Տարատեսակ կազմության եղունգներ
Եղունգների խնամքի արվեստն արդեն վաղուց չի սահմանափակվում միայն գունային վարիացիաներով: Սեզոնի հիթը տարատեսակ կազմությունն է: Նմանատիպ լաքերն ունեն խիտ և ոչ միասեռ կազմություն, իսկ դա նշանակում է, որ բավական է տարածել լաքի երկու շերտ և մանիկյուրը պատրաստ է: Այս լաքերի հետ լավագույնս համադրվում են չեզոք, ոչ ճչացող մատանիներն ու ապարանջանները՝ նրբագեղ մատնահարդարումն ընդգծելու համար:
Փայլող եղունգներին նոր այլընտրանք՝ մանիկյուր փայլատ արդյունքով: Այս միտումը կատարյալ է աչքի ընկնող խոշոր զարդերի և աքսեսուարների հետ: Փայլատ մակերեսը ցանկացած մանիկյուրին կհաղորդի նորաձև, թավշե արդյունք:
Հակառակ ֆրանսիական մանիկյուր
Ո՞վ է ասել, որ ֆրանսիական մանիկյուրն իրենից ներկայացնում է եղունգների ծայրերն ընդգծված հարդարում: Կոտրում ենք ստերեոտիպերը: Նայիր իրականությանը հակառակ կողմից և ընդգծիր կիսամսի տեսքով եղունգի վերևի հատվածը՝ կուտիկուլի մոտ: Արդեն սովորական դարձած թափանցիկ և սպիտակ համադրությունը փոխարինիր ավելի վառ զույգերով, օրինակ՝ կարմիր և սև, սալորագույն և վարդագույն:
Մետալիկ
Հիանալի տարբերակ ամենավառ երեկույթների համար: Այն, անկասկած, կգրավի շրջապատող մարդկանց հայացքները: Այս սեզոնի ամենանորաձև երանգներն են արծաթագույնը, ոսկեգույնը և քրոմը:
Չեզոք և սպիտակ
Չեզոք, և միևնույն ժամանակ, ընդգծված նրբագեղ արդյունք կօգնեն ստանալ մաշկագույն, սրճագույն կամ սպիտակ երանգները: Համաշխարհային նորաձևության հարթակներն ապացուցում են, որ մինիմալիզմն արդիական է: Անկախ այն բանից, թե ինչպիսին է լինելու քո ընտրությունը՝ փայլուն, թե փայլատ երանգ, խնամված եղունգները միշտ կարևոր են: Չէ՞ որ բաց երանգներն ընդգծում են բոլոր թերությունները:
Օմբրե
Օմբրե տեխնիկան ապրում է իր զարթոնքը: Բոլոր հնարավոր համադրություններից մենք նախապատվությունը տալիս ենք կարամելագույն կամ պաստելային երանգներին: Դու կարող ես փորձել այս տեխնիկան՝ օգտվելով մեր քայլ առ քայլ ուղեցույցից:
