Քո անձնական նորաձև նախագիծը առաջ շարժվելու գիտակցված որոշո՞ւմ է:
#FollowMeTo-ի շրջանակներում ես անընդհատ զբաղվում եմ լուսանկարների կերպարներ ստեղծելով, ճանապարհորդելիս հանդիպում եմ տեղացի դիզայներների, հետազոտում տեղական պատմությունն ու մշակույթը: Մեր հետևորդներին միշտ հետաքրքրում է, թե ինչ զգեստ է կադրում, ինչ միջոցներով է ստեղծվել դիմահարդարումը: Իմ անձնական էջը ինստագրամում դարձավ ընտանեկան նախագծի տրամաբանական շարունակությունը: Սերը դեպի ճանապարհորդություններն ու տեղական պատմությունները մնացել է: Իմ ծրագրերում են ոչ միայն Միլանը, Փարիզն ու Նյու յորքը, ես նաև շատ եմ սիրում Վրաստանի, Կիևի նորաձևության շաբաթները, ուղևորություն եմ պլանավորում Սեուլ:
Քեզ հաջողվում է լինել նորաձև, բայց միևնույն ժամանակ մնալ այնպիսին, ինչպիսին կաս: Առանց պաթոսի ու էժանագին կեղծիքի, ինչպես ընդունված է նորաձևության աշխարհում: Ո՞րն է քո գաղտնիքը: Ինչպե՞ս զոհ չդառնալ բարձր նորաձևության աշխարհում:
Ժամանակակից աշխարհում մենք բախվում ենք հսկայական ինֆորմացիոն հոսքի: Ամենն այնքան շատ է՝ նկարներ ու կերպարներ, թրենդներ, այդ ամենի հետևից անհնար է հասնել: Թրենդը լավ է, դա հիանալի հնարավորություն է սովորել խելքով ընրություն կատարել: Պետք չէ դրան անձնական թշնամու պես վերաբերվել, հարկավոր է խաղալ դրա հետ սեփական օրենքներով:
Արդյոք ափսոսո՞ւմ ես, որ ժամանակին հետևել ես նորաձև թրենդներից մեկին:
Շատ շնորհակալ եմ մորս, նա թույլ է տվել ինձ փորձեր անել փոքր ժամանակ: Ինձ ամբողջ կյանքի համար երես են տվել. դպրոցում եղել են և փայլիկներով կանաչ շրթներկները և ամենատարբեր գույնի մազեր: Հիշում եմ՝ մեր մազերը կավիճներով ու սևաներկերով էինք ներկում, ինչից հետո դրանք ցից էին կանգնում (ծիծաղում է): Նաև թրենդային էին չափազանց մեծ դնովի եղունգները: Հիմա սարսափով եմ հիշում այդ ամենը, բայց այնժամ փորձերն իսկական երջանկություն էին: Քեզ գտնելու համար հարկավոր է փորձել, երիտասարդությունը ամենալավ շրջանն է դրա համար:
Նատալյա Օսմաննի հետ հարցազրույցն ամբողջությամբ կարդա՛ Օրիֆլեյմի Գեղեցկության գրքի նոր թողարկման մեջ:
