Ի՞նչն է նորաձև 2018-ին. միտումներ, կերպարներ, դիմահարդարում

Ծիածանագույն ստվերաներկեր, տարբեր գույների ու չափերի վայրի պոչիկներ, անսպառ փայլեր. այս սեզոնին նորաձև է նկատելի լինելը: Պատմում ենք դիմահարդարման հինգ գլխավոր միտումների մասին, և ինչպես դրանք կյանքի կոչել:

1. ԳԱՐՈՒՆԸ ԾԱՂԿՈՒՄ Է
Ի՞նչ գարուն առանց գույների: Ստվերաներկերի հարուստ նարնջագույն և վարդագույն, փիրուզագույն և կանաչ, դեղին ու կապույտ երանգները զարդարում էին գարուն-ամառ 2018 ցուցադրությունները: Փորձի՛ր և դու: Միախառնի՛ր հարուստ երանգներն ու մեծ ականջօղերը. զվարճացի՛ր:

2. ՓԱՅԼԵՐ FOREVER
Կերպարի հետ թեթև խաղարկումից մինչև բյութի-հանցագործության լուրջ մասնակից. 2018-ին դիմահարդարման մեջ փայլերն ամենանորաձև դերն են խաղում: Դրանք կարելի է տարածել կոպերին՝ որպես ստվերաներկ, օգտագործել որպես սնգույր, շրթներկ ու նույնիսկ հայլայթեր: Ի՞նչ դիմահարդարում, փայլերը նույնիսկ մարմնին են տարածում:

3. ՇԱՏ ՏԱՐՕՐԻՆԱԿ ԿԵՐՊԱՐՆԵՐ
Այս տարի դեմքին կարելի է նկարել այն ամենն, ինչ անցնում է մտքովդ: Մեծ պոչիկներ նկարիր, հիշիր երկրաչափության դասերդ և տարբեր մարմիններ նկարիր կամ բառիս բուն իմաստով ներկիր աչքերդ. որքան տարօրինակ լինի դիմահարդարումն, այնքան լավ: Մեր սիրելի երանգը էլեկտրիկ կապույտն է, գործիքը՝ հեղուկ գելային գծաներկը:

4. ԿԱՐՄԻՐԻ ՀԻՍՈՒՆ ԵՐԱՆԳՆԵՐԸ
Ֆուքսիայի, ելակի և բալի գայթակղիչ երանգները՝ շուրթերի, ստվերաներկերի կամ գծաներկի վարդագույն և ժանգի գույնը աչքերի դիմահարդարման մեջ՝ շողացող մաշկի համադրությամբ. արդեն որերորդ սեզոնն է՝ կարմիրը դառնում է սիրելի գույն: Առավել յուրատիպ կերպարի համար՝ ընտրիր լոռամրգի կամ թրծակավի երանգներով ստվերաներկերը աչքերի, իսկ շողացող կարամելային փայլերը շուրթերի համար: Ու այո, մի՛ մոռացիր տարածել հարթեցնող փրայմեր: Այն երանգն ավելի հարուստ ու կայուն է դարձնում: Ուզում ես մինչև վե՞րջ գնալ: Ընտրի՛ր դասական, վառ կարմիր երանգը:

5. ԻՆՉՊԻՍԻ՛ ԵՐԱՆԳ
Շողացող, առողջ մաշկը քո գլխավոր աջակիցն է: Հասկանալի է, որ այդպիսի կերպարի կարելի է հասնել սպորտի միջոցով, բայց կարելի է նաև կոսմետիկայով գլուխ հանել: Քո գլխավոր օգնականներն են փրայմերը, հայլայթերը և գնդիկավոր սնգույրը: Չարաճճիությունը հաջողված է: 

Տեքստ Ֆոտո Getty Images