Ե՞րբ եք սկսել ակտիվորեն զբաղվել սպորտով:
Ես վաղ մանկությունից շատ ակտիվ տղա եմ եղել: Սակայն երիտասարդ տարիներին այդպես էլ որևէ տեսակի սպոտով լրջորեն, մասնագիտորեն չզբաղվեցի: Միայն 53 տարեկանում ես գտա սպորտի իմ տեսակը և տարվեցի ծովային մարաթոնյան լողով:
Ինչո՞ւ ընտրեցիք հենց լողը
Ինձ միշտ տպավորել են մարդիկ, որոնք կարողանում են անհավանական ուժ դրսևորել, տոկունություն, արագություն, ճկունություն՝ հիմնական սպորտային դիսցիպլիններից դուրս: Դեռ 15 տարեկանում ես ինձ մոտ ջրի վրա մարմինը երկար պահելու ունակություն հայտնաբերեցի: Ինձ այդ ժամանակ հաջողվեց լողալով անցնել Մեշերսկոյե լիճը: Լողալ ինքնուրույն եմ սովորել, սակայն երբեք սպորտային տեխնիկային չեմ տիրապետել: Ես բառացիորեն թափառում էի ծովերով ու օվկիանոսներով, շնաձկների, կաշալոտների հետ, ակվալանգներով և ուզում էի լողալ ինչպես Իխտիանդրը: Իմ բոլոր անհավանական մանկական երազանքներն իրականություն դարձան, և է՛լ ավելի մեծ ծավալով, քան կարող էի երևակայել: Կիլիմանջարոյի և Էլբրուսի գագաթները բարձրանալուց հետո ես վերջնականապես հասկացա, որ իմ տարերքը ոչ թե սարերի սառը գագաթներն են, այլ տաք արևադարձային ծովերը:
Ո՞ր ռեկորդը ձեզ առավել դժվարությամբ տրվեց:
Բոլոր ռեկորդներին ահռելի աշխատանքով եմ հասել: Դեռ ոչ մի մարդ չի կարողացել կրկնել իմ մարաթոնային լողերից որևէ մեկը, մինչդեռ դա անել փորձել է 11 լողորդ: Ամենածանրը Բորա Բորա կղզու շուրջ անցկացված մարաթոնն էր, իմ ծննդյան 58-րդ տարեդարձի օրը: Ես հաղթահարեցի 26,92 կմ՝ 12 ժամ 49 րոպե անընդմեջ լողալով բավականին սառը խաղաղօվկիանոսյան ջրերում: Լողալիս ինձ համար իսկական փորձություն կազմակերպեցին փոթորիկը, ցիկլոնը, սարսափելի հոսանքները, ձկնորսական ցանցերը:
Ձեր սննդին հետևո՞ւմ եք: Հատուկ սննդակարգ ունե՞ք:
Սնունդը իմ ֆիզիկական և հոգևոր կերպարի հիմքն է: Եթե ես չհետևեի հատուկ մեթոդների, ապա ծովային մարաթոնների ոչ մի ռեկորդի մասին խոսք գնալ չէր կարող: Սնվելով ինչպես սովորական մարդիկ կամ մարզիկները՝ նման արդյունքների հասնելը ֆիզիկապես անհնար կլիներ: Իմ համալիր մոտեցումն է՝ շնչառություն, սնունդ՝ Wellness ապրանքների հիման վրա, խմելու ռեժիմ, ֆիզիկական ծանրաբեռնվածություն:
Ինչպե՞ս են Wellness ապրանքաշարի միջոցներն օգնում ձեզ ֆիզիկական լավ վիճակում մնալու գործում: Ունե՞ք սիրված ապրանք:
Ես Wellness ապրանքաշարի առաջին հավատարիմ երկրպագուներից մեկն եմ: Արդեն 12 տարի է՝ իմ սովորական սննդակարգը համալրում եմ այդ ապրանքներով և ինձ հետ դրանք տանում եմ արևադարձային ուղևորությունների: Սիրածս ապրանքը բատոններն են: Ես մանկուց շատ քաղցրակեր եմ: Wellness սալիկները տալիս եմ նաև իմ բոլոր ուղեկից-ընկերներին և մարզիկներին:
Ինչպե՞ս է ձեզ հաջողվում համատեղել բիզնեսն ու սպորտը:
Արդեն 20 տարի ինձ հիանալի կերպով հաջողվում է համատեղել անձնական, սպորտային ու հասարակական կյանքը՝ Օրիֆլեյմի հետ գործընկերային բիզնեսի հետ:
Մոտ ապագայի հետ կապված ի՞նչ նպատակներ ունեք:
Պատրաստվում եմ ռեկորդներ սահմանել ծովային մարաթոնյան լողում, քանի դեռ դրա համար ուժերս հերիքում են: Ես ծերանում եմ, արդեն 61 տարեկան եմ, աշխատանքի վետերան եմ, թոշակառու, սակայն դեռ 20-30 տարի կարող եմ զարմացնել աշխարհը:
Վասիլի Բոչկարյովի ռեկորդները
• 52 կմ երկարությամբ մարաթոնյան լող՝ 25 ժամ 57 րոպեում՝ Թայլանդի Կո Չանգ կղզու շուրջ:
• Մեջքի վրա պառկած վիճակում ձգումներ որովայնով՝ 4222 ձգում՝ 3 ժամ 33 րոպեում:
• Փայտերով սկանդինավյան քայլքի ամենաերկար միայնակ մարաթոնը ՝ 108 կմ 22 ժամ 3 րոպեում: