Շուրթերի մաշկի ՍՊԱ խնամք

Ծանոթ իրավիճակ. Շրթներկը տարածում ես, սակայն արդյունքը համաչափ չէ: Մաքրում ես, տարածում ես կրկին ու կրկին, հոգոց հանում և ձգվում դեպի հիգիենիկ շրթներկ: Մենք պատրաստել ենք շուրթերի մաշկի սպա- խնամքի քայլ առ քայլ ուղեցույց: Այժմ ամեն ինչ կստացվի:

1. ՍԿՐԱԲ
Ի՞նչ է անհրաժեշտ՝ շուրթեի մաշկի հարթ ու փափուկ վիճակն ապահովելու համար: Սկրաբ: Այն կօգնի հարթացնել մաշկի մակերեսը և կհեռացնի մահացած բջիջները: Այդ պատճառով միշտ ժամանակ հատկացրու շուրթերը դիմահարդարմանը նախապատրաստելու համար: Դու կարող ես նաև պրոցեդուրան կազմակերպել տան պայմաններում: Բաղադրատոմսը պարզ է. շաքար + մեղր: Խառնուրդը տարածիր շուրթերին, մերսիր մատների բարձիկներով, այնուհետև  հեռացրու սկրաբը խոնավ անձեռոցիկի օգնությամբ:

2. ԽՈՆԱՎԱՑՆՈՂ ՄԻՋՈՑ
Սկրաբով գործընթացն ավարտելուց հետո շուրթերն ունեն փափկացման կարիք: Մեզ դուր է գալիս Tender Сare բալզամը: Այս փոքրիկ սրվակը կտեղավորվի անգամ կլաչում և կօգնի շուրթերին վերադարձնել փափկություն ու հարթությունը: Նախընտրում ես ա՞յլ կազմությամբ միջոցներ: Փորձի՛ր բամբակի և արգանի օրգանական մզվածքով Ecobeauty դեմքի յուղը: Իրական շքեղություն սնուցման կարիք ունեցող մաշկի համար:

3. ՓՐԱՅՄԵՐ
Եվ այսպես, շուրթերն արդեն փափուկ են ու հարթ: Ճիշտ ժամանակն է նախապատրաստել դրանք գույն հաղորդելուն: Փրայմերը կատարյալ հիմք է շրթներկը տարածելու համար: Այն կօգնի հարթել մաշկի թերությունները և կկանխարգելի գունազրկումն ու շրթներկի ծորալը: Փրայմերն անհրաժեշտ է տարածել մատների ծայրերի օգնությամբ կամ շրթներկի վրձնով:

4. ԳՈՒՅՆ
Վերջապես շուրթերը պատրաստ են շրթներկ տարածելուն: Կարևոր չէ՝ ինչ՝ շրթներկ, շուրթերի բալզամ, թե մատիտ: Շուրթերը միշտ ընդգծիր միևնույն երանգի մատիտով: Արդյունքում՝ վառ ու զգացմունքային հարդարում, որը կպահպանվի ողջ օրվա ընթացքում:

Վստա՞հ չես երանգի ընտրության հարցում: Մենք կօգնենք: Անցի՛ր քո մաշկի ենթաերանգին համապատասխան շրթներկի ընտրության մեր էքսպրես-կուրսը:

Տեքստ Ֆոտո Getty Images