Չորս օր շարունակ Վարշավայի մերձակայքում գտնվող հսկայական տունը վերածվեց նկարահանման հրապարակի: Օրիֆլեյմ ընկերությունը հրավիրել էր 13 հերոսի՝ 13 մասնակցի Ռուսաստանից, Ուկրաինայից ու Բելառուսից, Վրաստանից ու Հայաստանից, Ղազախստանից ու Մոլդովայից, որպեսզի ցույց տա, թե ինչ է գեղեցկությունը: Նրանցից շատերը երբեք չէին եղել արտերկրում, մյուսները՝ առաջին անգամ էին Լեհաստանում:
Մեր հերսոներից ոչ մեկը չէր սպասում, որ իրեն կհասնի գլխավոր դերը՝ դառնալ «Ընդդեմ քասթինգի» նախագծի դեսպան: Ռուսաստանի ու Լեհաստանի պրոֆեսիոնալների միջազգային թիմը սիրով ու մասնագիտորեն ամեն մասնակցի համար նոր կերպար էր ստեղծում՝ շպար, սանրվածք, եղունգների հարդարանք: Նկարահանումն անցկացնում էր նորաձևության ամսագրերի հայտնի լուսանկարիչ Ագաթա Պոսպեշինսկան:
Ագաթա Պոսպեշինսկան աշխատում է համաշխարհային ճանաչման ապրանքանիշների հետ ու լուսանկարում առաջատար նորաձև ամսագրերի համար: Նկարահանման հրապարակում Ագաթան փորձում է ստեղծել հանգիստ միջավայր, որպեսզի ֆոտոսեսիայի հերոսները կարողանան ազատ շարժվել: «Ես նրանց չեմ ստիպում անբնական շարժումներ անել կամ անշարժանալ: Իմ խնդիրն է նրանց ցույց տալ այնպիսին, ինչպիսին կան: Ամեն լուսանկար պետք է ճշմարիտ լինի»:
Հերսոներն ուրախ էին անվանակարգերով, շնորհակալություն էին հայտնում մտերիմներին, հարազատներին ու ընկերներին ջերմ խոսքերի համար, ամաչում ու զարմանում էին: Արտասովոր, խիզախ ու շատ տարբեր. նրանք ամեն օր հաջողությունների են հասնում իրենց գործում, երեխաներ ու թոռներ դաստիարակում, համատեղում ընտանիքը, բիզնեսն ու ստեղծագործական աշխատանքը, ոգեշնչում ու երջանկացնում իրենց քաղաքի ու երկրի մարդկանց: Ահա՛ նրանց գեղեցկությունը:
