Ի՞նչ եք փնտրել համացանցում անցած տարվա ընթացքում

1. Ինչպես ստանալ Քայլի Ջեների շուրթեր
Դու, իհարկե, հիշո՞ւմ ես՝ ինչպես էին բոլորովին վերջերս ամբողջ աշխարհի դեռահասները շուրթերին հավելյալ ծավալ հաղորդում  փոքրիկ ապակե բաժակով։ Հուսով ենք, որ դու շրջանցել ես այդ ալիքը։ Սա արյունազեղումների և շուրթերի սկզբնական ձևի կորստի ուղին է։ Լիովին այլ բան է դիմահարդարման օգնությամբ շուրթերի մեծացումը։ Մենք ցույց կտանք՝ ինչպես։

2. Ի՞նչ նյութ է օգտագործվում շուրթերը մեծացնելու համար
Որպես շուրթերի ծավալը մեծացնող նյութ՝ օգտագործվում է կոլագեն կամ հիլաուրոնային թթու (թե՛ մեկը, թե՛ մյուսը բնական բաղադրիչներ են և արտադրվում են մարդու օրգանիզմում)։ Պրեպարատները ներարկվում են շուրթերի մեջ։ Արդյունքը նկատելի է արդեն 15 րոպե անց։ Այսպես  շուրթերի ձևը պահպանվում է մինչև կես տարի։ Ինչպես և այլ կոսմետիկական պրոցեդուրաները, այս նյութերի օգտագործումը անվտանգ չէ և կարող է առաջացնել հեմատոմա, այտուցվածություն և բծեր։

3. Ինչպե՞ս հեռացնել եղունգների գել-լաքը
Սկզբում խարտոցով անցիր եղունգների մակերեսի վրայով՝ մակերեսի ամբողջականությունը խախտելու համար։ Այնուհետև բամբակե սկավառակները թրջի՛ր եղունգների լաքը մաքրող միջոցով և ամրացրու եղունգներին փայլաթիթեղի շերտերի օգնությամբ։ Թող 30 րոպե, այնուհետև հանիր։ Լաքի մնացորդները պետք է հեշտությամբ հեռացվեն նարնջի փայտիկների օգնութամբ։ Մի՛ մոռացիր վերջում տարածել քսուք կուտիկուլների համար։

4. Ինչպե՞ս հեռացնել ակրիլե լաքը տնային պայմաններում
Սկզբում ացետոնի օգնությամբ հեռացրու լաքը, այնուհետև կտրի՛ր ակրիլե եղունգները քո բնական եղունգների սահմանագծում։ Խարտոցով անցի՛ր եղունգների մակերեսով։ Ձեռքերը 15 րոպե թող եղունգների լաքը մաքրող միջոցի մեջ։ Բամբակե սկավառակով հեռացրու ակրիլե եղունգների մնացորդները։ Լվա՛ ձեռքերդ և օգտագործիր եղունգների խնամքի միջոցներ, այնուհետև՝ ձեռքերի խոնավացնող քսուք։ 

«Բամբակե փայտիկի վրա վերցրու սալիցիլաթթու պարունակող միջոց և տարածիր բշտիկին ու այն շրջապատող մաշկին...»
5. Ինչպե՞ս օգտագործել մորուքի բալզամը
Սկզբում անհրաժեշտ է լվանալ մորուքը։ Վերցնել միջոցի քիչ քանակություն (փոքր մետաղադրամի չափով) տարածել ափերին և որից հետո հավասարաչափ տարածել մորուքին։ 

6. Ինչպե՞ս ստանալ ֆրանսիական հյուսք
a) Մազերի աճի սահմանագծից վերցրու փոքրիկ մազափունջ
b) Մազափունջը բաժանիր երեք հատվածի և սկսիր հյուսել՝ աջից տանելով դեպի կենտրոնական հատված, որից հետո ձախից տանել կենտրոնական հատված։
c) Երբ հյուսես մինչև ականջների հատված, գլխի կողքերից  (աջ հատվածից) հավաքի՛ր մազերը և հյուսիր հյուսքի մեջ։  Այնուհետև կրկնի՛ր այդ գործողությունը գլխի ձախ հատվածի մազերով։

d) Շարունակի՛ր այնքան, մինչև հյուսքի մեջ հավաքես բոլոր մազերդ։ Հյուսքն ավարտելուց հետո ամրացրու մազի ռեզինի օգնությամբ։

7. Ինչպե՞ս սեղմել բշտիկը։

Ոչ մի կերպ։ Ամենայն լրջությամբ։ Մի՛ արա դա ոչ մի դեպքում։ Բամբակե փայտիկի վրա վերցրու սալիցիլաթթու պարունակող միջոց և տարածիր բշտիկին ու այն շրջապատող մաշկին։ Հավատա՛, լավ է մեկ օր քայլել դեմքին բշտիկով, քան մի քանի՝ տարի դրանից հետո առաջացած բծերով։

8. Ինչպե՞ս ստանալ շողացող մաշկ

Մաքուր մաշկն ունի շողացող տեսք, այդ պատճառով ամեն առավոտ և երեկո օգտագործիր մաքրող միջոց և տոնիկ։ Հավելի՛ր նաև նուրբ շերտազատող միջոցի կիրառում՝ մահացած բջիջներից ազատվելու համար։ Մաշկի փայլն ուժեղացնելու համար կարելի է դիմել սթրոբինգի տեխնիկային (նայիր մեր ուղեցույցը)։

9. Ինչպես հյուսքերը հավաքել մեկ փնջի մեջ

Եթե կրում ես աֆրոհյուսքեր, ապա սկզբում դրանք կարող ես հավաքել պոչով՝ կապելով մազերի էլաստիկ ժապավենով։ Հետո անհրաժեշտ է պոչը հավաքել և ամրացնել ծամակալներով։ Դու կարող ես այսպես ստանալ նաև բալետի պարուհու հյուսքերով փունջ կամ հյուսքերով պարզ փունջ։

10. Ինչպե՞ս ազատվել մազերի էլեկտրականությունից

Մի կողմ տար հարդարելու բոլոր տաք գործիքները, այդ թվում նաև վարսահարդարիչը, որի պատճառով քո մազերը կարող են էլեկտրականացվել։ Քանի որ ստատիկ էլեկտրականությունը առաջանում է մազերի չորության հետևանքով, օգտագործիր արգանի յուղ և շաբաթը մեկ օգտագործիր մազերի դիմակներ։