Վերջակետ դիր: 6 լայֆհաք՝ մաքուր ծակոտիների համար

Ինչ էլ որ դու անես, նրանք հայտնվում են նորից: Սև կետեր: Դրանց դեմ պայքարը ռեկորդներ է սահմանել հարցումների թվով: Միայն Google համակարգում «հեռացնել սև կետերը» հարցումն արվել է 2,5 միլիոն անգամ: Ընդունել ու ներողամի՞տ լինել, թե՞ պայքարել մինչև վերջ: Արի՛ հասկանանք:

Ինստագրամում հավանաբար տեսել ես նորաձև սև դիմակ: Տարածում ես այն, պոկում, և ամբողջ աղտոտվածությունը մնում է դրա վրա: Սև կետերից ազատող դիմակի թրենդը տարածվել է սոցիալական ցանցերում: Թվում է, թե այն բոլորն են փորձել, սակայն արդյո՞ք այն իսկապես արդյունավետ է, և արդյոք սև կետերի դեմ կարելի է պայքարել միայն դիմակ-թաղանթով:

Գլխավոր հարցը՝ ինչու:
Սև կետերի մեջ լցվում են սեբումն ու մաշկի մեռած բջիջները, որոնք խցանում են ծակոտիները և թթվածնի ազդեցությամբ ստանում մուգ մոխրագույն երանգ: Ճարպոտ մաշկ ունեցողներին դրանք անհանգստացնում են մշտապես, իսկ մյուսերին՝ ժամանակ առ ժամանակ, երբ սեբումի քանակը սովորականից ավելի շատ է:

Մաշկի ճարպերի արտադրությունը կարգավորում են հորմոնները (օրինակ՝ տեստոստերոնը), իսկ դա նշանակում է, որ սև կետերը գրեթե անխուսափելի են: Սեռական հասունացում, հղիություն, դաշտանադադար, դաշտանային ցիկլ՝ հորմոնների թռիչքաձև աճի համար կանայք միլիոնավոր պատճառներ ունեն:  

Կարևոր է հասկանալ, որ սև կետերից մեկընդմիշտ ազատվելն անհնար է: Անգամ խորը մաքրումից հետո սեբումը շարունակում է կուտակվել ծակոտիներում և աստիճանաբար ձևավորում է նորերը: Մաշկի մաքրությունը պահպանել կարելի է միայն համակարգված խնամքի օգնությամբ:   

Ինչպես չվատացնել վիճակը
Եթե չես ցանկանում ավելացնել սև կետերի քանակը քթի հատվածում, պետք չէ.

1. Սեղմել դրանք
Մեխանիկական մաքրումը պետք է արվի միայն կոսմետոլոգի մոտ: Մասնագետը մաշկը ճիշտ կնախապատրաստի և կօգնի զգուշությամբ հեռացնել աղտոտվածությունը: Տնային պայմաններում արդյունքը մեկն է՝ անոթների վնասում և կուպերոզ, որոնք կարելի է հեռացնել միայն թանկարժեք լազերի օգնությամբ: Դադարի՛ր սև կետերը սեղմելը, դեն նետի՛ր խոշորացնող հայելին: Մաշկիդ փոքր թերությունները քեզանից բացի ոչ ոք չի նկատում:

2. Չափազանց ագրեսիվորեն մաքրել
Երբ սեբումը թաղանթ է ձևավորել, ծակոտիները խցանված են, ցանկանում ես բառացիորեն պոկել դրանք մաշկից: Պետք չէ: Խոշոր մասնիկներով սկրաբները, սպիրտ պարունակող տոնիկները և փրփուրները հաճախ սպանում են մաշկի պաշտպանիչ շերտը: Արդյունքում ունենում եք ավելի շատ սեբում և սև կետեր:

3. Հրաժարվել խոնավացումից
«Իմ մաշկն առանց այդ էլ չափազանց ճարպոտ է, ի՞նչ եմ անում քսուքը»,- ասում ես դու և սխալվում ես: Ճարպոտ մաշկը ևս կարող է ջրազրկվել:  Իսկ եթե այն հագեցնես անհրաժեշտ քանակի խոնավությամբ, սեբումի արտադրությունը կքչանա:

Լավ, և ի՞նչ պետք է ես անեմ:

1. Փնտրի՛ր բաղադրության մեջ սալիցիլաթթուՍև կետիկների դեմ պայքարի առանցքային բաղադրիչներից մեկն է: Սալիցիլաթթուն մաշկի մակերեսից հիանալի հեռացնում է սեբումի ավելցուկն ու մեռած բջիջները՝ թույլ չտալով, որ դրանք խցանեն ծակոտիները: Սկսիր լվացվելու գելից և աստիճանաբար ներառիր նաև տոնիկ և քսուք. հզոր ազդեցությանը սովորելու համար մաշկին ժամանակ է անհրաժեշտ:  

2. Մաքրիր թեթև, բայց խորությամբ
Հրաշալի լվանում է, չի չորացնում, ձգվածություն չի առաջացնում, տալիս է թարմության զգացողություն. սրանք են լվացման համար կատարյալ գելի հատկանիշները: Շերտազատումն օգտակար է խնդրահարույց մաշկի համար, այդ պատճառով սկրաբն անհրաժեշտ է, սակայն այն պետք է լինի շատ փափուկ, և օգտագործել այն պետք է շաբաթը մեկ անգամից ոչ հաճախ:  Տրորել պետք չէ: Վերցրու մեծ քանակությամբ միջոց և առանց սեղմելու ձեռքերով անցիր մաշկի վրայով:  Եթե մաշկը կարմրում և զգայականություն է ցուցաբերում, փոխարինիր սկրաբը մաշկը մաքրող սարքով կամ թթուներով պիլինգով:

Եթե, չնայած քո ջանքերին, ծակոտիներն այդուհաներձ խցանվել են, ակտիվ բաղադրիչները չեն կարող մաշկ ներթափանցել: Կարևոր է հեռացնել առաջացած սև կետերը: Ինչպես հիշում ես, ձեռքերով ոչինչ չպետք է սեղմել, բայց ահա ածուխով թաղանթ-դիմակը կարելի է անել նաև տանը: Գոլորշահարի՛ր դեմքդ, տարածի՛ր դիմակն ու թո՛ղ այն, մինչև ամբոջովին ներծծվելը:
20 րոպե անց, երբ դիմակն ամբողջությամբ չորանա, զգուշությամբ բռնիր դնչի հատվածից և հանիր թաղանթը մաշկի վրայից՝ ձգելով ներքևից վերև ուղղությամբ: Աղտոտվածությունն ամբողջությամբ կմնա դիմակի վրա:

Ամեն մի թաղանթ-դիմակ չէ, որ կազատի քեզ սև կետերից: Բացի ինքնին կառուցվածքը, դրա ազդեցությունը պայմանավորված է ակտիվ բաղադրիչներով, որոնք հարթեցնում են մաշկի երանգը, հեռացնում աղտոտվածությունը: Փնտրի՛ր բաղադրության մեջ թթուներ և շերտազատող հատկությամբ վիտամիններ, ինչպես օրինակ՝ Pure Skin նորույթում:   
3. Փորձիր առողջ ապրելակերպ վարել (սա հստակ չէ)
Որոշ սննդաբաններ և մաշկաբաններ պնդում են, որ ճիշտ սնունդը և կանոնավոր կերպով սպորտով զբաղվելն օգնում են հասարակշռել նաև մաշկի վիճակը: Սննդի և սև կետերի միջև փոխադարձ կապը գիտականորեն ապացուցված չէ, սակայն մենք հավատում ենք, որ օրվա մեջ մեկ շոկոլադը դեռևս ոչ ոքի ավելի առողջ չի դարձրել (բայց ավելի երջանիկ՝ հնարավոր է): Փորձիր որոշ ժամանակով հրաժարվել ճարպոտ սննդից, տապականերից և քաղցրից,  և հետևիր մաշկիդ փոփոխություններին: Եթե դրա վիճակը բարելավվի՝ համարձակորեն շարունակի՛ր:

Ինչ փորձել

Ածխի պարունակությամբ Pure Skin մաքրող թաղանթ-դիմակը մաքրում է ծակոտիները, հեռացնում սև կետերը, նվազեցնում ճարպոտ փայլը և թարմացնում մաշկը: Առավել մանր ածխային դիմափոշին կլանում է ավելորդ սեբումը: Արքայանձորի քամվածքը պարունակում է ալֆահիդրոքսիթթուներ (АНА), որոնք օժտված են թեթև շերտազատող ազդեցությամբ, ինչպես նաև խոնավացնող բնական շաքարներ և վիտամին C, որը հզոր հակաօքսիդիչ է:  Իսկ եթե ցանկանում ես ազատվել պզուկներից, ուշադրություն դարձրու նաև Pure Skin ապրանքաշարի մյուս միջոցներին: