1. ՉԱՓԻՑ ՇԱՏ ՉՈՐԱՑՆԵԼ ՄԱՇԿԸ
Հաճախ կարելի է լսել, որ ակնեի առաջացման գլխավոր պատճառներից մեկը մաշկի աղտոտվածությունն է: Դա այդպես չէ: Ակնեի առաջացման հարցում առավել նշանակալից դեր ունի մաշկի չափից ավելի ճարպի արտադրությունը, ինչը խցանում է ծակոտիները, ինչի արդյունքում զարգանում է վարակը: Յուղոտ մաշկն առաջացնում է այն հաճախ մաքրելու ցանկություն՝ օգտագործելով հատուկ չորացնող միջոցներ: Սակայն սա կհանգեցնի յուղի ավելի շատ արտադրվելուն: Քեզ կօգնեն ալկոհոլ չպարունակող նուրբ մաքրող միջոցները և թեթև, ամենօրյա խոնավացումը:
ՔՆԻՑ ԱՌԱՋ ՄԱՔՐՈՂ ՊՐՈՑԵԴՈՒՐԱՆԵՐԻ ԱՆՏԵՍՈՒՄ
ՉՕԳՏԱԳՈՐԾԵԼ ՍԿՐԱԲ
Սկրաբն օգնում է մաշկի մակերեսից հեռացնել մահացած բջիջները: Սա չկատարելու դեպքում նմանատիպ բջիջները խցանում են ծակոտիները, ինչը հանգեցնում է սև կետիկների և բծերի առաջացմանը: Տհաճություններից խուսափելու համար օգտագործիր դեմքի նուրբ սկրաբ կամ օգտագործիր մաշկը մաքրող գործիքը (օրինակ՝ SkinPro Դեմքի մաշկը մաքրող սարքավորումը):
ՉԱՓԻՑ ԱՎԵԼԻ ԿԱԹՆԱՄԹԵՐՔԻ ՕԳՏԱԳՈՐԾՈՒՄ
Կաթնամթերքի չափից շատ կիրառումը ակնեյի ծանր ձևի առաջացման պատճառ է՝ հայտնի՝ որպես կիստոզային ակնե: Չնայած, որ այս փաստը գիտականորեն ապացուցված չէ, խորհուրդ ենք տալիս կրճատել կաթնամթերքի օգտագործումն առնվազն երկու շաբաթով: Տե՛ս, թե ինչ արդյունք է դա տալիս:
«Որքան էլ մեծ լինի բշտիկը սեղմելու գայթակղությունն, անհրաժեշտ է հիշել, որ դա իրավիճակը փոխում է միայն դեպի վատը»:
ԴԵՌԱՀԱՍՆԵՐԻ ՀԱՄԱՐ ՆԱԽԱՏԵՍՎԱԾ ՄԻՋՈՑՆԵՐԻ ՕԳՏԱԳՈՐԾՈՒՄ
Շուկայում կան ակնեի դեմ պայքարող մի շարք միջոցներ՝ նախատեսված դեռահասների համար: Մի՛ օգտագործիր այդ միջոցները: Դրանք չորացնում են մաշկը, և որքան մաշկը չոր է, այնքան ավելի շատ սեբում է արտադրում այն, ինչ իր հերթին հանգեցնում է ցանի և բորբոքվածության առաջացմանը: Միշտ ընտրի՛ր քո տարիքի համար մշակված միջոցներ: Դրանք մեջ չկան յուղեր, բայց կան հակաօքսիդիչներ: Ուշադրություն դարձրու սալիցիլաթթու պարունակող միջոցներին (օրինակ՝ Diamond Cellular գիշերային վերականգնող քսուքը): Դրանք շատ լավ պայքարում են ակնե առաջացնող մանրէների դեմ:
ԲՇՏԻԿՆԵՐԸ ՍԵՂՄԵԼ
Քո օրգանիզմը կարող է ինքնուրույն պայքարել վարակի դեմ, այդ պատճառով որքան էլ մեծ լինի բշտիկը սեղմելու գայթակղությունը, ոչ մի դեպքում այն մի սեղմիր: Այդ կերպ մանրէները սեղմվում են մաշկի ավելի խորը շերտեր և դժվարանում լավանալու գործընթացը: Չմոռանանք նաև նշել, որ այսկերպ հնարավոր է դեմքի վրա մնան բծեր:
ԵՐԿԱՐ ԺԱՄԱՆԱԿ ՉՓՈԽԵԼ ԱՆԿՈՂՆՈՒ ՍՊԻՏԱԿԵՂԵՆԸ
Մանրէները և շրջակա միջավայրի աղտոտվածությունը, քո սեփական մազերը, մաշկի բջիջները և քրտնահետքերը կուտակվում են բարձի երեսին, իսկ դա նշանակում է՝ քո դեմքին: Լավ է ունենալ բնական մանրաթելերից բարձ և քնելուց առաջ ամեն անգամ շրջել հակառակ կողմի վրա: Սպիտակեղենը լավ է լվանալ առանց բուրահաղորդիչների միջոցներով, իսկ բարձի երեսը փոխել երկու գիշերը մեկ: