ԱՅՈ. խոնավացնել
Այժմ քո դիմահարդարման առաջին քայլը շուրթերի բալզամն է: Տարածի՛ր այն հաստ շերտով: Մինչ դու կանես մյուս քայլերը, այն կներծծվի և կնախապատրաստի շուրթերը:
ՈՉ. Մոռանալ շերտազատման մասին
Փայլատ շրթներկը կարող է ընդգծել ամբողջ թեփոտվածությունն ու անհարթությունները: Եթե շուրթերն անխնամ տեսք ունեն, դիմահարդարումից առաջ անպայման սկրաբ օգտագործի՛ր: Մի քիչ շաքար ավելացրո՛ւ մեղրի մեջ և նրբորեն մերսի՛ր շուրթերն այդ խառնուրդի օգնությամբ, կամ տրորի՛ր սովորական ատամի խոզանակով:
ԱՅՈ. Մտածել կերպարը
Դեմքի հարթ գույնը, գեղեցիկ հարդարած հոնքերը և թեթևակի երանգային քսուքը կազմում են նվազագույն անհրաժեշտը՝ փայլատ շուրթերի համար, որոնք կարող են ընդգծել բոլոր թերություններն ու անփույթ տեսք հաղորդել: Հստակորեն գծաներկված թավշյա շուրթերն ասես շքեղ երեկոյան զգեստ լինեն: Սովորական մազակապն ու սպորտային կոշիկները դրանց հետ տեղ չունեն:
ՈՉ. Քսել շուրթերի բալզամը շրթներկի տակից
Դասական բալզամը պարունակում է յուղեր և սնուցող բաղադրիչներ, որոնք կարող են ջրիկացնել շրթներկը: Արդյունքում՝ շերտերը կամ շրթներկից մաքրված հատվածներն ապահովված են: Բալզամի բոլոր մնացորդները պետք է հեռացնել անձեռոցիկով: Եթե ցանկանում ես պաշտպանիչ շերտ ավելացնել, օգտագործի՛ր հատուկ փրայմեր:
ԱՅՈ. Վրձնով եզրագիծ նկարել
Երբեմն փայլատ շրթներկն իսկապես վրձնի կարիք ունի, բայց իհարկե ոչ նոր The ONE Lip Sensation շրթներկը: Փորձի՛ր տարածել հենց փաթեթավորումից հանված վրձնով. Սրության շնորհիվ այն ստեղծում է հստակ եզրագիծ, եթե նույնիսկ դու ընտրել ես ամենամուգ երանգը:
ՈՉ. Տարածել շերտերով
Փայլատ շրթներկի կառուցվածքը ենթադրում է մեկ բարակ շերտ: Եթե քանակի հարցում չափն անցնես, կամ շուրթերը ներկես երկու անգամ, դրանք անբնական տեսք կստանան, կարող է նույնիսկ ճաքեր առաջանան: Ժամանակակից խելացի բանաձևերը ապահովում են հեշտ տարածում: Օրինակ, դարձյալ նույն The ONE Lip Sensation հեղուկ փայլատ շրթներկը ստեղծում է խիտ և կայուն ծածկույթ:
ԱՅՈ. սպասել, մինչև չորանա
The ONE Lip Sensation շրթներկը քսուքայինից դառնում է թավշյա: Շուրթերն իրար մի՛ քսեք, քանի դեռ շրթներկը փայլատ չի դարձել: Այդպես ծածկույթը կլինի հարթ և խիտ:
ՈՉ. Դիմահարդարումն ավարտել շրթներկով
Երանգը տարածելուց հետո ևս մի քիչ աշխատելու կարիք կլինի: Հարթ վրձնի վրա վերցրո՛ւ քողարկիչը և թեթևակի անցի՛ր շուրթերի եզրագծով: Այդպիսով այն անթերի կդարձնես: Ստորին շրթունքի կենտրոնին և վերին շրթունքի V-աձև հատվածին ավելացրո՛ւ հայլայթեր, ինչպես նաև մի փոքր մգացրո՛ւ ստորին շրթունքի ներքևի հատվածը բրոնզերի օգնությամբ՝ այդպիսով ծավալ հաղորդելով:
