ՄԱՇԿԻ ԽՆԱՄՔ VS ԴԻՄԱՀԱՐԴԱՐՈՒՄ
Որպես կանոն՝ կանոնավոր քունն ու փոքրիկ երեխաները անհամատեղելի հասկացություններ են: Որքան քիչ ենք մենք քնում, այնքան ավելի շատ կորտիզոլ է արտադրվում մեր օրգանիզմում: Կորտիզոլի մակարդակի բարձրացումն ազդում է մաշկի վրա. կարող է ակնե, այտուցվածություն, թեփոտվածություն, աչքերի տակ մուգ շրջանակներ առաջանալ: Առաջնայնությունը մաշկի խնամքին տուր, ոչ թե դիմահարդարմանը: Առողջ ու խնամված մաշկն ինքնին գեղեցիկ է: Ընտրի՛ր խոնավացնող և սնուցող հատկություններով արտադրանքներ՝ դիմախաղի և խորը կնճիռների, ինչպես նաև աչքերի տակ մուգ շրջանակների առաջացումը կանխելու համար: Ամեն օր առավոտյան և երեկոյան երկու րոպեն կօգնի պահպանել մաշկի գեղեցկությունն ու առողջությունը: Իսկ դիմահարդարումը պարզապես կընդգծի այն:
ԱՐԵՎԱՊԱՇՏՊԱՆ՝ ՄՇՏԱՊԵՍ
Դու թույլ չես տալիս երեխաներիդ առանց արևապաշտպան միջոցի արևի տակ հայտնվել: Իսկ ի՞նչ կասես քո հանդեպ նույնպիսի ուշադրության մասին: Պայուսակում մշտապես արևապաշտպան միջոց ունեցիր և անհրաժեշտության դեպքում օգտագործիր: Խուսափիր արևի ճառագայթների ազդեցությունից, գնիր խնամքի այնպիսի միջոցներ, որոնց օգնում են շտկել մաշկի երանգը, շաբաթական երկու անգամ օգտագործի՛ր սկրաբ կամ պիլինգ: Դա կնպաստի մաշկի առավել համաչափ երանգին:
ՄԱՇԿԻ ԽՆԱՄՔԸ ՍԻՐԵԼԻ ՍՈՎՈՐՈՒԹՅԱՆ ՎԵՐԱԾԻՐ
Մաշկի համալիր խնամքը քեզնից ընդամենը չորս րոպե կխլի առավոտյան և երեկոյան: Համաձայնիր՝ այնքան էլ շատ չէ: Մաքրում, տոնուսավորում, աչքերի շուրջ հատվածի խնամք և հիմնական խնամք՝ ամեն օր, դիմակներ և սկրաբներ՝ շաբաթական մի քանի անգամ: Չէ՞ որ խնամված և գեղեցիկ մաշկի գաղտնիքը ոչ թե թանկարժեք քսուքներն են և ակնթարթային ազդեցությունը, այլ մշտական խնամքը: Առավոտյան և երեկոյան այս չորս րոպեները միայն քեզ կպատկանեն: Մի՛ խլիր դրանք քեզնից, իսկ մտերիմներդ ինքնուրույն էլ գլուխ կհանեն:
ԸՆՏՐԻ՛Ր ՈՐԱԿՅԱԼ ՄԻՋՈՑՆԵՐ
Այսպիսի ասացվածք կա. «Եթե ուզում ես արագ գնալ, գնա մենակ: Եթե ուզում ես հեռուն հասնել, գնացեք միասին»: Մաշկի գեղեցկությունը, առողջությունն ու շողացող տեսքը հեշտ է պահպանել որակյալ արտադրանքների օգնությամբ: Անհրաժեշտություն չկա ժամանակ ծախսել մաշկի տիպին կամ տարիքային առանձնահատկություններին համապատասխան միջոցներ ընտրելու համար, մենք դա արդեն արել ենք: Ընտրի՛ր:
