1. ԸՆԴԳԾՎԱԾ ՀՈՆՔԵՐ
Եթե մեզ հարցնեին՝ ինչո՞վ է հիշվել 2016-ը, ապա անպայման կասեինք՝ խնամված հոնքերով։ Հուրախություն մեզ՝ դրանք չեն անհետանա նաև 2017-ին։ Հնարավոր է, որ դրանք չլինեն այդքան կատարյալ , սակայն մնան խիտ և թեթևակի, շատ աննշան, գզգզված։
Ի՞նչ է քեզ անհրաժեշտ. հոնքերի գել կամ մեղրամոմ, հոնքերի փոշի և որակյալ վրձին։
2. ԲՆԱԿԱՆ ԿԵՐՊԱՐ
Մշտական արժեքների շարքից ևս մեկ միտում. 2016-ին բնական դիմահարդարումը զբաղեցրել է նորաձևության հարթակների կենտրոնական տեղ, իսկ հայտնիները, ինչպիսիք են Ալիշա Քիզն ու Քենդալ Ջենները, խիզախորեն հանրության առջև ներկայանում են այս նրբագեղ կերպարով։ Այս տեխնիկան կոչված է ստեղծել թարմ ու բնական կերպար, պարզ, ինչպես և ամեն հանճարեղ բան։
Քեզ անհրաժեշտ է փայլի էֆեկտով դիմափոշի, ВВ-քսուք, հայլայթեր
3. ՎԱՌ ՇՈՒՐԹԵՐ
Վիճակագրության համաձայն՝ 2017 թվականին առավել հաճախ, քան երբևէ, դիմահարդարվում են՝ շեշտադրելով շուրթերը։ Եվ սա բավականին հեշտ է բացատրել, քանի որ դեռ երբեք չի եղել շրթներկերի նմանօրինակ բազմազանություն՝ փայլողներից մինչև փայլատ, վառ կարմիրից մինչև մուգ սալորագույն։ Եկող տարի խիզախորեն քեզ հետ վերցրու այս միտումը։ Մի՛ մոռացիր կարևոր կանոնի մասին. վառ շուրթերը լավագույնս դիտվում են չեզոք ֆոնին։
Քեզ անհրաժեշտ է ընտրություն կատարել շուրթերի փայլի, մատիտի, շրթներկի կամ հեղուկ-շրթներկի միջև։
