1. ՄՈՌԱՑԻ՛Ր ԶԻՋՈՒՄՆԵՐԻ ՄԱՍԻՆ
Պատվիրել ես, բայց սխալվել ես երանգի հարցում, նվեր ես ստացել, բայց գույնը քոնը չէ, սիրահարվել ես կառուցվածքին ու արդյունքին, բայց հարմար երանգ շարքում չկա. երանգային քսուքների մի ամբողջ բանակ անգործության է մատնված:
Նոր գունակային քողարկիչը կօգնի լուծել բոլոր հարցերը, որ կապված է երանգի ընտրության հետ, ընդ որում, չի ծանրացնում ծածկույթն ու ընդհանրապես չի փոփոխում կառուցվածքը: Աշխատում է շատ պարզ. կաթիլ-կաթիլ ավելացրու սիրելի երանգային քսուքին, մինչև կստանաս քեզ անհրաժեշտ երանգը: Գունաբացող քողարկիչը դուր կգա սպիտակաձյունիկներին, չէ՞ որ նրանց համար նույնիսկ շարքի առաջին երանգը չափազանց դեղին է: Մգացնող տարբերակը կգնահատեն թխամաշկերը. այն կօգնի խուսափել մոխրագույն ենթաերանգից, որը ստեղծում է անհրաժեշտ մգություն չունեցող երանգային միջոցը:
2. ԽՆԱՅԻՐ ԳՈՒՄԱՐ
Եթե մաշկդ հեշտությամբ ընդունում է արևայրուք, սեզոնից կախված՝ դրա երանգը կարող է մի քանի տոնով փոփոխվել: Այլևս ամեն սեզոնի համար առանձին երանգային քսուք գնելու անհրաժեշտություն չկա, ունեցի՛ր միայն մեկը և փոխի՛ր երանգը քողարկիչի միջոցով:
3. ԴԱՐՁԻ՛Ր ԻՆՍՏԱԳՐԱՄԻ ԱՍՏՂ
Վաղուց երազում ես քսուքով ուրվագծում կատարել, բայց վախենում ես ջրարջի՞ նմանվել Ռիհաննայի փոխարեն: Փորձի՛ր գունակային քողարկիչներն օգտագործել որպես քսուքային բրոնզեր և հայլայթեր: Դրանք հատուկ ստեղծված են երանգային հիմքին կատարելապես խառնվելու համար, ուստի դրանցով նույնիսկ սկսնակը հրաշալի ստվերագծում կանի: Մուգ երանգով ընդգծի՛ր այտոսկրերը, ճակատի և քթի կողմնային հատվածները: Բաց երանգը տարածի՛ր քթի առաջնամասին, վերին շրթունքի փոսիկին, այտոսկրերի դեպի դուրս ուղղված հատվածներին և հոնքերի տակ:
