Սթրոբինգ․ նոր ուրվագծում

2014 թ. ամենանորաձև դիմահարդարումը ուրվագծումն էր։ 2015 թ. դրան փոխարինում է սթրոբինգը։ Եթե դու դեռ չգիտես՝ դա ի՞նչ է, կարդա՛ մեր հոդվածը՝ նորաձև միտումներից հետ չմնալու համար։

Ի՞ՆՉ Է ՍԹՐՈԲԻՆԳԸ

Կարճ ասած՝ ուրվագծման ժամանակ մենք դեմքն ընդգծում էինք ստվերաներկերի և բրոնզերի օգնությամբ, իսկ սթրոբինգի ժամանակ նույն արդյունքին մենք հասնում ենք որոշ հատվածներ ավելի գունաբացելով։ Սթրոբինգի տեխնիկան դեմքին գունաբացող և լուսարձակող միջոցների որոշ քանակություն տարածելն է, սա օգնում է ստանալ լուսարձակող, փայլող մաշկ։ Սա իսկապես նոր խոսք է դիմահարդարման մեջ։

ԻՆՉՊԵ՞Ս ԱՅՆ ՍՏԱՆԱԼ

Սթրոբինգի տեխնիկայում ամենագրավիչը դրա պարզությունն է։ Սկզբում դեմքին տարածիր խոնավացնող դիմահարդարման հիմք։ Մարգարտե քողարկիչով ընդգծիր դեմքի այն հատվածները, որոնք արևի տակ բնական կերպով փոխում են իրենց երանգը՝ հոնքերի, այտոսկրերի երկարությամբ, քթարմատի մոտ, վերին շուրթին մոտ և կզակի արտահայտվող հատվածներում։


ԻՆՉՊԻՍԻ՞ ՔՈՂԱՐԿԻՉ Է ՊԵՏՔ ՕԳՏԱԳՈՐԾԵԼ

Քեզ անհրաժեշտ է մարգարտե երանգով քողարկիչ, որն ավելի շատ արտացոլում է լույսը, քան փայլում։ Արդյունքը պետք է լինի թարմ ու առողջ փայլող, շողացող մաշկը։ Խուսափե՛ք դիսկո գնդի նմանվելուց։ Ամենից հարմար են մետալիկ-կրեմագույն երանգները։ Բաց մաշկ ունենալու դեպքում՝ ընտրեք վարդագույն երանգով քողարկիչ։ Դեղնականաչ և մուգ մաշկ ունենալու դեպքում հարմար է ոսկեգույնը։ Որպես օրինակ կարող են ծառայել Ջենիֆեր Լոպեսը և Ջիջի Հադիդը։ Եթե ունես յուղոտ մաշկ և խուսափում ես ավելորդ փայլից, քեզ կօգնի դիմափոշի-քողարկիչը, որը չի խցանում ծակոտիները։

Տեքստ Ֆոտո Shutterstock