Մաշկի խնամք
Սկանդինավյան աղջիկները չեն ընդունում տասնաստիճան կորեական խնամքի գործընթացները: Նրանց համար սկզբունքայինը գործառնական և արդյունավետ լինելն է: Նրանք նախընտրում են համալիր խնամք՝ կազմված ոչ մեծ քանակությամբ միջոցներից, որոնք ունեն բնական բաղադրիչներ, պարզ են օգտագործման համար, ունեն բազմաթիվ օգտակար հատկություններ և ապացուցված արդյունավետություն: NovAge հավաքածուներն այսպիսի մոտեցման դասական օրինակ են: Ընդամենը 2 րոպե օրական երկու անգամ և մաշկը կստանա անհրաժեշտ ամեն բան՝ գեղեցիկ և առողջ լինելու համար:
Սնունդ և հավելումներ
Սպիտակուցներ, բջջանք, մրգեր, բանջարեղեն, օգտակար ճարպեր և շատ հեղուկ. ահա սկանդինավյան ոճով առողջ սնվելու բանաձևը: Սակայն նույնիսկ ամենահաշվեկշռված սննդակարգի դեպքում դժվար է ստանալ բոլոր անհրաժեշտ վիտամիններն ու հանքանյութերը: Սկանդինավյան աղջիկները գիտեն այդ մասին և հավելումներ են օգտագործում ամեն օր, և ոչ թե այն ժամանակ, երբ ամբողջ մաշկը պատվել է թեփերով, իսկ իմունիտետն արդեն թուլացել է:
Սպորտ
Մինչ մենք գլուխ կկոտրենք, թե ինչպես ժամանակ գտնել մարզասրահի համար լարված գրաֆիկի պայմաններում, սկանդինավուհիներն ընդամենը ֆիզիկական ակտիվությունն ընդգրկում են օրվա ռեժիմի մեջ: Աշխատանքի են գնում հեծանիվով, ընկերուհիների հետ հանդիպման գնում զբոսայգում, այլ ոչ թե սրճով կրուասան ուտելու՝ մոտակա սրճարանում: Արդյունքն առույգությունն է, լավ ինքնազգացողությունը, առողջ վարդագույնն՝ այտերին: Եվ ոչ մի անհանգստություն՝ ժամկետն անցած աբոնեմենտի համար:
Բալանս
Սնունդը, ֆիզիկական ակտիվությունը, մաշկի խնամքը, դիմահարդարումն ու հոգեվիճակը սկանդինավյան կանանց մոտ իրարից անբաժան են: Նրանք գեղեցկության հանդեպ համալիր մոտեցման կողմնակից են: Թարմ օդը, առողջ սննդակարգը, ակտիվությունը ոչ թե ինքն իր վրա աշխատելու հետևանք են, այլ ամենօրյա կենսակերպի մաս: Փորձի՛ր առողջ ապրելակերպին ուղղված գործողությունները դարձնել ամենօրյա սովորույթներ և պատրաստ եղիր զարմանալի արդյունքների:
