Աշնանն աչքերը հարդարելու 4 գլխավոր միտումները

Այս սեզոնին աչքերի հարդարումն ունի իր հատուկ դերը: Արդեն երկար ժամանակ այն զբաղեցնում է երկրորդ ջութակի դերը: Ժամանակն է, վերջապես, հայտնվել ուշադրության կենտրոնում: Ահա այսպիսի միտումներ են մեզ առաջարկում նորաձևության հարթակները:

Գծանկարչություն

Այս աշնանը դիզայներներն իրենց համակրանքն են ուղղում համաշխարհային բարձր արվեստին: Ոգեշնչվի՛ր Rochas, Proenza Schouler և Fendi ապրանքանիշերի ցուցադրություններից և ստեղծիր խիզախ երկրաչափական հարդարում թե՛ վերին, թե՛ ստորին կոպերին: Այս միտումը թուլամորթների համար չէ: Քեզ անհրաժեշտ է հեղուկ գծաներկ կոնաձև եզրով, ինչը հնարավորություն կտա միջոցը տարածել առավել հստակ: 

Նուրբ և ամպոտ

Աչքերի ռոմանտիկ, մուգ դիմահարդարումը պահանջում է անթերի տեխնիկա: Etro-ի ցուցադրությանը մոդելների կոպերի ներքին հատվածն ընդգծված էր սև մատիտով: Սա մոխրագույն երանգներով ստվերաներկը դարձնում էր ավելի արտահայտիչ: Pascal Millet-ի մոտ սմոքի այզը սև-արծաթագույն երանգներով էր: Տպավորություն էր, որ դիմահարդարումը չի դիմացել կրքոտ հայացքներին և փոքր-ինչ ծորել է, սակայն ուղիղ այնքան, որքան անհրաժեշտ էր դիմահարդարին: Դու կարող ես փորձել ստանալ սմոքի այզ՝ հետևելով մեր քայլ առ քայլ ուղեցույցին


Փայլող կոպեր

Մետալիկը՝ լինի դա ոսկեգույն, բրոնզագույն կամ արծաթագույն, սեզոնի բացարձակ must have է: Օգտագործիր մատիտ-ստվերաներկեր (օրինակ՝ Կայուն մատիտ-ստվերաներկեր The One Colour Unlimited) և թող քեզ ոգեշնչի Delpozo և Nicholas K ցուցադրություններում մոդելների կոպերի լույսի ու ստվերի խաղը: Այս դիմահարդարման դեպքում թարթիչները պետք է թողնել իրենց բնական տեսքով: Այսպես արդյունքը կլինի ավելի տպավորիչ:


Նոր պոչիկներ

Այս աշնանը պոչիկները պետք է լինեն նկատելի՝ լայն գծեր և երկար ու ընդգծված ծայրեր: Chanel-ի և Paco Rabanne-ի մոտ պոչիկները համադրված էին անթերի, խնամված հոնքերի և դեմքի կատարյալ երանգի հետ: Փորձիր տիրապետել գծանկարչական պոչիկների տեխնիկային՝ հետևելով մեր քայլ առ քայլ ուղեցույցին:


Տեքստ Ֆոտո Getty images

Գնել

Նմանատիպ հոդվածներ