Երեք դասական ոճ տղամարդկանց համար՝ Ռոման Բելոսնեժնիի կողմից

Ներկայացնում ենք նոր, պրեմիալ բույր տղամարդկանց համար՝ Eclat Style, որն Eclat ապրանքաշարից է և մարմնավորում է ֆրանսիական նրբաճաշակությունը: Օրիֆլեյմի պաշտոնական ոճաբանը պատմում է, թե ինչպես ստեղծել դասական ոճի կերպարներ՝ ցանկացած առիթի համար և համալրել այդ կերպարը ճիշտ դետալներով, այդ թվում՝ բույրով:

  

Դասական ոճը սազում է ուժեղ տղամարդկանց, որոնք ցանկանում են ինքնավստահ և հարգարժան տեսք ունենալ, վայրկենապես վստահություն նվաճել և թողնել ճիշտ տպավորություն: Գործնական աշխարհում սա թիվ մեկ ոճն է, և եթե նույնիսկ առօրյայում այն քեզ այնքան էլ հարազատ չէ, հատուկ առիթների համար պետք է ունենալ պատրաստի մի քանի կերպար:  

«Դասական» բառը լսելիս մենք պատկերացնում ենք «խիստ» ձևվածքներ, վերնաշապիկ, որը կոճկված է մինչև վերջին կոճակը, և, իհարկե, անփոխարինելի փողկապ: Ի սկզբանե այս ոճն իսկապես եղել է առավել զուսպ, սակայն ժամանակի հետ հեռացել է մեզ համար սովորական դարձած հասկացությունից, քանի որ դասական կոստյումների կարման համար սկսել են օգտագործել օրիգինալ կտորներ, կոշիկները փոխարինել սպորտային կոշիկներով, իսկ պատրաստի կերպարն ավարտուն դարձնել նորաձև աքսեսուարներով:

Լավ կարված կոստյումն ու վերնաշապիկը դասական ոճի հիմքն են: Սովորաբար շալվարն ու պիջակը կարված են միևնույն կտորից, որպես կանոն՝ բրդե կտորից, և ունեն ձևվածքի ընդունված անփոփոխ էլեմենտներ՝  օրինակ՝ դարձածալ, կրծքագրպան, ստորին գրպաններ: Դրանք կարող են փոխել իրենց դիզայնը՝ հարմարվելով նորաձև միտումներին:  Այսպես, օրինակ, կար ժամանակ, երբ նորաձևության հարթակներին տարածված էին կոճակների մեկ շարանով կոստյումները՝ գոտկատեղը խիստ ընդգծող սպորտային ոճով, նեղ դարձածալերով և թերթիկ-գրպաններով: Այնուհետև այդ կոստյումներն իրենց դիրքերը զիջեցին առավել ազատ, երկշար կոճակներով կոստյումներին՝ լայն դարձածալերով և խոշոր գրպաններով: 

Գործնական կոստյումների հետ ընդունված է կրել միագույն վերնաշապիկներ, որպես կանոն՝ սպիտակ և բաց կապույտ գույների: Թույլատրելի են դասական նախշերը՝ տոնածառը, վանդականախշը, շերտագծերը: Ուշադրություն՝ խիստ ոճի կոստյումի համար պետք է ընտրել «կոշտ» օձիքով վերնաշապիկ, որը լավ պահպանում է ձևը, իսկ ահա casual ոճում թույլատրելի է նաև փափուկ օձիքը:

Ես քեզ համար մեկտեղել եմ դասական կերպարի երեք տարբերակ՝ ամեն օրվա համար, բիզնես-գործընկերների հետ բանակցությունների համար և գալա-միջոցառումների համար:




Casual ոճ
Կերպարի առանցքային բաղադրիչը հաստ բրդից կարված պիջակն է, որն ունի կապույտ գույն և կոճականցքեր՝ դարձածալի վրա: Այս պիջակը հեշտությամբ կարելի է համատեղել այլ գույների շալվարների և ջինսերի հետ: 

Գործնական ոճ
Լակոնիկ վանդականախշերով կոստյում՝ լայն, իտալական ոճի դարձածալով և հավելյալ կրծքագրպանով: Նրբագեղ է և գեղեցիկ: Երկրորդ տարբերակ՝ միագույն բրդե կոստյում՝ անգլիական ոճի դարձածալով, որը համալրված է փողկապով և կրծքագրպանում դրված թաշկինակով:




Երեկոյան ոճ
Առաջին տարբերակի դեպքում պարզ, սպիտակ վերնաշապիկն ընդգծում է վանդակավոր պիջակն ու շալվարը, որոնց գույնը պիջակի գույնին մոտ է: Եթե առավել ազդեցիկ կերպար ես ցանկանում ստանալ, ընտրի՛ր թավշյա պիջակ և այն համալրի՛ր սպիտակ վերնաշապիկով և թիթեռնիկ-փողկապով: Այսպիսի համադրությունը կարելի է կրել նույնիսկ ջինսերի հետ, և այսօր շատ նորաձև է էլեգանտ և casual ոճերը համատեղելը: Կարևոր է, որ ջինսերը լինեն միագույն, առանց դեկորատիվ էլեմենտների, իսկ ոտքերին լինեն դասական կոշիկներ:

Մոտեցումը դասական ոճին տարբեր երկրներում տարբեր է: Օրինակ՝ Ֆրանսիայում տղամարդիկ սիրում են բազմազանություն և փորձարկումներ: Փարիզի փողոցներում կարելի է հանդիպել դենդիների, որոնք նախընտրում են վառ գույները, անսովոր բաղադրության գործվածքները, ոչ ստանդարտ շապիկներ, որոնց կտորը լրացնում է շալվարի կտորն ինչպես «աղը բիբարի հետ»: Ֆրանսիական ոճով դասական կերպարի մեխը շարֆն է: Տղամարդիկ վիրտուզ կերպով այն համատեղում են կոստյումի հետ և նույնիսկ կիրառում որպես ամբողջ կերպարի գլխավոր շեշտադրում:

Դասական ոճի համար մանրուքներ գոյություն չունեն: Մանրակրկիտ պետք է կառուցել ոչ միայն հագնվելու ոճը, այլ նաև՝ սանրվածքը, աքսեսուարներն ու անգամ՝ ճիշտ օծանելիքը: Այս ոճի հետ քեզ ինչ-որ նրբագեղ ու բացառիկ բույր է անհրաժեշտ: Օրինակ, նոր՝ Eclat Style պարֆյումերացված ջուրը: Կոմպոզիցիայի կենտրոնում De Laire Sellier ակորդն է՝ սպիտակ հիրիկի և կաշվի բույրերի հիմքով, որը ստեղծել են վարպետ-պարֆյումերներ Էմիլի Քոփերմանն ու Այլենոր Մասսնեն: Թուրինջն ու վետիվերը համալրում են բույրը. փարիզյան ոճի իսկական մարմնացում:  


Օծանելիքի օգտագործման համար իդեալական է այն պահը, երբ հենց նոր ես ցնցուղ ընդունել. օծանելիքը պետք է տարածել խոնավ մաշկին և մազերին: Այդպես բույրն ավելի երկար կպահպանվի: Մի՛ մոռացիր զարկերակային հատվածների մասին (պարանոց, ականջների հետևի հատվածներ), որոնց միջոցով բույրի հնչեղությունը կդառնա առավել ինտենսիվ:   

Տեքստ Ֆոտո Ռոման Բելոսնեժնի