10. Հարդարաջուր՝ Women's Collection Innocent White Lilac
Կոմպոզիցիան ֆիքսել է գարնանից ամառ սահուն անցման և քաղաքի փողոցներում յասամանի ծաղկման պահը: Նուրբ բույրը սահունորեն փոխարինվում է զով, կամ, ընդհակառակը, ամռան առաջին արևով ջերմացած օդային բույրով: Բույրի սրտում սպիտակ յասամանն է, որը եզրագծում են կանաչ տերևների և թավշյա-փայտե բույրերը: Այս բույրն ասես ծաղկած այգում զբոսանքի մասին հիշողություն լինի:
Belly. «Պաշտում եմ յասամանը: Այս հարդարաջրի բույրն ինձ հիշեցնում է յասամանի այն թփերի մասին, որ ծաղկում են հենց իմ պատուհանի տակ ամեն գարուն՝ մայիս ամսին, և իրենց թարմությամբ լցնում իմ տունը: Իսկ հիմա կարող եմ այդ բույրը վայելել ցանկացած սեզոնին»:
9. Հարդարաջուր Lucia Bright Aura
Այս բույրն օգտագործող կինը պետք է որ թեթև բնավորություն և բարի սիրտ ունենա: Նա սիրում է կյանքը և ոգեշնչում է մարդկանց, միշտ ուրախանալու առիթ է գտնում և կարողանում է երազել: Lucia Bright Aura-ն վառ, կենսուրախ թարմություն ունի, որն առույգացնում է առաջին իսկ շնչից: Նուրբ, չարաճճի, արևային բույր: Կատարյալ է այն օրերի համար, երբ լիցքաթափվել ես ուզում, հագնում թեթև շրջազգեստ կամ ջինս՝ մարզաշապիկով, և որոշում անցկացնել ժամանակն այնպես, ինչպես ցանկանում ես: Անմոռուկի բույրի նոտաները, սպիտակ հաղարջի և մայրու բույրերը մարմնավորում են կանացիության ուժն ու լիցքավորում էներգիայով:
Լյուդմիլա Վլադիմիրովնա Սիդորենկոն գրում է. «…Սա սեր է առաջին շնչից: Նուրբ, թեթև, թարմ և այնքան համեղ՝ մրգային նոտաների շնորհիվ: Այս բույրի հետ ուզում ես պարել, սիրել, երազել»:
8. Հարդարաջուր Giordani Gold Essenza
Այս բույրը թանկ է այն կնոջ համար, որը գիտի իր արժեքը: Չափի մեջ՝ թարմ, չափի մեջ՝ քաղցր, թեթևակի դառը... Հարուստ, հագեցած և բարդ: Մինչև մենք քաղցրորեն ձգվում ենք անկողնում, այս բույրը կրող կինն արդեն հագել է վերնաշապիկն ու շտապում է բիզնես-նախաճաշի: Հագեցած օրվանից հետո նրան սպասում են քաղաքի ամենանորաձև երեկույթին, իսկ երեկոյան նա հագնում է քաշմիրե սվիտերն ու մի բաժակ թեյ վայելում՝ ընկղմվելով իր երազանքների գիրկը: Ամեն բան, որ նա երազում է՝ իրագործվում է, չէ՞ որ նա դեպի իր նպատակ քայլում է ամեն օր:
Այս բույրի ծաղկային-փայտյա կոմպոզիցիան կառուցված է Օրիֆլեյմ ընկերության կողմից արտոնագրված Essenza նոտայի վրա, նարնջածաղկի բարձրորակ եթերայուղի հիմքով:
Edelweiss-ը գրում է. «Նարնջածաղկի բույրը հենց այն նոտան է, որն այս օծանելիքն անպարտելի է դարձնում: Իսկ բերգամոտի հետ համատեղ, որը որոշակի հմայք և թարմություն է հաղորդում, այս բույրն իսկապես անմոռանալի է դառնում: Փայտյա նոտաները միայն սրում են դրա ազդեցությունը»:
7. Հարդարաջուր Sunkiss Garden
Ահա եկել է ծույլ կիրակին, ուրեմն ինչո՞ւ չգնալ այգի՝ զբոսնելու: Դու փռում ես ծածկոցը ծաղկող ծառերին մոտ, հանում սիրածդ գիրքն ու ամբողջովին ընղմվում անհավանական պատմությունների մեջ: Դրանք քեզ կլանում են ու տանում հեռավոր երկրներ: Թեթև և թարմ քամին փչում է ուսերիդ, զամբյուղից տարածվում է հասած մրգերի բույրը, ինչ-որ տեղ հեռվում աղմկում են շատրվանները: Ինչպես մանուկ ժամանակ, արձակուրդներին, երբ որևէ տեղ շտապելու կարիք չկար, միայն դու ես և քո երևակայությունը: Այս առավոտի երազային տրամադրությունը միշտ քեզ հետ է՝ Sunkiss Garden-ի սրվակում:
Dina777. «Իմ սիրած ցիտրուսային և ծաղկային նոտաներն են, և հաճելի տտիպ դառնությունը, որն ունի, օրինակ, թուրինջը: Թարմացնում է, հաղորդում էներգիա և դրական լիցքեր՝ ամբողջ օրվա համար: Շնչում եմ այս բույրն ու չեմ կարողանում հագենալ»:
6. Հարդարաջուր Amber Elixir Crystal
Այս բույրի մեջ պահպանվել է քո սիրած Amber Elixir բույրի հիմքը, սական բույրի սկիզբն ուրիշ է՝ թարմ, փոփոխվող, խորհրդավոր: Բույրը ստեղծող պարֆյումերին իսկապես հաջողվել է վերարտադրել զբոսաշրջային քաղաքում երեկոյան զբոսանքի մթնոլորտը: Սառը ալիքները բախվում են ժայռերին, շրջազգեստդ ծածանվում է աղի և տտիպ քամուց, ափամերձ սրճարանի տաղավարում ծաղկեփունջ է և մրգերով լի ափսե: Օդում պտտվում է ծաղիկների և հյութեղ ցիտրուսների՝ գիտակցությունը մշուշող բույրը, որը թեժ արևից ավելի է տաքացել: Անհոգ երազ՝ հավերժական ամռան մասին, որը միշտ կմնա քո սրտում:
Oktys. «Սկզբում քաղցր բույր, հետո արդեն՝ թարմ: Անհնար է կտրվել: Արթնացնում է ծովի և օվկիանոսի հետ կապված զգացողություններ: Ինքս ինձ վրա չեմ զգում, սակայն շրջապատողները մշտապես հարցնում են, թե այդ ինչ համեղ օծանելիք եմ օգտագործում»:
Ճակատագրական քաղցրություն, կին-գայթակղություն: Նա զգում է կյանքի համը, հեշտությամբ ընտրում է այն, ինչ պետք է հենց իրեն և երբեք չի համաձայնվում նվազագույնին: Ընդամենը մեկ հայացք, և ամբողջ աշխարհը պտտվում է նրա շուրջ՝ կատարելով նրա ցանկացած քմահաճություն: Այսպիսի կնոջ գայթակղությանը դիմանալը դժվար է և իմաստ էլ չունի՝ նա կբացի ձեզ համար զգայական աշխարհի նոր, զարմանալի հորիզոններ, և կպարուրի ձեզ կոճապղպեղի, կակաոյի ծաղիկների և շոկոլադի բույրերով:
Mikaela. «Ահա իսկապես սիրային ըմպելիք, ինչպես և խոստանում է ապրանքի անվանումը: Գերող, խորհրդավոր և միաժամանակ անհավանական կրքոտ բույր: Իմ սիրած տղամարդն այս բույրից խենթանում է: Եվ, կարծես թե, նա այդ գործում միակը չէ»:
4. Հարդարաջուր On the Edge
Այսօր կլինի այնպես, ինչպես դու ես ցանկանում: Կարևոր հանդիպո՞ւմ ունես: Ժամադրությո՞ւն, որից կախված է ամեն բան: Օծի՛ր On the Edge-ը՝ հանդուգն կաշվե նոտաներով: Այն կօգնի ներկայացնել քո անհատականությունն ու ինքնավստահություն կհաղորդի: Ավելացրո՛ւ վառ շտրիխ: Գործնական կոստյումին՝ վարդագույն վերնաշապիկ, կաշվե բաճկոնի հետ՝ նուրբ կտորից կարված կիսաշրջազգեստ, պարզ մազահարդարում, հսկայական սլաքներ ու մինչև երկինք ձգվող թարթիչներ: Ողնաշարն՝ ուղիղ, հայացքը՝ բարձր: Ամեն բան անպայման կստացվի:
Լանա Վալենտինովնա Ստեպանիշյեվա. «Այստեղ և՛ մշուշոտ ծխային-քաղցր դառնություն է, և՛ փափուկ, նուրբ կաշվաբույր, և՛ արևից տաքացած ծառի թեժ կիրքը՝ ծորացող բուրավետ խեժի կաթիլներով: Ցնցող բույր: Տաք, տրոփող, մշտապես տարբեր կողմերից ներկայացող: Վաղուց օծանելիքից նման վայելք չէի ստացել»:
3. Հարդարաջուր Wonder Flower
Արթնանում ես կատարյալ ժամադրությունից հետո, իսկ սեղանին ծաղիկների հսկա փունջ է: Անհավանական բույրը տարածվել է ամբողջ սենյակով և խառնվել առավոտվա զով թարմության հետ: Դու ընկղմվում ես երջանիկ օրվա հիշողությունների մեջ, և ոչինչ չի կարող փչացնել քո տրամադրությունը: Որքան էլ նոր օրը դժվար լինի, վերցրո՛ւ քեզ հետ այդ մթնոլորտն ու այդ ծաղկեփունջը. դրանք ամփոփված են Wonder Flower հարդարաջրի սրվակում: Ընդամենը դաստակիդ վրա լցրու և շնչիր բույրը՝ և դու նորից թեթև ես, երջանիկ ու սիրահարված:
Nadinor. «Հետաքրքիր սրվակ է: Շատերը նշում են բույրի քաղցրությունը, սակայն ինձ մոտ այն զուտ ծաղկային տպավորություն է թողել: Շատ նուրբ է ու թեթև: Տարվա ցուրտ եղանակների համար կատարյալ է: Հետաքրքիր եզրափակող բույր է թողնում»:
2. Հարդարաջուր Women's Collection Delicate Cherry Blossom
Մոնոբույրերի թրենդն իր դիրքերը չի զիջում: Զարմանալի չէ, որ Women's Collection շարքի միանգամից երկու կոմպոզիցիա հայտնվել են մեր վարկանշային ցանկում: Ծաղկային բոլոր բույրերից մեր հաճախորդներն ամենից շատ սիրել են հենց Delicate Cherry Blossom-ը՝ նուրբ, զգայական և ռեալիստական բույրը: Այն այնքան պարզ չէ, որքան թվում է առաջին հայացքից: Բալենու ծաղկի բույրը հստակորեն փոխանցելու համար պարֆյումերն այս բույրին ավելացրել է քաղցր նուշի բույր, և մայրու փայտյա, եզրափակիչ բույր:
Bella777. «Ծաղկող բալենու բույրը հենց այսպիսին է, որ կա: Թարմ ու փոքր-ինչ դառը, երիտասարդ, մաքուր, ինչպես բալենու սպիտակ ծաղիկները: Ինչպես գարնանային զվարթ առավոտը, այն առույգացնում և ուրախացնում է: Կարծում եմ, որ այս բույրը պետք է օծել բաց գույնի հագուստի հետ»:
1. Հարդարաջուր Paradise
Հյութեղ մրգերից պատրաստված արևադարձային ֆրե՞շ: Ո՛չ, իսկական վայրի ջունգլիներ՝ լիանաներով և «բոխո-շիկ» ոճի սիրահարների համար զարմանալի ծաղիկներով: Այս արկածը քեզ սպասում է ամեն օր: Paradise բույրը բացվում է վարդագույն պղպեղի բույրի անսովոր նոտայով, որը բույրին թեթևակի կծվություն և համարձակ բնավորություն է հաղորդում: Բույրի մեկնարկային նոտաները շատ թարմ են, դրանք անցում են կատարում հյութեղ-մրգային քաղցրության, որի գայթակղությանն անհնար է դիմանալ:
Viking 2002. «Այս բույրը ոչ մի բանի հետ չես կարող համեմատել, այն չափազանց անհատական է: Այն գնահատել են և՛ կանայք, և՛ տղամարդիկ: Սկզբում իսկապես պղպեղի բույրն է զգացվում, սակայն հետո մնում է նուրբ, փափուկ, հարմարավետ, գայթակղող եզրափակում: Եթե դուք ցանկանում եք, որ ձեզ նկատեն, ուրեմն սա ձեր բույրն է»:
Իսկ քեզ Oriflame բույրերից ո՞րն է ամենից շատ դուր գալիս: Մեկնաբանություններ արա մեր կայքում կամ գրի՛ր սոցիալական ցանցերում՝ օգտագործելով #ԻնձնիցՔեզԽորհուրդ և #OriflameArmenia հեշթեգերը: Դարձի՛ր իսկական բյութի-բլոգեր:
