Լանջաբացվածքն այլևս տարիքդ չի մատնի

Առօրյայում մենք հազվադեպ ենք մտածում լանջաբացվածքի մաշկի հատուկ խնամքի մասին: Սակայն բավական է Նոր տարվա համար ընտրել բացվածքով շքեղ զգեստ և հայելու մեջ անմիջապես տեսնում ենք մանր կնճիռներ, խամրած գույնի մաշկ, տոնուսի կորուստ: Պե՞տք է արդյոք ծածկել լանջաբացվածքը զարդերով ու հագուստով, թե՞ արժե խնամել այն ու փայլել: Մենք քվեարկում ենք երկրորդ տարբերակի օգտին և պատմում ենք, թե ինչպես անել դա:

Լանջաբացվածքի հատվածը, բնական առանձնահատկությունների պատճառով, շատ արագ է կորցնում ձգությունը:  Մաշկն արագ թոշնում է՝ ձգողականության ազդեցության տակ,  քանի որ այդ մաշկը միայն մեկ մկան է պահում՝ պարանոցի ենթամաշկային մկանը: Բացի այդ, այստեղ ճարպագեղձեր գրեթե չկան: Հղիությունը, կրծքով կերակրումը, հորմոնալ և քաշային տատանումները կարող են վատթարացնել մաշկի վիճակը:

Հնարավոր է՝ դու արդեն խնամքի միջոց ես օգտագործում դեմքի, պարանոցի և լանջաբացվածքի համար: Գերազանց է: Սակայն սովորական քսուքներն այս գործում բավարար չեն: Անհրաժեշտ է հատուկ միջոց, որը կարող է բավարարել այդ հատվածի պահանջմունքները, մաշկին հաղորդել պրկություն՝ միաժամանակ չվնասելով այս հատվածի նուրբ, զգայուն մաշկը:  

Մենք կազմել ենք ստուգման թերթիկ, որը կօգնի լանջաբացվածքի հատվածը նախապատրաստել տոնական երեկույթներին: Սկսի՛ր արդեն հիմա, փոփոխություններ արձանագրիր և փայլիր:

ՇԱԲԱԹԸ ՄԵԿ ԱՆԳԱՄ

Շերտազատում
Ժամանակ առ ժամանակ պարտադիր կերպով օգտագործի՛ր փափուկ սկրաբ կամ պիլինգ, որպեսզի հեռացնես մեռած բջիջները և օգնես, որ ակտիվ բաղադրիչները ներթափանցեն մաշկի խորը շերտեր:   

Ինքնամերսում
Մեծացնում է մաշկի տոնուսը և ուժգնացնում խնամող միջոցների ազդեցությունը:  Մերսիր լանջաբացվածքի հատվածը թեթև, կլորավուն և պարույրաձև շարժումներով՝ ներքևից վերև ուղղությամբ: 

ԱՄԵՆ ՕՐ

Վարժություններ
Փորձի՛ր ամենաարդյունավետ վարժություններից մեկը, որը կօգնի լանջաբացվածքի մաշկին տոնուս հաղորդել: Այս վարժությունը կարելի է անել նույնիսկ աշխատանքային սեղանի շուրջ: Պարզապես միացրո՛ւ ձեռքերիդ ափերը՝ պահելով քո դիմաց, կրծքի հետ նույն հարթության վրա, և արմունկները տարածիր երկու կողմ: Սեղմի՛ր ափերը մեկը մյուսին և պահի՛ր այդ դիրքում մի քանի վայրկյան: Կրկնի՛ր ոչ պակաս, քան տասն անգամ:

Տաք և սառը ցնցուղ
Գերազանց ամրացնում է մաշկն ու արագացնում արյան շրջանառությունը: Սկսի՛ր ջրի ջերմաստիճանի ոչ մեծ տատանումներից և հատուկ ուշադրություն դարձրու լանջաբացվածքի հատվածին: Ուղղի՛ր դրա վրա ոչ մեծ ուժգնությամբ հոսող ջրի շիթը, մերսի՛ր կլորավուն շարժումներով:

Պաշտպանություն արևից
Լանջաբացվածքի մաշկը շատ բարակ և զգայուն է, դա է պատճառը, որ այն առավել շատ է հակված ֆոտոծերացման: Աշխատի՛ր խուսափել չափազանց բաց զգեստներից շոգ եղանակին և մի՛ մոռացիր SPF պարունակող քսուք օգտագործել:

Հատուկ խնամք
Օգտագործի՛ր պարանոցի և լանջաբացվածքի համար NovAge խտացված քսուքը՝ որպես խնամքի եզրափակիչ փուլ: Տարածի՛ր մերսող շարժումներով՝ ներքևից դեպի վերև ուղղությամբ: Քսուքի կազմում ներառված PRO-LASTIN տեխնոլոգիան խթանում է էնզիմի արտադրությունը, որը պատասխանատու է մաշկի բջիջներում էլաստինի սինթեզման համար, իսկ վերջինն, իր հերթին, պայքարում է կնճիռների դեմ: Արդյունքը կնկատես արդեն չորս շաբաթ անց:

Տեքստ Ֆոտո Oriflame