Գաղտնի բաղադրիչ
Շնորհիվ մինչև մեր օրեր հասած պերգամական բժիշկ Հելենի աշխատությունների՝ հայտնի է, որ Վաղ Կայսրության շրջանի նշանավոր հռոմեացիներն իրենց երիտասարդությունը և գեղեցկությունը պահպանել են էկզոտիկ միջոցների օգնությամբ՝ կոկորդիլոսի կղանքներով վաննան՝ խառնած բուժիչ ցեխերի հետ: Համարվում էր, որ կոկորդիլոսի կղանքը ունի ծերացման պրոցեսները դանդաղեցնող հատկություն: Այսպիսի «երիտասարդացնող շատրվանները» կարող էին թույլ տալ միայն բնակչության բարձր խավերը: Բոլոր նրանք, ովքեր չունեին նյութական հնարավորություններ, ստիպված էին բավարարվել նույն բաղադրությամբ դեմքի դիմակներով:Լավ է, որ այս ժամանակներն անցյալում են, և դու այժմ ունես դեմքի վերականգնող թուրմ և «Իշխանություն ժամանակի վրա» հակատարիքային գիշերային քսուք:
Արյան միայնություն
Միջին դարերում նորաձև էր նրբագեղ գունատությունը, ինչը համեմատվում էր տաճարների տրիպտիխների վրա պատկերված հրեշտակների հետ: Գեղեցկության նոր չափանիշին համապատասխանելու համար կանայք դիմում էին արյունառության՝ զրկվելով 0.5 լ արյունից և այդ կերպ ունենալով դեմքի ճերմակ երանգ: Այս պրոցեդուրան այնքան հայտնի էր, որ թողարկվում էին «Արյունառության ամենամսյա օրացույցներ», որոնք խորհուրդ էին տալիս «ավելորդ» արյունից ձերբազատվել՝ լուսնի ցիկլի համապատասխան՝ հաշվի առնելով տարվա եղանակը և համաստեղությունների որոշակի դասավորությունը:
Այդ ժամանակներից ի վեր գիտությունն անցել է մի քանի քայլ առաջ՝ ժամանակակից BB-քսուքները, ինչպիսին է The ONE բազմաֆունկցիոնալ BB քսուքը, դեմքին հաղորդում են համաչափ, առողջ գույն, խոնավացում, պաշտպանություն. այս ամենն՝ ընդամենը մեկ արտադրանքի մեջ:
Առանց ավելորդությունների
Մազահեռացումը ընդունված էր գրեթե բոլոր մշակույթներում: Դրա մասին առաջին վկայությունները հանդիպում են Հին Եգիպտոսի, Մեսոպոտամիի, անտիկ Հունաստանի հուշարձաններում: Մինչև մեր օրեր հասած ամենահին պրոցեդուրաներից մեկը թելով մազահեռացումն է: 50 սմ երկարությամբ և ծայրերում կապված պինդ թելի օգնությամբ դեռ հին ժամանակներում հեռացնում էին դեմքի և մարմնի մազերը: Այս տարբերակը պահպանվել է Արաբական երկրներում, Չինաստանում ու Հնդկաստանում և ունի իր երկրպագուները՝ համեմատաբար առավել քիչ ցավ պատճառելու և արդյունավետության շնորհիվ:
Փոքրիկ աշխարհ
Պլատոնի և Արիստոտելի ժամանակորդը, բժշկության հայր Հիպոկրատը դեմքի հակաբորբոքային քսուքի գյուտարարն է: Դրա հիմքում խխունջի լորձն էր, թթու կաթը և կաղկամորթի մանրացված վահանը: Խխունջներն օգտագործվում էին նաև որպես ցանի բուժման, սպիերն ու բծերը հեռացնելու միջոց: Դրանց արտազատումը հարուստ է հիալուրոնային թթվով, գլիկոլաթթվով և սպիտակուցով, և օգնում էր ձերբազատվել մաշկի խնդիրներից դեռ մ.թ.ա. 4-րդ դարում: Խխունջային մերսումն այսօր նույնպես օգտագործվում է գեղեցկության ոլորտում, ճիշտ է, հայտնի է մեծամասամբ Ասիայում, որտեղ կաղկամորթերի նկատմամբ ստերեոտիպերը նկատելիորեն քիչ են:
Խխունջների կյանքը պահպանելուն ու մաշկն արդյունավետորեն մաքրելուն կօգնի SkinPro մաշկը մաքրելու սարքավորումը:
Կրակ, հետևի՛ր ինձ
Հո Լյաո (կրակով բուժում) Չինաստանում հայտնի է հին ժամանակներից: Համարվում էր, որ կրակով թերապիան բարելավում է արյան շրջանառությունը, մաշկը դարձնում առավել առաձգական և հարթում կնճիռները: Կային ժամանակներ, երբ այս պրոցեդուրան համարում էին հասանելի միայն տարերքների կախարդանքին տիրապետող վարպետների համար, սակայն հիմա ոչ ավանդական բժշկության սիրահարները պատրաստ են առաջարկել այն սպա-սրահներում: Սպիրտ պարունակող բուժիչ լուծույթները և խոտաբույսերի թուրմը տարածում են կտորի վրա, որպես կոմպրես դնում այն դեմքին կամ մարմնին, վառում, իսկ այնուհետև արագ մարում այդ կրակը՝ ջրի մեջ թրջված այլ կտորի օգնությամբ:
Լցվում ես օպտիմիզմով՝ հայացք գցելով նախորդ սերունդների փորձին և տեսնելով ժամանակակից շուկայում առկա կոսմետիկ միջոցների բազմազանությունը, որը մեզ հնարավորություն է տալիս ընտրել առավել անվտանգ և նվազագույն ցավ պատճառող խնամքի միջոցները:
