Շպարի հիմքի կախարդանքը

Շպարի հիմք: Ո՞րն է նրանց նշանակությունը և ինչի՞ համար է այն քեզ անհրաժեշտ: Պատասխանում ենք միջոցի վերաբերյալ ամենատարածված հարցերին:

Ի՞ՆՉ ՀԱՏԿՈՒԹՅՈՒՆ ՈՒՆԻ ՇՊԱՐԻ ՀԻՄՔԸ և ԻՆՉՈ՞Ւ Է ԱՅՆ ԻՆՁ ԱՆՀՐԱԺԵՇՏ
Շպարի հիմքն օգտագործվում է մաշկը դիմահարդարմանը պատրաստելու համար, որպեսզի մաշկի վրա չմնան գույնով տարբերվող և անհարթ հատվածներ: Եթե քո մաշկի վրա կան կնճիռներ կամ քո մաշկի ծակոտիները չափից շատ են նկատելի, շպարի հիմքը հենց այն միջոցն է, որը քեզ անհրաժեշտ է: Այլ խոսքերով, քողարկիչը, երանգային հիմքն ու ստվերաներկերը կլինեն ավելի արդյունավետ, եթե մաշկի վրա նախապես տարածել շպարի հիմքը: Երբեմն օրվա ավարտին քո դիմահարդարումը կարող է ունենալ ոչ պատշաճ տեսք և նարնջագույն երանգ: Շպարի հիմքը լուծում է այս խնդիրը: Դիմահարդարման գույնը չի փոխվի ողջ օրվա ընթացքում: Վերջապես, շպարի հիմքը նպաստում է այլ միջոցների կայունությանը: Տպավորիչ է, այնպես չէ՞: 


Քողարկիչը, երանգային հիմքը և անգամ ստվերաներկերը իրենց գործառույթները կկատարեն առավել արդյունավետ՝ նախապես դեմքի մաշկին  շպարի հիմք տարածելու դեպքում: 


Ո՞Վ ՊԵՏՔ Է ՕԳՏԱԳՈՐԾԻ ՇՊԱՐԻ ՀԻՄՔ:
Շպարի հիմքերն արտադրվում են մաշկի տարբեր տիպերի և տարբեր կենսակերպ վարող կանանց համար: Սակայն, այս միջոցն առավել օգտակար կլինի նրանց համար, ովքեր պատրաստվում են ճամփորդել խոնավ, շոգ կամ հակառակը՝ չոր և սառը կլիմայական պայմաններ ունեցող երկիր: Ինչո՞ւ: Որովհետև էքստրեմալ պայմաններում շպարի հիմքը կպահպանի դիմահարդարման կայունությունը: Եթե ծրագրել ես այցելել որևէ երեկույթի, որտեղ անընդհատ լուսանկարվելու ես, շպարի հիմքը կօգնի ապահովել հիանալի տեսքը: Քո մաշկը ոչ մի դեպքում չի փայլի:

ՄԱՇԿԻ Ո՞Ր ՀԱՏՎԱԾՆԵՐԻՆ Է ԱՆՀՐԱԺԵՇՏ ՏԱՐԱԾԵԼ ՇՊԱՐԻ ՀԻՄՔ:

Աչքեր. Կանանց մեծ մասը գտնում է, որ շպարի հիմքը առավել արդունավետ է աչքերի շուրջ մաշկի համար, որտեղ դիմահարդարումը հաճախ «լցնում» է դիմախաղի մանր կնճիռները, ինչը նկատելիորեն ավելացնում է մի քանի տարի:

Դեմք. Դեմքի մաշկին տարածած շպարի հիմքի բարակ շերտը կօգնի դիմահարդարումը պահպանել առավել երկար ժամանակով: Այս միջոցը հարմար է նաև նրանց համար, ովքեր ուզում են մաշկի ծակոտիները տեսողականորեն փոքրացնել:

Շուրթեր. Եթե շրթներկը տարածելուց առաջ շուրթերին տարածել շպարի հիմք, ապա շրթներկը կպահպանվի ավելի երկար ժամանակ: Բացի այդ, շպարի հիմքը թույլ չի տա, որ շրթներկը կուտակվի մաշկի խորշոմներում: Հատուկ շուրթերի համար շպարի հիմք չունենալու դեպքում՝ կարող ես այն փոխարինել դեմքի համար նախատեսված շպարի հիմքով:

ԻՆՉՊԵ՞Ս ՕԳՏԱԳՈՐԾԵԼ ՇՊԱՐԻ ՀԻՄՔԸ
Շպարի հիմքն անհրաժեշտ է տարածել խոնավացնող քսուքից հետո և երանգային հիմքից առաջ: Սակայն, եղի՛ր ուշադիր և զգույշ: Չափից շատ շպարի հիմք տարածելու դեպքում՝ երանգային հիքմը կտարածվի գնդերով, իսկ մաշկը կնմանվի կավճի: Դաստակի վրա վերցրու շպարի հիմքի քիչ քանակություն (մետաղադրամի չափով) և սկսիր այն տարածել՝ սկսելով դեմքի կենտրոնից դեպի մազարմատներ ու ներքև՝ դեպի ծնոտային հատված: Շպարի հիմքի բարակ շերտը տարածիր նաև մաշկի խնդրահարույց հատվածներին:
Քանի որ շպարի հիմքը երկար ժամանակով է պահպանվում մաշկի վրա, մի՛ մոռացիր այն լվանալ քնելուց առաջ: Լավագույն արդյունքի համար օգտագործի մաշկը լվանալու գործիք, որը արագ ու արդյունավետ կհեռացնի կոսմետիկան և աղտոտվածությունը:

Շպարի հիմքի մեր ընտրությունը`

Շպարի հիմք Giordani Gold-ից

Ապահովում է դիմահարդարման կայունությունը, տեսողաբար փոքրացնում ծակոտիները և նվազեցնում կնճիռները, մաշկին հաղորդում առողջ, խոնավացված տեսք ողջ օրվա ընթացքում:

Տեքստ Ֆոտո Shutterstock