ԼԱԳՈՄ, ՄԻԱՅՆ ԼԱԳՈՄ
Կյանք շվեդական ոճով. սա ենթադրում է ոչ միայն պարզ լուծումների ընտրություն, առանց բարդացնելու ամեն ինչ, այլև այս մոտեցումն ամենուր կիրառելու կարողություն:
1. ԴԵՆ ՆԵՏԻՐ ԱՆՊԵՏՔԸ
Ոչ մի վատ բան չկա զանազանության մեջ: Բայց իրո՞ք քեզ պետք են 20 շրթներկ կամ սևաներկ, երբ դու օգտագործում ես միան մեկ-երկուսը: Նվիրի՛ր նորերը կամ չօգտագործվածները, դեն նետիր հները: Վստահաբար ընկերուհիներդ, մայրդ կամ քույրդ ուրախ կլինեն ստանալ անսպասելի նվեր: Իսկ դու ուրախ կլինես հարդարանքի պայուսակում ազատված տեղի համար:
2. ՎԵՐԱՆԱՅԻ՛Ր ԶԳԵՍՏԱՊԱՀԱՐԱՆԴ
Փակվո՞ւմ է զգեստապահարանդ: Արդյո՞ք բոլոր իրերն ես օգտագործում: Արդո՞ք բոլոր օգտագործվող իրերն ես հավանում: Մտածի՛ր և մի կողմ դիր իրերը, որոնք բարոյապես կամ ֆիզիկապես հնացել են և տեղ են զբաղեցնում պահարանում: Դրանք տար ավտոտնակային բարեգործական առքուվաճառքի, մեծ խանութների ընդունման կետեր կամ փոխանակիր ընկերուհիներիդ հետ: Արդյունքում՝ ավելի քիչ սթրես առավոտյան, ավելի շատ ժամանակ համադրությունների համար և ազատության հաճելի զգացողություն: Հետագայում նմանատիպ իրավիճակներից խուսափելու համար` գնի՛ր մի քանի իր, որոնք կարող ես համադրել միմյանց հետ:
3. ՍՈՎՈՐԻ՛Ր ԱՍԵլ «ՈՉ»
«Ոչ» ասելու կարողությունը, հավանաբար, առանցքայիններից է կյանքում: Հենց այն է ստեղծում լագոմը: Չէ՞ որ երբ մենք կարողանում ենք ժամանակ գտնել իսկապես կարևոր գործերի համար և հրաժարվել ոչ այնքան կարևորներից, կյանքը մոտենում է ներդաշնակությանը: Այն է, ինչ անհրաժեշտ է:
4. ՍԱՀՄԱՆՆԵՐ ԳԾԻՐ
Աշխատանքային նոթբուքը թող գրասենյակում: Անջատի՛ր հեռախոսդ: Դու պարտավոր չես 24/7 հասանելի լինել: Սովորի՛ր սահմաններ գծել՝ 100%-ով տարբեր կերպարներով ապրելու համար:
5. ԱՐԱ ԱՅՆ, ԻՆՉ ՔԵԶ ԵՐՋԱՆԻԿ Է ԴԱՐՁՆՈՒՄ
Կան բաներ, որոնք մենք պետք է անենք, իսկ կան բաներ, որոնք ուզում ենք: Փորձիր անել այնպես, որ այդ հասկացությունների միջև հեռավորությունը կրճատվի, և հիշի՛ր, որ դու չպետք է արդարացնել այլոց սպասումները:
Վերջին անգամ ե՞րբ ես ժամանակ հատկացրել ինքդ քեզ: Արդյո՞ք քո հետաքրքրությունները վեր ես դասել ուրիշներինից: Իրականացրե՞լ ես նվիրական երազանքներդ: Պատասխանի՛ր մեր թեստի հարցերի և պարզի՛ր՝ արդյո՞ք լիարժեք կյանքով ես անցնում:
