ԳԵՂԵՑԿՈՒԹՅՈՒՆ ԵՎ ԲՆՈՒԹՅԱՆ ՀԱՆԴԵՊ ՀՈԳԱՏԱՐՈՒԹՅՈՒՆ. 10 ԳԱՂՏՆԻՔ

Բնության մասին հոգալու համար անհրաժեշտ չէ կենսակերպի կտրուկ փոփոխություն կատարել, հատկապես եթե սիրում ես գեղեցկությունն ու նորաձևությունը։ Մենք կբացահայտենք 10 գաղտնիք՝ գեղեցիկ մնալու և մոլորակը գեղեցկությամբ փրկելու համար։

1. ՓԱԿԻՐ ՋՈՒՐԸ

Ամեն անգամ փակիր ջուրը, երբ այն քեզ անհրաժեշտ չէ, օրինակ՝ այն երկու րոպեների ընթացքում, երբ մաքրում ես ատամներդ։ Սա ջուրը խնայելու ամենապարզ մեթոդն է։ 

2. ԳՈՐԾԱԾԻՐ ԲԱԶՄԱՆԳԱՄՅԱ ՕԳՏԱԳՈՐԾՄԱՆ ՇՇԵՐ
Կենցաղային պլաստիկը շրջակա միջավայրի և համաշխարհային օվկիանոսի աղտոտման ամենախոշոր աղբյուրն է։ Երկրագնդի վրա ամեն վայրկյան օգտագործվող մի քանի հազար շշերից միայն 20%-ն է վերամշակվում։ Իսկ մեկ հատ 0.5 լիտրանոց պլաստիկե շիշ պատրաստելու համար անհրաժեշտ է ծախսել գրեթե 5 լիտր ջուր։ Այդ պատճառով, հնարավորության դեպքում, օգտագործիր ջրի բազմանգամյա օգտագործման շշեր։

3. ՑԻՐՈՒՑԱՆ ՄԻ՛ ԱՐԱ ԱՆՁԵՌՈՑԻԿՆԵՐԸ
Վիճակագրության համաձայն՝ մեր մոլորակի լողափների  ամեն 1 կիլոմետրում կա առնվազն 35 ցիրուցան եղած անձեռոցիկ։ Այս թիվը գնալով մեծանում է։ Եթե դու անձեռոցիկներ ես օգտագործում, օրինակ՝ դիմահարդարումը հեռացնելու համար, այն մի՛ թափիր քեզ հարմար վայրում, օգտվի՛ր աղբարկղերից։

4. ՆԱՅԻՐ ՓԱԹԵԹԱՎՈՐՄԱՆԸ
Բնական և օրգանական միջոցների բազմազանության մեջ կողմնորոշվելը կարող է լինել բավականին բարդ, սակայն հատուկ դրա համար մշակվել են արտադրական չափանիշներ և տարատեսակ արտոնագրեր։ Եթե գնում ես Ecocert արտոնագիր ունեցող արտադրանք, կարող ես վստահ լինել, որ դրա բաղադրության 95%-ից ավելին բնական է, որ դրա փաթեթավորումը կարող է վերամշակվել և այն արտադրվել է կայուն զարգացման սկզբունքներին համապատասխան։ Ecocert արտոնագրով բոլոր միջոցների վրա կա համապատասխան տարբերանշան։

5. ԽՈՒՍԱՓԻ՛Ր ՄԻԿՐՈՀԱՏԻԿՆԵՐԻՑ
Միկրոհատիկները պլաստիկի շատ փոքրիկ մասնիկներ են , որոնք առկա են որոշ շերտազատող միջոցներում։ Լոգանքի գել-սկրաբը կարող է պարունակել նույնքան պլաստիկ՝ հատիկների տեսքով։ Ուշադիր կարդա բաղադրությունը և օգտագործիր միայն բնական հիմքով սկրաբներ։

6. ՀԱԳՈՒՍՏԸ ՃԻՇՏ ԽՆԱՄԻՐ
Հագուստի որոշ իրեր չի կարելի լվանալ ամեն կրելուց հետո։ Օրինակ՝ դենիմը, արտադրողները խորհուրդ են տալիս ջինսերը լվանալ յուրաքանչոյւր 5-6 կրելուց հետո, այդպես այն կպահպանի իր ձևը։ Էներգիայի ծախսը և ածխաթթու գազի արտանետումը նվազեցնելու լավ տարբերակներից է 300 , այլ ոչ թե 600 ջերմաստիճանով լվացք անելն է՝ ընդ որում «առանց չորացնելու» ռեժիմը ընտրելու դեպքում։

7. ՀԻՇԻՐ ՎԵՐԱՄՇԱԿՄԱՆ ՄԱՍԻՆ
Մի մոռացիր, որ քո կոսմետիկ միջոցների բոլոր սրվակները, ինչպես նաև անձեռոցիկները և ստվարաթղթե արկղերը կարող են վերամշակվել։

 

8. ԼԻՑՔԱԹԱՓՈՂ ԵՐԿՈՒՇԱԲԹԻ
Շաբաթը մեկ անգամ մսից հրաժարվելու դեպքում դու էապես կօգնես մոլորակին։ Չէ՞ որ 500 գրամ տավարի միս արտադրելու համար անհրաժեշտ է ծախսել 9500 լիտր ջուր։ Մենք չենք առաջարկում դառնալ բուսակեր, սակայն առանց միս մեկ օրը կարող է էկոլոգիայի վրա ունենալ մեծ ազդեցություն։


9.
ԳՆԻՐ FAIRTRADE
Փաթեթավորման վրա նշված Fairtrade հավաստագիրը նշանակում է, որ տվյալ արտադրանքը արտադրելու գործընթացում բաղադրիչների համար նշանակվել է լավագույն, արդար գինը, որը թույլ է տալիս արտադրողներին կատարել ներդրումներ իրենց տարածաշրջանի տնտեսական և սոցիալական զարգացման համար։ Փնտրի՛ր արտադրանք այդ տարբերանշանով։


10.
ԿԻՍԻՐ ՉՕԳՏԱԳՈՐԾՎՈՂ ԻՐԵՐԸ
Հետազոտությունները ցույց են տալիս, որ մենք տարվա ընթացքում ամբողջ զգեստապահարանից կրում ենք մեր իրերի շուրջ 30%-ը։ Դրանք մի թափիր։ Տուր այդ ամենը կարիքավորներին կամ բարեգործական խանութներին։ Այն, ինչը քեզ ընդհանրապես պետք չէ, կարող է էապես բարելավել կամ անգամ փրկել ինչ-որ մեկի կյանքը։






Տեքստ Ֆոտո Getty images