1. ՊԱՏՐԱՍՏԻ՛Ր ՄԱՇԿԴ ՇՐԹՆԵՐԿԻ ՏԱՐԱԾՄԱՆԸ
Բարակ շերտով խոնավացնող բալզամ տարածիր՝ հարթ հիմք ստեղծելու համար: Օգտագործի՛ր փրայմեր կամ քողարկիչ՝ շուրթերի բնական երանգը խամրեցնելու համար: Այսպես ավելի լավ կընդգծես շրթներկի երանգը և կերկարացնես կայունությունը:
2. ՈՒՐՎԱԳԾԻ՛Ր
Օգտագործի՛ր շուրթերի մատիտ. մետալիկ շրթներկի համար հստակ ուրվագծեր են անհրաժեշտ: Փոքրիկ հնարք. ընտրի՛ր շուրթերիդ գույնին հնարավորինս մոտ երանգով մատիտ:
3. ԽԵԼԱՑԻ ԸՆՏՐՈՒՅԹՈՒՆ ԿԱՏԱՐԻՐ
Չե՞ս ուզում ռիսկի դիմել: Ընտրի՛ր այն երանգների մետալիկ տարբերակները, որոնք քեզ վստահաբար սազում են: Արծաթափայլը սազում է մաշկի սառը ենթաերանգ ունեցողներին: Ոսկեգույնն ու բրոնզը՝ առավել տաք գունատիպերին: Իսկ եթե մաշկդ ձիթապտղի երանգի արևայրուքով է, բախտդ բերել է, կարող ես ընտրել շրթներկներից ցանկացածը:
4. ՀԱՄԱԴՐԻ՛Ր
Կերպարն ամենևին էլ արտասովոր չպետք է լինի: Եթե առավել զուսպ դիմահարդարման սիրահար ես, համադրի՛ր մետալիկը փայլատ և կիսափայլ կառուցվածքների հետ, որոնք չեն փայլում: Շուրթերի կենտրոնում փայլատ հիմքի վրա տարածի՛ր մետալիկ շրթներկ, այդ կերպ շուրթերդ ավելի ծավալուն և ընդգծված կդարձնես: Եթե ուզում ես ստանալ բոլորը միասին, ընտրի՛ր մեր նոր Giordani Gold «Ոճի իկոնա» մետալիկ էֆեկտով փայլատ շրթներկը:
5. ԸՆԴԳԾԻ՛Ր ՇՈՒՐԹԵՐԴ
Մետալիկ շրթներկը դիմահարդարման մեջ ընդգծող հատկություն ունի: Թող դիմահարդարման մյուս մասը չեզոք երանգի մեջ լինի, իսկ ողջ ուշադրությունը կենտրոնանա շուրթերի վրա:
