Արևայրուք (արհեստական)
2015թ. աշուն/ձմեռ ցուցադրություններին մոդելները փայլում էին մաշկի արևայրուքի երանգով, որը հակադրվում է ձմռան գորշությանը։ Անգամ երբ չկա արև, նորաձև լինելուն քեզ կօգնի ինքնարևայրուքը։ Կարող ես նաև փորձել երանգավորումը (ուրվագծում ինքնարևայրուքով՝ մուգ գույնով երանգային հիմքի փոխարեն)։ Սա կստեղծի այնպիսի արդյունք, ասես՝ նոր ես վերադարձել արձակուրդից։ Նկատվել է Dsquared²,Moschino, Chloé, Michael Kors ապրանքանիշերի ցուցադրություններում:
Մութ մտադրություններ
Ուզո՞ւմ ես ունենալ առավել վառ տեսք։ 2015 թ. աշուն/ձմեռ սեզոնի համար բորդո և սալորագույն երանգներով մուգ շրթներկը դիմահարդարման գլխավոր բաղկացուցիչն է։ Փայլատ կամ փայլող շուրթեր՝ ընտրությունը քոնն է։ Ամբողջական կերպար ստեղծելու համար նայի՛ր մեր «Մուգ երանգով շուրթեր» տեսադասընթացը։
ապրանքանիշերի ցուցադրություններում։
Գերազանց գծագրություն
Այս սեզոնին դեռ նորաձև է երկրաչափական ձևը։ Վերցրու գծաներկի և ստվերաներկի մուգ երանգներ։ Որքան հստակ են գծերը, և հագեցած է գույնը, այնքան լավ։
Նկատվել է Chanel, Dior, Fendi, Rochas, Paco Rabanne, Rick Owens, Rag & Bone ապրանքանիշերի ցուցադրություններում։
Քո աչքերին
Լեռնային բյուրեղապակի և արհեստական թարթիչներ՝ այս սեզոնին աչքերի հարդարումը չպետք է սահմանափակել սևաներկով։ Խաղուն հայացքի համար օգտագործիր արդի՝ մետալիկ երանգներով գծաներկեր։ Ստորին կոպի ամբողջ երկայնքով արծաթագույն կետերը կհիշեցնեն թանկարժեք մետաղների մասին։
Նկատվել է Mary Katrantzou, Rodarte ապրանքանիշերի ցուցադրություններում։
