ՄԻ ՔԻՉ ՊԱՏՄՈՒԹՅՈՒՆԻՑ
Ուդը հիշատակվում է Ղուրանում և Հին Կտակարանում, Սինդբադի մասին հեքիաթում և Այուրվեդայի բաղադրատոմսերում: Բուդդիստներն օգտագործում էին այս բույրը մեդիտացիաների համար, Չինաստանում ուդը բուժիչ միջոց էր համարվում մի շարք հիվանդությունների համար, իսկ արաբական աշխարհում ուդը մշտապես եղել է առատության և բարեկեցության խորհրդանիշ (հենց այդ պատճառով այն հաճախ տղամարդիկ էին կրում): Մինչև 2000-ական թվականները փայտե-բալզամային նոտաներով պարֆյումն ավելի շատ դեղորայք էր հիշեցնում, քան օծանելիք: 2002 թվականին Թոմ Ֆորդը, որն այդ ժամանակ աշխատում էր Yves Saint Laurent-ում, թողարկեց առաջին կոմերցիոն ուդային M7-ը: Սակայն շուկայում, որտեղ հիմնականում գերիշխում էին ծաղկային բույրերը, այս հնարքը միանգամայն տարօրինակ թվաց, և թողարկումը ձախողվեց: Ֆորդը կրկնեց փորձը 2007 թվականին՝ ավելի պարզեցնելով կոմպոզիցիան: Միևնույն տարում Պիեր Պոնտալը, որն աշխատում էր շեյխերի անհատական պատվերների վրա, որոշեց թողարկել նմանատիպ բույր, սակայն հասարակության ավելի լայն շերտերի համար: Արդյունքը՝ ցնցող հաջողություն, պաշտամունքային ստատուս և ավելի շատ վաճառքներ: 2017-ին ուդային բույրերը նորից նորաձև դարձան:
ԻՆՉՊԵՍ ԵՆ ՍՏԱՆՈՒՄ ՈՒԴԸ
Ուդային փայտը ստանում են ագարի ծառից (Aquilaria), որն աճում է Ասիայի հարավ-արևմուտքում: Արժեքավոր յուղը ստացվում է, երբ ծառը գրոհում է Phaeoacremonium parasitica սունկը (դա հաճախ չի պատահում): Հիվանդացած ծառն արտադրում է հատուկ խեժ: Վարակի դեմ պայքարելու համար ներսից բունը թրջվում է խիտ, մուգ, բուրավետ խեժով. պրոցեսը տևում է ավելի քան 60 տարի, իսկ 20 կգ փայտից ստացվում է ընդամենը 12 մլ թանկարժեք յուղ: Բացի այդ, արդյունքը կախված է տարվա եղանակից, ծառի աճելու վայրից և յուղի արտադրման որակից: Այն ստանում են հիդրոթորման, շոգեթորման կամ ածխաթթու գազով լուծազատման միջոցով: Արդյունքում՝ ստացվում է տաք և հաճելի փայտե բույր:
Ի՞ՆՉ ԱՐԺԵ
Ուդը միակ բաղադրիչն է, որը միշտ ներկայացվում է պարֆյումի անվանման մեջ: Այն ստանում են արգանի ծառից, որի արժեքը՝ ըստ International Journal of Pharmaceutical and Life Sciences ամսագրի տվյալների, հասնում է 30 հազար դոլարի՝ մեկ լիտրի համար: Իսկական շքեղություն:
ԻՆՉՈ՞Ւ Է ՈՒԴՆ ԱՅԴՔԱՆ ՀԱՅՏՆԻ
«Ուդը զարմանալիորեն բացառիկ բաղադրիչ է»,- պատմում է Չանդլեր Բերրը՝ Նյու-Յորք Թայմսի նախկին պարֆյումերային քննադատը: «Այն կայսր է պարֆյումերային նոտաների շարքում. նման համադրություն չկա ոչ մի այլ բաղադրիչում»: Կենդանական և կտրուկ, խորը, բազմակողմ և ձգող. ուդի հնչողությունը կախված է կոմպոզիցիայի մյուս բաղադրիչներից:
ORIFLAME-Ն ՈՒՆԻ՞ ՈՒԴԱՅԻՆ ԲՈՒՅՐԵՐ
Այո՛: Նույնիսկ երկուսը. տաք և հանելուկային Mysterial Oud՝ կանանց ու անզիջում և յուրատիպ Intense Oud՝ տղամարդկանց համար: Women’s & Men’s Collection շարքի նոր բույրերի սրտում ուդային ծառի թանկարժեք նոտան է: Կանացի կոմպոզիցիայում այն եզերում են վարդի յուղը, մեխակն ու զաֆրանը, տղամարդու կոմպոզիցիայում՝ թուրինջը, վետիվերն ու պալիսանդրը: Ի դեպ, ուդը յունիսեքս բաղադրիչ է, այն հարմար է և՛ տղամարդկանց, և՛ կանանց համար: Ուստի թող կարծրատիպերը չսահմանափակեն քո տրամադրությունը:
