Մաշկի խնամք․ գարնանային կանոններ

Արդեն գարուն է, իսկ դա նշանակում է, որ ժամանակն է ձմեռային խորը սնուցող խնամքի միջոցները փոխարինել առավել թեթև միջոցներով՝ համաձայն նոր սեզոնի։

ԹՈՂՆԵՆՔ ՀԻՆ ԱՇԽԱՐՀԸ

Վերանայի՛ր գանձերդ։ Դու հաստատ կունենաս միջոցներ, որոնք ձմեռն անցկացրել են (գուցե ոչ առաջինը) ամենահեռու դարակում։ Եթե այդպես է, ապա դրանք ավելի լավ ուսումնասիրելու ժամանակն է։

Փաթեթավորման վրա նշված պիտանելիության ժամկետը միակ բանը չէ, որի վրա անհրաժեշտ է ուշադրություն դարձնել։ Նայի՛ր միջոցի բաղադրությանը։ Չորացած սևաներկ, շերտավորված քսուք, գույնի փոփոխություն՝ սրանք բոլոր փաստում են, որ միջոցն այլևս պիտանի չէ։

ՎԵՐԱԴԱՐՁՆԵՆՔ ՓԱՅԼԸ
Ամռան ընթացքում գունատություն ձեռք բերած մաշկին կենդանություն հաղորդել կօգնեն շերտազատող պրոցեդուրաները։ Սակայն պետք չէ մտածել, որ որքան միջոցը կոշտ է, այնքան արդյունավետ կլուծի իր առջև դրված խնդիրը։ Զգայուն մաշկ ունենալու դեպքում՝ դեմքը մաքրիր մուսլինե անձեռոցիկով կամ մաշկը մաքրելու գործիքով։ Մաշկը շողացող դարձնելու առավել խնայող, բայց առավել քիչ արդյունավետ միջոցը ԱՀԹ (AHA) և ԲՀԹ (BHA) թթուներն են։ Կարևոր է հիշել, որ մաշկը շերտազատող պրոցեդուրայից հետո դառնում է ավելի զգայուն, այդ պատճառով նմանատիպ պրոցեդուրաները լավ  է անցկացնել քնելուց առաջ կամ անմիջապես հետո տարածել SPF-ով միջոց։

ԳԵՂԵՑԿՈՒԹՅՈՒՆԸ ՆԵՐՍԻՑ
Գիտական վերջին հետազոտությունների համաձայն՝ դիետան և առողջության ընդհանուր վիճակը մաշկի և մազերի արտաքին տեսքի վրա ունենում են հսկայական ազդեցություն։ Ձմեռային մազաթափության դեմ պայքարելու համար պետք է ուտել պրոտեինով, երկաթով, C և E վիտամիններով, ինչպես նաև Օմեգա 3 ճարպաթթուներով հարուստ սնունդ։ Դա կօգնի պահպանել մազերի խտությունը և հաղորդել արևի ճառագայթներից հավելյալ պաշտպանություն՝ ինքնատիպ դիետիկ SPF-ի արդյունք։

«Գարնանամուտի հետ մեկտեղ հագեցած և սնուցող խնամքի միջոցները, որոնք օգտագործում էիր մի ամբողջ ձմեռ, կարելի է փոխարինել առավել թեթև միջոցներով»։ 

ԱՎԵԼԻ ՇԱՏ ԼՈՒՅՍ
Գարնանամուտի հետ մեկտեղ հագեցած և սնուցող խնամքի միջոցները, որոնք օգտագործում էիր մի ամբողջ ձմեռ, կարելի է փոխարինել առավել թեթև միջոցներով։ Հնարավոր է՝ քեզ ավելի հարմար լինի մաքրող գել-փրփուրը կամ թեթև ցերեկային քսուքը։ Եվ մի՛ մոռացիր շիճուկների մասին։ Գոյություն ունեն հակաօքսիդիչներով հարուստ բազմաթիվ շիճուկներ՝ մշակված հոգնած մաշկին օգնելու համար՝ շնորհիվ հատուկ գունաբացող բանաձևերի (օրինակ՝ True Perfection)։ Եվ մի՛ մոռացիր մշտապես օգտագործել SPF-ով միջոցներ ողջ օրվա ընթացքում։ 

  

ԹԱՐՄ ԳԱՂԱՓԱՐՆԵՐ
Թարմացնելով խնամքի միջոցները՝ մի՛ մոռացի՛ր նաև բույրերի մասին։ Սովորաբար ձմեռային բույրերը ավելի խիտ են՝ հագուստի մի քանի շերտից հնչելու համար։ Գարնանը ծանր հիմնային նոտաներն արժե փոխարինել որևէ թեթև տարբերակով, օրինակ՝ ծաղկային կամ մուշկի նոտաներ պարունակող բույրերով։

 

ԴԻՄԱԿ՝ ՇԵՐՏԱԶԱՏՄԱՆ ՓՈԽԱՐԵՆ
Անցած տարի Եվրոպայում դիմակների վաճառքները եռապատկվեցին, և դա ունի պատճառ։ Դիմակները դառնում են ավելի կատարելագործված, իսկ այն օգտագործելուց հետո ստացված արդյունքը՝ ավելի տպավորիչ։ Եթե ձմռանը օգտագործում էիր խորը շերտազատող միջոցներ, ապա գարնան գալուստի հետ մեկտեղ ժամանակն է դրանք փոխարինել գունաբացող կամ 10 րոպեանոց խոնավացնող դիմակներով:

 







Տեքստ Ֆոտո Oriflame