Որքա՞ն հաճախ պետք է օգտագործել սկրաբներ և ինչո՞ւ:
Սկրաբն օգնում է ազատվել մահացած բջիջներից և մաքրում է ծակոտիները՝ կանխարգելելով գրգռվածությունների առաջացումը: Այն բարելավում է արյան շրջանառությունը՝ այդպիսով օգնելով, որ մաշկը փայլուն և առողջ տեսք ունենա: Սկրաբով մաքրումը պետք է իրականացնել շրջանաձև շարժումներով ներքևից վերև, շատ նուրբ, որպեսզի չվնասեք մաշկը: Մենք խորհուրդ ենք տալիս օգտագործել սկրաբ շաբաթը երկու անգամից ոչ ավելի, բայց ամեն դեպքում ստուգեք կոնկրետ ապրանքի վերաբերյալ խորհուրդները:
Ինչպե՞ս կանխարգելել գունակային լաքաները:
Որպեսզի մաշկը հարթ լինի ու դրա վրա չառաջանան գունակային լաքաներ, միշտ օգտագործեք SPF գործոններ պարունակող միջոցներ, ինչպես նաև Վիտամին E պարունակող քսուքներ:
Ինչո՞ւ է պետք օգտագործել շիճուկներ:
Շիճուկները ջրի հիման վրա ստեղծված թեթև միջոցներ են, որոնց բաղադրության մեջ մտնում են մաշկի համար անհրաժեշտ ակտիվ բաղադրիչների մեծ քանակություն: Այս բաղադրիչներն ուժեղացնում են խոնավացնող միջոցների ազդեցությունը, այդ պատճառով շիճուկները պետք է օգտագործել ցերեկային և գիշերային քսուքներից առաջ:
Արդյո՞ք ինձ անհրաժեշտ են գիշերային և ցերեկային քսուքներ:
Իհարկե, ի վերջո ընտրությունը դու պետք է կատարես, բայց որպեսզի խոնավացնող միջոցներից ստանաս առավել մեծ արդյունք, քեզ անհրաժեշտ են երկու քսուքն էլ՝ և՛ ցերեկային, և՛ գիշերային: Դրանք հատուկ մշակված են քո մաշկի բնական ցիկլի համապատասխանությամբ: Ցերեկը մաշկը ենթարկվում է սթրեսի արևի ճառագայթների ու աղտոտված շրջակա միջավայրի ազդեցության, ինչպես նաև դիմահարդարման հետևանքով: Եվ ցերեկային քսուքի հիմնական նշանակությունը պաշտպանությունն է: Մինչդեռ գիշերը հանգստի ու վերականգնման ժամանակահատված է, և գիշերային քսուքը հենց այդ նպատակին է ծառայում:
Որքա՞ն կարևոր է օգտագործել նույն շարքի ապրանքներ:
Քո մաշկի տիպի, դրա կարիքների ու հնարավոր խնդիրների իմացությունն է ամենակարևոր նախապայմանը: Միայն այս տեղեկության վրա հիմնվելով պետք է ընտրել խնամքի միջոցներ: Պարտադիր չէ օգտագործել նույն շարքի միջոցներ՝ չնայած մենք խորհուրդ ենք տալիս հավատարիմ մնալ այս օրենքին: Պատճառը պարզ է՝ մի շարքի ապրանքները ստեղծված են միմյանց ազդեցությունը լրացնելու և առավելագույն արդյունք ապահովելու համար:
Ե՞րբ է պետք սկսել օգտագործել հակատարիքային միջոցներ:
Հիմնականում, կնճիռների առաջացման պատճառը արևի ճառագայթների ազդեցությունն է, այդ պատճառով պետք է սկսել օգտագործել հակատարիքային միջոցներ, ինչպես նաև ուլտրամանուշակագույն ճառագայթներից պաշտպանող միջոցներ արդեն վաղ տարիքում: Մաշկի ճիշտ և մշտական խոնավացումը կկրճատի դիմախաղից առաջացող կնճիռների ի հայտ գալը, իսկ հետագայում՝ նաև ավելի խորը կնճիռների: 25 տարեկանը կատարյալ ժամանակահատված է սկսելու օգտագործել հակատարիքային միջոցներ, բայց կարևոր է հիշել, որ ամենակարևորը քո մաշկի տիպին համապատասխան ապրանքներ ընտրելն է: Եվ մի՛ մոռացիր կոպերի շուրջ խնամքի քսուքի մասին, քանի որ այս հատվածի մաշկն ունի իր առանձնահատկությունները, ինչի հետևանքով առաջին տարիքային փոփոխություններն առաջանում են հենց այս հատվածում:
