Դիմահարդարման հիմունքներ․ հակիրճ ուղեցույց

ՀԻՄՔՆ ԸՆՏՐՈՒՄ ԵՆՔ՝ ՀԱՄԱՁԱՅՆ ՔՈ ՄԱՇԿԻ ՏԻՊԻ

Այն, թե որքան խիտ և համաչափ «կնստի» դիմահարդարման հիմքը, կախված է քո մաշկի տիպից։ Այդ պատճառով քեզ առաջնահերթ անհրաժեշտ է պարզել քո մաշկի տիպը՝ նախքան երանգային հիմքը գնելը։

Յուղոտ մաշկ ունենալու դեպքում քեզ անհրաժեշտ է նախապատվությունը տալ փայլատող արդյունք հաղորդող հիմքերին, իսկ բաղադրակազմը կլինի միջինից մինչև ամբողջ։ Անցանկալի յուղից ազատվել քեզ կօգնի ճիշտ խոնավացումը, որը չի խթանի հավելյալ սեբումի արտադրությունը։

Չոր մաշկ

Չոր մաշկը հաճելիորեն կհանգստացնի խոնավացնող հեղուկ-հիմքը՝ծածկի թեթև աստիճանով։ Այն տարածելուց առաջ օգտագործիր նուրբ շերտազատող միջոց։

Նորմալ մաշկ

Եթե դու դասվում ես այն երջանիկների թվին, ում բախտ է վիճակվել ծնվել մաշկի նորմալ տիպով, ապա կարող ես ընտրել ցանկացած խտությամբ երանգային հիմք։ Փորձիր թեթև, թափանցիկ հիմք, կամ անգամ ВВ կամ СС քսուք, որից առաջ անհրաժեշտ է տարածել մաշկին փայլ հաղորդող շիճուկ՝ մաշկին թարմ երանգ հաղորդելու համար։

Ծերացող մաշկ

Ծանր հիմքերը կամ հիմք-դիմափոշիները կարող են կուտակվել կնճիռներում՝ տեսողաբար ավելացնելով քո իրական տարիքին ևս մի քանիսը։ Դրանց փոխարեն ընտրիր հակաօքսիդիչներով հարստացված երանգային հիմքեր, որոնք կխնամեն քո մաշկը։ Քեզ համար հարմար կլինեն նաև դեմքի երանգը հարթացնող խոնավացնող միջոցները։

Տարածում ենք ճիշտ. 3 խորհուրդ առօրյայի համար

1. Միշտ հիմքը տարածիր լավ խոնավացված մաշկին։ Եթե օգտագործում ես առանց SPF-ի հիմք, մի՛ մոռացիր դրանից առաջ տարածել նաև արևապաշտպան միջոցի շերտ։

2. Հիմքը կարելի է տարածել երեքից մի միջոցով։ Մատներով․ այս դեպքում տարածիր ոչ թե տրորերով, այլ, կարծես, միջոցը մաշկի մեջ ներս սեղմելով։ Սպունգի օգնությամբ․ թեթև, կետային ափահարող շարժումներով։ Վրձնով․ փոքրիկ շրջանաձև շարժումներով։

3. Հիմքը սկսիր տարածել քթի շուրջ հատվածից, քանի որ հենց այս հատվածում է ամենից շատ նկատվում կարմրածություն։ Աչքերի շուրջ հատվածի համար օգտվիր հատուկ թեթև բանաձևերից, քանի որ այս հատվածի մաշկը շատ նուրբ է։ Իսկ ամենակարևորը․ միշտ-միշտ շատ մանրակրկիտ մշակիր հիմքը այտոսկրերի գծի երկարությամբ։