1. ԵՂՈՒՆԳՆԵՐ
Քո եղունգների գույնն ավելի վառ դարձնելու համար բազային լաքից հետո տարածիր սպիտակ լաք:
2. ՎԱՌ ԱՉՔԵՐ
Վերոնշյալ կանոնը կիրառելի է աչքերի հարդարման համար: Կոպին տարածիր սպիտակ գծաներկի մի շերտ, և այնուհետև սևաներկ: Անգամ ամենահագեցած գույնը կլինի ավելի վառ:
3. ԿԱՅՈՒՆ ՇՐԹՆԵՐԿ
Տարածիր փայլող շրթներկի մեկ շերտ և անձեռոցիկի նուրբ հպումով հեռացրու ավելցուկները. Այնուհետև շուրթերի եզրերին տարածիր դիմափոշի: Թող շրթներկը ներծծի դիմափոշին՝ տալով ավելորդ խոնավությունը: Այժմ քո շրթներկը կպահպանվի ավելի երկար:
4. ԱՉՔԵՐԻ ԿԱՅՈՒՆ ՀԱՐԴԱՐՈՒՄ
Կոպերի մաշկը սովորաբար դեմքի այլ հատվածներից ավելի յուղոտ է, այդ պատճառով եթե որպես ստվերաներկի հիմք օգտագործում եք քողարկիչ, ապա ստվերաներկը կարող է կուտակվել կոպի ծալվող հատվածում կամ ծորալ: Երկու դեպքում էլ աչքերի հարդարումը կորցնում է իր գեղեցիկ տեսքը: Նմանատիպ խնդիրներից խուսափելու համար որպես ստվերաներկի հիմք օգտագործիր շպարի հիմք:
5. ԱՆԹԵՐԻ ՄԱԿԵՐԵՍ
Քո BB կամ CC քսուքից թափանցիկ արդյունք ստանալու համար այն տարածիր մատների օգնությամբ: Ավելի խիտ մակերեսի կամ խիտ բաղադրության երանգային հիմք ունենալու համար՝ այն տարածիր վրձնի օգնությամբ:
6. ԳԾԱՆԵՐԿ
Դու կարող ես ստանալ միևնույն արդյունքը թե՛ մատիտի, թե՛ գելային գծաներկի օգնությամբ: Դրա համար պարզապես անհրաժեշտ է մատիտը 10 վայրկյանով պահել կրակայրիչի կրակի վրա: Միջուկը կհալվի և կհաղորդի ավելի հեղուկատիպ արդյունք:
«Բեժագույն գծաներկը տեսողաբար մեծացնում է աչքերը՝ շնորհիվ սպիտակ գույնի հետ հակադրության»:
7. ՀԱՄԱԴՐՈՒԹՅԱՆ ԿԱՆՈՆ
Հասկանալու համար, թե երանգային հիմքի կամ քողարկիչի երանգը համապատասխանում է արդյոք քո դեմքի մաշկի երանգին, ստուգիր այն նախաբազկի ներսի հատվածում: Եթե միջոցները համադրվում են մաշկի այդ հատվածի վրա, ապա դա նշանակում է, որ ամեն ինչ լավ է: Ափի հետևի կողմը նմանատիպ թեստավորման համար հարմար չէ:
8. ԱՌԱՆՑ ՄՈՒԳ ՇՐՋԱՆԱԿՆԵՐԻ
Որպես կանոն՝ քողարկիչը աչքերի տակ տարածում են կիսալուսին հիշացնող շարժումով: Դրա փոխարեն փորձիր տարածել այն լատինական V տառը հիշեցնող երկու շտրիխով՝ աչքի ներսի անկյունից դեպի ներքև և այնուհետև դեպի վերև՝ դեպի աչքի արտաքին հատված: Օգտագործիր վրձին քողարկիչի համար, և դու կզգաս տարբերությունը:
9. ԲԱՑ ԱՐԱ ԱՉՔԵՐԴ
Աչքի ստորին կոպի ներսի հատվածին բեժ կամ սպիտակ երանգի գծաներկ տարածելու դեպքում տեսողաբար կմեծացնես աչքերդ:
10. Շրթներկի թեստավորում
Կասկածո՞ւմ ես շրթներկի երանգի ընտրության հարցում: Փորձիր այն տարածել մատների բարձիկներին, այստեղ մաշկի երանգը առավելագույնս մոտ է շուրթերի մաշկի երանգին: