1. Երբ մենք զգում ենք բույրը, դրա մոլեկուլները ներթափանցում են հիպոֆիզ: Սա մի գեղձ է ուղեղում, որը պատասխանատու է նաև հորմոնների արտադրության համար: Բույրերը կարող են փոխել հորմոնալ ֆոնը՝ արթնացնելով որոշակի զգացողություններ և մղելով գործողության: Եվ եթե որոշ բույրեր հանգստացնում են քեզ, մյուսները՝ ուրախություն պարգևում, ապա դա թվացյալ չէ: Բույրերի ազդեցությունը էմոցիոնալ վիճակի վրա գիտությունը վաղուց ապացուցել է: Բույրերի օգնությամբ կարելի է մեծացնել արտադրողականությունը, առույգանալ կամ հեշտությամբ քնի մեջ ընկղմվել: Սովորություն դարձրու մամնի համար տարբեր միջոցներ և օծանելիքներ գնելը, որպեսզի հնարավորություն ունենաս յուրաքանչյուր
տրամադրության համար բույր ընտրել:
2. Ծաղկապատ մարգագետին, թե՞ արհեստանոց, շոկոլադ, թե՞ աղի կարամել: Ընկերուհուդ հետ կարող ես ժամերով վիճել, թե ինչ բույր ունի նրա նոր օծանելիքը, և դա բնական է: Աշխարհում չկա գեթ երկու մարդ, որոնք նույն կերպ են ընկալում բույրերը: Յուրաքանչյուրն ունի իր «կույր հատվածները»՝ ձեր ուղեղը «չակերտներից դուրս» է հանում որոշ նոտաներ, և բույրի կոմպոզիցիան բոլորովին այլ կերպ է ընկալվում, քան ձեր մոր կամ հարևանի մոտ:
3. Օծանելիքի արտադրության մեջ կա մի ամբողջական ուղղություն, որը զբաղվում է խանութների, օդանավակայանների, հիվանդանոցների ու գրասենյակների համար բույրերի մշակմամբ: Եթերային յուղերի ճիշտ համատեղումը օգնում է մի քանի անգամ մեծացնել աշխատողների ուշադրության կենտրոնացումը, կամ դրդում գնումներ կատարելուն:
4. Յուրաքանչյուր մարդ ունի շուրջ 10 միլիոն հոտառական ռեցեպտոր, որոնք ընդունակ են տարբերել մի քանի տրիլիոն բույր, և բոլոր այդ բույրերն ազդում են մեզ վրա, եթե անգամ ընկալման մակարդակում մենք տարբերություն ենք զգում: Հակառակ կարծրատիպերին՝ պարֆյումերները գերհոտառություն չունեն, ընդամենը մարզել են իրենց հոտառությունը և երկար տարիներ աշխատել ու տնտղել իրենց ուղեղում ամփոփված «բույրերի գրադարանը»:
5. Հոտառությունը մյուս զգայական օրգաններից ավելի արագ է ազդակներ ուղարկում ուղեղին: Բույրերը մենք զգում ենք կես վայրկյան ավելի արագ, քան լսում ենք ձայնը: Մեզ միայն թվում է, որ առաջին ճիշտ տպավորության գաղտնիքը վստահ խոսքն է, ոճային հագուստը կամ ժպիտը: Սկզբում զրուցակիցը հենց բույրն է գնահատում:
6. Մարդու բնական հոտը փոխվում է՝ կախված այն զգացմունքներից, որոնք նա ապրում է: Վախ, հաճույք, երջանկություն, լարվածություն... Այս բոլոր զգացմունքները կարելի է փոխանցել դիմացինին՝ ընդամենը գրկելով նրան:
7. Հարբուխի ժամանակ սնունդը հաճախ անհամ է թվում, այնպես չէ՞: Բանն այն է, որ հոտառությունը մոտ 80 տոկոսով արձագանքում է համի զգացողությանը: Մենք գրեթե չենք զգում սննդի համն ու հոտը և այն ընկալում ենք միայն կառուցվածքով:
