Գույներ ավելացրու՝ մատիտով արված նորաձև պոչիկներ

Դասական տարբերակը չի նշանակում, թե դժվար է կամ ձանձրալի: Ես THE ONE ապրանքատեսակի վիզաժիշտ Գալինա Իլյինան եմ և կսովորեցնեմ քեզ հեշտ և արագ նկարել վառ պոչիկներ՝ հասարակ մատիտի օգնությամբ: Կարդա՛ հոդվածն ու հետևի՛ր իմ քայլերին:

Ճիշտ ընտրված մատիտը հաջողության կեսն է դիմահարդարման մեջ: Քեզ անհրաժեշտ է քսուքային, կայուն, օգտագործման համար հարմար, գիծը պահպանող և հագեցած գույնով մատիտ, որը նաև երկար կպահպանվի: Ինձ շատ է դուր գալիս նոր THE ONE High Impact մատիտ-գծաներկը. գույների մեծ ընտրությունը կօգնի ընդգծել հենց քո աչքերի գեղեցկությունը:
Կրկնակի պոչիկները կերպարիդ հուզականություն կավելացնեն և հայացքն ավելի բաց կդարձնեն: Սա հիմնականում երեկոյան տարբերակ է՝ հատուկ դեպքերի համար, այնինչ գործնական հանդիպման ժամանակ, օրինակ, պետք է ավելի զուսպ կերպար ընտրել:

Քայլ 1. նախապատրատում
Աչքերի վառ, գրաֆիկական դիմահարդարումը պահանջում է հարթ երանգ, ընդգծված հոնքեր և նյուդ գույնի շուրթեր: Ուշադրության կենտրոնում միայն աչքերն են: Կոպերին լավ շերտով քողարկող միջոց տարածիր՝ մազանոթները թաքցնելու, երանգը հավասարեցնելու և դիմահարդարումն ավելի կոկիկ դարձնելու համար: Քանի որ մատիտը կայուն է, իսկ ստվերաներկ չենք օգտագործելու, ապա կարելի է նաև հրաժարվել փրայմերից: Ամրապնդի՛ր քողարկող միջոցը դիմոփոշիով և դիմահարդարման հիմքը պատրաստ է 



Քայլ 2. սլաք վերևի կոպի վրա
Վերցրո՛ւ սև մատիտը և բարակ գիծ անցկացրու կոպի վերևի հատվածով. սա հաջորդ սլաքի հիմքն է: Այնուհետ հաստացրո՛ւ գիծն  անհրաժեշտ հատվածներում. այն պետք է հավասարաչափ ձգվի աչքի արտաքին անկյունակից մինչ աչքի ներսի անկյունակը: Ավելացրո՛ւ սլաքի պոչիկը և մի՛ վախեցիր այն մեծացնել. այդպես ավելի տպավորիչ կստացվի:


Քայլ 3. սլաք ներքևի կոպի վրա
Այժմ անցնենք ամենահետաքրքիր հատվածին: Պոչիկների գույները կարելի է համադրել՝ ըստ ցանկության, բայց միշտ հաղթող տարբերակ է համարվում սևի և որևէ հագեցած վառ գույնի համադրությունը, որը հարմար է բոլորին:  Որպես հավելյալ գույն կարելի է ընտրել որևէ հակադրող գույն, որը շահեկանորեն կըդգծի աչքերը:

Ես ցույց կտամ սեզոնի ամենաթրենդային երանգով դիմահարդարումը, որն արդեն տեսել ես Oriflame-ի կատալոգի էջերում: Վերցնում ենք կապույտ գույնն ու  սլաքի հիմքից գիծ ենք անցկացնում մինչ ակնաբիբըԳիծը չպետք է հասնի ակնաբիբի այն հատվածին, որը մոտ է աչքի ներքին անկյունակին.  ներքևի կոպի վրա չափից շատ երկար գիծը կարող է տեսողականորեն փոքրացնել աչքն ու կոտրել բաց հայացքի տպավորությունը:




Քայլ 4. թարթիչներ
Ավարտի՛ր դիմահարդարումը սիրելի սևաներկով և օգտագործի՛ր այն մի քանի շերտով. թարթիչները պետք է լինեն խիտ և հաստ: Ես ընտրել եմ THE ONE 5-ը 1-ում բազմաֆունկցիոնալ սևաներկը, որի վրձնակը երկկողմանի է.  պատահական չէ, որ վրձնակի մազիկների երկարությունը տարբեր չափսերի է: Սկզբում ներկի՛ր թարթիչների արմատները, այնուհետ վրձնակի կարճ մազիկների հատվածով  ծավալ  հաղորդիր թարթիչներին: Այժմ վրձնակի երկար մազիկների կողմով տարածի՛ր սևաները՝ պտտեցնելով և առանձնացնելով: 

Ահա այն բոլոր ապրանքատեսակները, որ անհրաժեշտ են դիմահարդարաման համար:  Փորձի՛ր այս կերպարը և կիսվի՛ր Ինստագրամում #ինձնիցքեզխորհուրդ հեշթեգով: Դիտի՛ր ավելի շատ օգտակար տեսանյութեր Oriflame-ի գեղեցկության դպրոցում:

Տեքստ Ֆոտո Oriflame