ՃԱՄՓՈՐԴԻՐ ՔԻՉ ԻՐԵՐՈՎ
Ինչպե՞ս միայն երկու իրը կարող է փոխարինել ճամպրուկի իրերի ուղիղ կեսին, երբ ուղևորվում ես որևէ տաք երկիր: Ծովափնյա աքսեսուրաներին փոխարինելու է գալիս արևադարձային պատկերներով շարֆերի հավաքածուն. ձեռքի թեթև շարժումով դրանք վերափոխվում են զգեստի, վերնազգեստի, գլխակապի, գոտու և նույնիսկ պայուսակի: Զարդերի հարցը լուծում են 4-ը 1-ում ականջօղերը: Զուսպ մեխիկներ, նորաոճ ոսկեգույն շղթաներ կամ թևիկ-կախազարդերով վառ շեշտադրում. համադրի՛ր կախազարդերն ու հարմարեցրու ցանկացած հագուստի:
ՀԻՇՈՂՈՒԹՅՈՒՆՆԵՐ ՍՏԵՂԾԻՐ
Եթե ծովի մասին ստիպված ես միայն երազել, գնա՛ լողավազանի մոտ անցկացվող երեկույթի, այգի կամ զբոսնի՛ր գիշերային քաղաքով: Մի՛ մոռացի՛ր սելֆիի մասին: Հաջող կադրի գաղտնիքն անսովոր մեծ չափերի ականջօղերն են, որոնք ընդգծում են դեմքի ձևն ու նուրբ պարանոցը:
Ուզո՞ւմ ես կերպարիդ ավելի շատ ռոմանտիկա հաղորդել: Ուշադրություն դարձրու տարբեր երկարություններ ունեցող երկու շղթայից վզնոցներին: Կրի՛ր դրանք առանձին կամ միասին՝ կախված վերնազգեստիդ կամ զգեստիդ վզի կտրվածքի:
ԵՂԻ՛Ր ՎԱՌ
Նույնիսկ ամենախիստ գրասենյակային հագուկապը չի խանգարի քեզ վայելել ամառային միտումները: Ամեն օր ընտրի՛ր ոսկեգույն մատանիներ՝ դնելով դրանք առանձին-առանձին կամ ամբողջն ու միանգամից: Հավաքածուն լրացրու մինիմալիստական ականջօղերով և փոխի՛ր դրանք օրվա ընթացքում՝ ըստ տրամադրության:
