ՍՈՐԱԿԱՆԻՑ ՄԵԿ ԺԱՄ ՇՈՒՏ ԱՐԹՆԱՆԱԼ
Հեշտ է ասել: Խորամանկ եղիր. զարթուցիչը սովորականից մեկ ժամ ավելի շուտ դիր և քեզ այնպես պահիր, ասես ոչինչ էլ չի եղել: Կատարյալ ծրագիր է. առաջին տասը րոպեները՝ արթնանալու համար, ապա մի կում կիտրոնով տաք ջուր, մի քանի պարզ ասանաներ (ձմռանը) կամ զբոսանք տան շուրջը (ամռանը կամ լավ եղանակին)՝ մարզվելու համար, ցնցուղ: Մինչ դու անում ես այս ամենը, մյուսները միայն բարձրացնում են գլուխները բարձից: Համաձայնիր՝ հաճելի զգացողություն է, այնպես չէ՞:
ԵՎ ԾՐԱԳՐԵԼ ՕՐԸ
Տարբերություն կա գործերի ցուցակ կազմելու և իսկապես անհրաժեշտ գործերի ցուցակ կազմելու միջև: Շաբաթական քանի՞ անգամ ենք մենք միևնույն առաջադրանքն ավելացնում ցանկի վերջում, սակայն չենք ավարտում այն: Այնպիսի առաջադրանքներն, ինչպիսիք են «նիհարել երկու կիլոգրամ» կամ «կարդալ հինգ նոր գիրք» օրերի ընթացքում հնարավոր չէ անել: Առաջարկում ենք այլ լուծում:
Օրվա ցուցակը սկսիր ամենամեծ առաջադրանքով: Այն կատարելով, դու քեզ նվազագույնը հաղթող կզգաս, և մնացած առաջադրանքները առանց դժվարության կհաղթահարես: Սակայն չափը չանցնես քանակի հարցում: Երեք-հինգ իսկապես կարևոր գործն օրական բավարար է:
ՀԵՏԵՎԻՐ ՑՈՒՑԱԿԻՆ
Կանանց համար ավելի հեշտ է, նրանք կարողանում են միանգամից մի քանի գործ անել: Սակայն յոթ հարց մի մոտեցմամբ լուծել փորձելու դեպքում՝ կա ռիսկ յոթ անգամ բարձրացնելու սթրեսի մակարդակը: Այսպես չանենք, լա՞վ: Սովորական մուլտիթասքինգի փոխարեն դանդաղեցրու տեմպն ու կենտրոնացիր քայլ առ քայլ աշխատանքի վրա: Ամեն ջնջված առաջադրանքի հետ քեզ ավելի երջանիկ ու հանգիստ կզգաս, իսկ հռչակավոր յոթնյակն ինքն իրեն կհավաքվի: Եվ ոչ մի սթրես:
ԻՆՉԸ ԿԱՐԵԼԻ Է ԱՆԵԼ ՄԻԱՆԳԱՄԻՑ, ԱՆԵԼ ՄԻԱՆԳԱՄԻՑ
Ամենապարզ կանոնը: Եթե գործը կխլի ընդամենը երկու րոպե, արա դա հենց հիմա: Սեղանի փոշին սրբե՞լ: Վերցրու լաթն ու մաքրիր: Բժշկի մոտ գրանցվել այցելությա՞ն: Զանգի՛ր կլինիկա և ընտրի՛ր ընդունելության օրն ու ժամը: Իմանալ այն հարցի պատասխանը, որը վաղուց չե՞ս համարձակվում բարձրաձայնել: Տո՛ւր այդ հարցը հենց հիմա: Եվ վայելիր արդյունքը և խնայած ժամանակը:
ՉՇԵՂՎԵԼ. ԱՆՋԱՏԵԼ ԾԱՆՈՒՑՈՒՄՆԵՐՈՒՄ
Ամեն նամակից, հաղորդագրությունից, լայքից, մեկնաբանությունից կամ փուշից շեղվելու փոխարեն, անջատի՛ր բոլոր ծանուցումները: Ստուգի՛ր, ոչ մի սարսափելի բան տեղի չի ունենա: Եթե քեզ հանկարծ կորցնեն ընկերները կամ գործընկերները, նրանք միշտ կարող են զանգել կամ սպասել: Ծայրահեղ դեպքում միացրու ավիառեժիմը. այդ դեպքում ոչինչ քեզ չի շեղի: Մեղքի զգացողություն ունենալ ընդհանապես պետք չէ. քո կյանքը դու ես ղեկավարում, ոչ թե ուրիշ մարդիկ ու գաջեթները: Գրկում ենք:
