Մուլտիմասքինգ. Ի՞նչ է սա և ինչի՞ համար է անհրաժեշտ

Շատ արագ մեծ հայտնիություն ձեռքբերած մուլտիմասքինգի գաղափարն անգամ համեմատում են ուրվագծման հետ, քանի որ այն դարձել է սեզոնի ամենից ակտուալ միտումներից մեկը: Սակայն ի՞նչ է այն իրենից ներկայացնում, ինչպե՞ս է աշխատում և, ամենակարևորը՝ ինչպե՞ս ստանալ այն տան պայմաններում: Ներկայացնում ենք կետ առ կետ:

ԻՆՉ Է ՄՈՒԼՏԻՄԱՍՔԻՆԳԸ
Խնդիրներ մաշկի հետ ունեն գրեթե բոլորը:  Դա կարող են լինել ինչպես սև կետիկները և խցանված ծակոտիները դեմքի ինչ-որ հատվածում, այնպես էլ չորություն ու շերտազատումը դեմքի մեկ այլ հատվածում: Նախկինում այս բոլոր խնդիրները դժվար թե միանգամից լուծեր որևէ մեկ միջոց: Սակայն միանգամից մի քանի դիմակների կիրառումը կարող է օգնել: Հենց սա էլ կոչվում է մուլտիմասքինգ:

ԻՆՉ Է ԴՐԱ ՀԱՄԱՐ ԱՆՀՐԱԺԵՇՏ
Սկզբում գնահատիր մաշկիդ վիճակը, առանձնացրու առկա խնդիրները և ընտրիր միջոցներ, որոնք կօգնեն դրանք լուծել:

ՅՈՒՂՈՏ ՄԱՇԿԻ ՀԱՄԱՐ
Որպես կանոն՝ սա ամենախնդրահարույց մաշկի տեսակն է, քանի որ խնդիրներն առկա են Т հատվածում: Առավել հաճախ նկատվում է ավելորդ փայլ, խցանված ծակոտիներ ու սև կետիկներ: Քեզ կօգնի կավե դիմակը, որը կլանում է ավելորդ սեբումը և ծակոտիներից «ներծծում» աղտոտվածությունը: Սալիցիլաթթվով դիմակը կշերտազատի մաշկը և կկանխարգելի դեմքի վրա ցանի ու կարմրածության առաջացումը՝ գործելով որպես հակաբորբոքային միջոց: Ընտրիր քեզ անհրաժեշտ արդյունքը:

ՉՈՐ ՄԱՇԿԻ ՀԱՄԱՐ
Մաշկի չորացած հատվածները կարող են հայտնվել ամենուր, սակայն ամենից շատ տուժում են այտերը: Ընտրիր վիտամինների մեծ քանակություն պարունակող դիմակներ՝ մաշկը հանգստացնելու և այն սնուցումով ապահովելու համար, կամ վերցրու հիալուրոնաթթվով միջոց, որը ներթափանցում է մաշկի մեջ և օգնում պահպանել ջրային հաշվեկշիռը: Եթե նախապատվությունը տալիս ես  թեթև բաղադրություն ունեցող միջոցներին, ապա օգտագործիր գելային դիմակներ, որոնք խոնավացնում են մաշկը, սակայն չեն պարունակում յուղեր:

ԵՎ ՀԱԿԱՏԱՐԻՔԱՅԻՆ ԽՆԱՄՔԻ ՀԱՄԱՐ
Գործվածքային դիմակների նորաձևությունը ծնվել է Կորեայում և այնտեղից էլ տարածվել ամբողջ աշխարհով: Ի զուր չէ, որ նմանատիպ դիմակները կարող են ապահովել այդ թվում նաև հակատարիքային խնամք: Այս դիմակները պատրաստված են դեմքն ամբողջությամբ ծածկելու համար, ակայն կարող ես օգտագործել այն միայն խնդրահարույց հատվածներում: Ընտրիր դիմակներ, որոնք գունաբացում են մաշկի երանգը, խոնավացնում և փափկացնում դիմախաղից առաջացած կնճիռները:

Տեքստ Ֆոտո Anna Mårtensson