ընտանիքս հպարտանում է ինձնով: Ամուսինս միշտ հավատացել է ինձ ու ասել, որ ես կարող եմ ավելիին հասնել:
ԱՆՆԱ ԴՈՒՆԵՑ, ԲԵԼԱՌՈՒՍ
ՈՒԺԸ ՏԱՐԲԵՐՎԵԼՈՒ ՄԵՋ Է
Առաջ մտածում էի. «Մի՞թե մոդել լինելը դժվար է»: Այս գրքի նկարահանումների ժամանակ հասկացա, թե որքան ուժ է հարկավոր մեկ գեղեցիկ կադր ստանալու համար: Ես տեսա, որ բոլորս տարբեր ենք, և մեր ուժը անհատականության, տարբերության մեջ է:
Ինձ առաջադրեց իմ կրտսեր քույրը՝ Մարիան: Դա շատ հաճելի ու հուզիչ էր: Երբ քույրեր եք, հարաբերություններն առանց վեճերի ու թյուրըմբռնումների չեն լինում, իսկ ես ու Մաշան լավ ընկերներ ենք, նա իմ լավագույն ընկերուհին է: Եվ առաջադրումը նրա համար ինձ սիրո խոստովանություն անելու տարբերակներից էր:
Իրական գեղեցկությունը միանգամից չի երևում: Կարծում եմ՝ իմ գեղեցկությունը բարության ու անկեղծության մեջ է: Յուրաքանչյուրի մեջ փորձում եմ տեսնել նրա լավագույն կողմերը:
ՆԱՏԱԼՅԱ ՇՄԻԴՏ, ՌՈՒՍԱՍՏԱՆ
ԳԵՂԵՑԿՈՒԹՅՈՒՆԸ ԺՊԻՏՆ Է
Միշտ ուզեցել եմ դերասանուհու դերում հայտնվել: Վարշավայում նկարահանումների ժամանակ ինձ աստղ էի զգում: Զգացմունքներս խառնվել էին, իմ շուրջն այնպիսի իրարանցում էր, այնպիսի ուշադրություն. պրոֆեսիոնալ ոճաբաններ, դիմահարդարներ: Չափազանց հուզիչ ու հաճելի էր:
Իմ գեղեցկությունն աշխարհընկալման մեջ է: Ես վայելում եմ կյանքն ու գնահատում ամեն րոպեն, ուշադիր եմ մարդկանց հանդեպ, սիրում եմ ընտանիքս ու ծնողներիս: Իրական գեղեցկությունը նկատելի է անմիջապես: Դա հոգեվիճակ է, դա ժպիտն է: Երբ մարդ ժպտում է, նրան ժպտում են ի պատասխան: Նախագծի բոլոր մասնակիցները գեղեցիկ մարդիկ են՝ ուժեղ ոգով, հարուստ ներաշխարհով: Միշտ մտածել եմ, որ աշխարհում ավելի շատ բարի ու լավ մարդիկ կամ, և երբ տեսնում են նրանց քո աչքերով, իսկապես ոգեշնչվում ես:
Ուզո՞ւմ ես տեսնել ամբողջ ֆոտոսեսիան և ստանալ մյուս հերոսների հարցազրույցները: Գնի՛ր Գեղեցկության գրքի հատուկ թողարկումը:
